1 KAWRINI 15:3 - Mara Bible RV (BSI)

³ Hezy he bie peimawh chaipa ei daopa nâmo ei cha chho pachhuahpa ei kha a châ: Biehrai bie hawhta Krista cha eima moleina vâta thi ta,

1 KAWRINI 15:3 ပူးပေါင်းရင်းမြစ်များ

ÂTHAONA 3:15

Nâ nata chanô likah liata, Akhakhaina paysa aw na ta, Na pathla nata a pathla chhao amâ khakhai aw. Ano ta na luh cha pakei aw ta, Nâ ta a phei ngavâhmaothy thi na padôsa aw,” tah ta.

EZEKIA 3:17

“Chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

MATHAI 26:24

Chyhsa Sawchapawpa he, a thâtih ropa hawh tlai ta a sie aw. Châhrasala Chyhsa Sawchapawpa a patusatuhpa chyhsa cha a hu a po na! Cha chyhsa cha pih leipa sala, a châta a pha via awpa tlai,” tah ta.

MATHAI 26:28

He he ei thisaih, moleinazy a ngiahthai nawpa ta, chyhsa hluhpi châta a lohpa biehrai thiehpa a châ.

LUKA 24:25

Zisu ta ama hnohta, “Hy ahrupa saih u! Hrohsopazy bie reipa zydua a ngiapâ nawpa kyh liata nainôsôpazy saih u!

ZAWHÂNA 1:29

A mylâ ta Zawhâna cha Zisu ta a vaw pangai haipa hmô ta, “Moh teh u, Khazoh Mietakutaw, khizaw moleina a siekheituhpa huh!

HMOTAOPAZY 17:2

Pawla cha a taozietyhpa hawhta a pakhy hra ta, Pahânoh ei thôh Biehrai pakhâta ta âmo a laichadaikhei ta.

HMOTAOPAZY 3:18

Khazohpa ta hrohsopa zydua pakah ta a Mesia cha riethei a tao awpa a châna kyh a vaw reih chhieliepa kha, a vaw patlôsapa a châ.

HMOTAOPAZY 8:32

He he Ethiôpia molaipa ta a reipa Biehrai cha a châ: “Thie awpa mietaku hawhta Ano cha a chhi ei ta, A hmi ngyutuhpa hmiakô liata Mietakutaw â chalih thlâh hapa hawhta, Ano chhao a pakah â vei.

RAWMA 3:25

Zisu Krista cha molei reihpha cheina châta a thisaih palo awpa ta Khazohpa ta a raopa châ ta, cha ngiahthaina cha ngiapâna vâta hmô theipa a châ. A nôphana vâta, kha hlâta moleinazy cha, Khazohpa ta pahno lei a pachâ ta, a siana cha a paluahsa haw.

RAWMA 4:25

Cha Zisu cha keimo moleina vâta thie awpa ta patusapa châ ta, thai eima châ nawpa ta pathyupa a châ.

1 KAWRINI 11:2

Ato liata nâ thei ei chi ta, pachuna ei cha piepazy nama zyh lymâpa vâta ei cha reithai ei.

1 KAWRINI 11:23

Nama hnohta ei cha pie pachhuahpa ei he Abeipa tawhta ei hmôpa a châ. Abeipa Zisu cha patusapa ta a y zâ ta, viahchhâ la ta,

2 KAWRINI 5:21

Krista zawhzi ta Khazohpa siana eimâ hly thei nawpa ta, moleina rai a hnei leipa cha, Khazohpa ta keimo vâta moleipa ta a tao.

KALATIA 1:12

Chyhsa tawhta ei daopa thâtihpha châ leipa ta, eina pachupa ei thâtihpha châ hra vei, Zisu Krista aluahna ta ei daopa thâtihpha a châ.

KALATIA 1:4

Ano cha eima Khazohpa nata eima Paw khozie hawhta, tahmâhlâ khizaw moleina tawhta miah pachha awpa ta, eima moleinazy vyuhpa ta anosasyh â hlâpa a châ.

KALATIA 3:13

“Tho liata bangiehpa maih cha chhiesapa ama châ,” tahpa ropa hawhta, Krista cha keimo châta chhiesapa ta y ta, ryhpa chhiesana tawhta miah a pachha haw.

EPHESI 1:7

A thisaih vâta ano liata chatlaina hnei pi ta, cha cha a ngiachhiena hneirôhzie lymâ hawhta, eima paraonazy angiahthaina a châ.

EPHESI 5:2

Krista ta kyh miah pachâ ta, ropahâhpa châta Khazohpa lâta hmohlâpa ta nata atheihna ta keimo châta â piepa hawhna khata, kyhpachâna hro ta nâmo chhao hroh teh u.

HEBRAI 5:1

Theihthai beichaipa cha, chyhsazy vyuhpa ta Khazohpa nata azaona rai hria awpa ta chyhsazy hry tawhta atlyhpa châ ta, moleinazy châta hmopiepa nata atheihnazy hlâ awpa ta raopa a châ.

HEBRAI 5:3

Cha hawhta a châpa vâta, chyhsazy moleina châta atheihna a hlâpa hawhta, ano moleinazy châta chhao atheihna a hlâ tyh.

1 PITY 1:11

âmo liata a ypa Krista Thlahpa ta Krista pasa tao awpa nata cha khai tawhta palyupalihna a vaw pazi awpazy kyh ama rei chhielie nona khata, khati ta ma vaw tlô aw ta, kheihawh ta a vaw tlô awpa ma a châ tahpa zy amâ laichadai tyh.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.

1 PITY 3:18

Khazohpa lâ miah â chhi thei nawpa ta, Krista cha moleinazy châta chhâzaw châta ei kha thi ta, mosiapa cha moleipa vyuhpa ta thi ta, sapa liata thiepa ta y ta, thlahpa liata deikua pahropa ta a y.

1 ZAWHÂNA 2:2

Ano cha eima moleinazy reihpha cheina châ ta, keimo moleina dei châ leipa ta, khizaw zydua moleina reihpha cheina chhao a châ.

BIEPHUAH 1:5

Zisu Krista, pahnokheituhpa ngâchhihpa, athihpa hry liata a thyu heih tua chaipa nata lei beizy chô liata ryureituhpa tawhta ngiachhiena nata thlalôhna nama hnohta y mawh sy. Kyh miah pachâ ta, a thisaih ta eima moleinazy tawhta miah papuapa ta,