1 KAWRINI 15:24 - Mara Bible RV (BSI)

²⁴ Cha khai tawhta chhâna a vaw tlô aw. Cha tita Krista ta ryureina, biehneina nata hmotaotheina zydua pahnie khai aw ta, Paw Khazohpa hnohta khinarâh a hlâ aw.

1 KAWRINI 15:24 ပူးပေါင်းရင်းမြစ်များ

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

DÂNIAH 12:13

Nâ deikua cha na sie nawpa lâpi liata a chhâna taihta sie mah y. A pahâ aw chi ta, nohzy a chhâ tita, na lymâ hmô awpa ta na thyu heih aw,” tah ta.

DÂNIAH 12:4

Nâ deikua cha, Hy Dâniah y, chhâna daihti a tlô hlâlei cha, bie cha nyu la, châbu kha pakuh la khâchâ baipâ ha mah y. Chyhsa hluhpi a râhreih aw ei ta, pahnona a pôh aw,” tah ta.

DÂNIAH 12:9

Ano ta, “Dâniah y, na sie nawpa lâpi liata sie thlâh ha mah y, biezy cha chhâna daihti taih châta khaw hapa nata baipâ hapa châ ha tlôh ta.

DÂNIAH 2:44

“Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

DÂNIAH 7:14

Phopi to, râh to, reih to ta ano cha ama chakao thei nawpa ta, A hnohta ryureina piepa châ ta, Rônahna nata khinarâh chhao piepa a châ. A ryureina cha chhâzaw ryureina châ ta, Tleih beih aw vei; A khinarâh chhao parao theipa châ aw vei.”

DÂNIAH 7:27

Chatawhcha khinarâh nata ryureina cha, Chônôchaipa phopi mopathaihpazy hnohta piepa châ aw ta; Avâ ry zydua liata khinarâhzy rônahna chhao, Ama hnohta piepa a châ aw. A khinarâh cha tlyzaw khinarâh a châ aw; Ryureituhpa zydua ta ano cha chakao aw ei ta, A rei amâ ngiah aw.’”

MATHAI 10:22

Ei moh vâta chyhsa to a haopa ta y aw ei chi ta, achhâna taihta â ipa ta a duahpa cha pachhapa ta a y aw.

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

MATHAI 24:13

Achhâna taihta a tao hualuapa cha pachhapa ta a y aw.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

LUKA 10:22

Ei Paw ta ato zydua eina hlâ haw. Paw dei leipa ta cha, Sawchapawpa he ahy ma a châ tahpa ahy hmahta pahno veih ei. Paw he ahy ma a châ tahpa chhao, Sawchapawpa nata Sawchapawpa ta ama hnohta phuah awpa ta â tlyhpazy dei leipa ta cha, ahy hmahta pahno veih ei,” tah ta.

ZAWHÂNA 13:3

Zisu cha Paw ta a ku liata hmo to a pavaosapa kyh nata Khazohpa tawhta a vaw puapa a châpa nata Khazohpa lâta a sie heih awpa a châpazy pahno thlâh ha ta.

ZAWHÂNA 3:35

Paw ta Sawchapawpa kyh pachâ ta, ato zydua a ku liata a pie khai haw.

RAWMA 8:38

Thina nata hrona tlyma, vâlyuhchâpazy nata ahripazy tlyma, hmo y haipa nata a vaw y awpazy tlyma, hmotaotheina tlyma,

EPHESI 5:20

Eima Beipa Zisu Krista moh ta, ato liata Paw Khazohpa hnohta alyna bie khâ reih u la,

KAOLAOSÂ 2:10

Ryureina nata biehneina zydua luhpa Krista liana chata nâmo chhao pakipa ta nama y.

KAOLAOSÂ 2:15

Krista ta ryureituhpazy nata biehneituhpazy cha ama châna pahluh ta, kraws liata âmo cha pahniepa ta, â lâhâhpa ta maophyuhpa ta a tao ha ei.

1 TIMAWTHY 6:15

Reithai tlâh Khazohpa nata ato chô liata biehneituhpa a y chhôhpa, beizy Beipa nata zibeizy Zibeipa ta eima Beipa Zisu Krista cha a daihtita liata a vaw paluahsa aw.

1 PITY 4:7

Hmo zydua chhâna â hnia haw. Chavâta thlah nama chhâ thei nawpa ta palôh pasohpa nata a sohsi ngaitapa ta y teh u.

2 PITY 1:11

Chatanachata eima Beipa nata Pachhatuhpa Zisu Krista chhâzaw khinarâh liata a ngia theina cha, pasai ngaitapa ta piepa nama châ aw.