1 KAWRINI 15:2 - Mara Bible RV (BSI)

² Bie ei cha chhopa ei kha, namâ ngiapâ thlâhthlipa châ leipa ta, khâchâ nama patu khiahta cha, cha liana chata pachha haipa ta nama y.

1 KAWRINI 15:2 ပူးပေါင်းရင်းမြစ်များ

BIESOZY 23:23

Biehmeiseihpa chalei la zuah khao leipa la, Sona nata pachuna nata pahnona zy chalei mah y.

BIESOZY 3:1

Ei sawchapawpa y, ei pachuna my leipa la, Na palôh ta ei biepiepazy a vao thlâh ha mah y.

BIESOZY 4:13

Pachuna cha khâchâ patu la, Papua khao khah y; Na hrona châ ta, Liahsa a vao ha mah y.

LUKA 8:13

Hezy he lôphiariapa liata chi hiepazy ama châ. Bie ama theipa nahta, a ly ngaitapa ta a pyh ei ta, châhrasala thari ama thla leipa vâta, bohpi leipa chhôh zyh ei ta, reipasaona a vaw y nahta, ama paosai ha tyh.

HMOTAOPAZY 2:47

Khazohpa reithai ei ta, chyhsa zydua modypa ta ama y tyh. Chatanachata pachha a châpazy cha, noh chareih ta Abeipa ta ama hnohta a baichha lymâ ei.

HMOTAOPAZY 8:13

Saimaw chhao a ngiapâ ha hra ta, bâti a châ khai nahta, Phili hnohta y lymâ ta. Ngiana nata hmonoâhpa rônah ngaitapa a taopazy hmô ta, a noâh ngaita ta.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

RAWMA 11:22

Chavâta Khazohpa phazie nata chichhihzie he pachâ mah y. A paopazy châta chichhihpa châ ta, nâma châta deikua cha, a phana liata na y thlâh ha khiahta cha, Khazoh phapa a châ. Chataleipatala nâ chhao chhawh pathlahpa na châ aw.

1 KAWRINI 1:18

Kraws bie cha leidia haipazy châta hruna châ ta, keimo, pachha haipazy châta deikua cha, Khazohpa hmotaotheina a châ.

1 KAWRINI 1:21

Khazohpa sona liata cha, khizaw ta sona hmâpa ta Khazohpa a pahno thei vei tawhta cha, biechhona hrupa hmâpa ta a ngiapâpazy pachhapa cha Khazohpa ta pha a tah ngaita.

1 KAWRINI 11:2

Ato liata nâ thei ei chi ta, pachuna ei cha piepazy nama zyh lymâpa vâta ei cha reithai ei.

1 KAWRINI 15:14

Krista kha pathyupa ta a y vei khiahta cha, eima bie chhopa he hraoleipa châ aw ta, namâ ngiapâna chhao hraoleipa a châ aw.

2 KAWRINI 2:15

Pachha haipazy nata leidia haipazy hry liata Khazohpa châta Krista ropahâhpa châ pi ta,

2 KAWRINI 6:1

Khazohpa ngiachhiena cha hraoleipa nama pachâsa lei nawpa ta, Khazohpa hrialâhpazy ta eima châ haw.

KALATIA 3:4

Hraoleipa hmo châ tlai sala, hraoleipa liata ma pasa hluhpi nama vaw tao?

EPHESI 2:8

Ngiachhiena vâta ngiapâna ta pachhapa nama châ. Cha chhao cha nâmo tawhta a puapa châ leipa ta, Khazohpa hmosaipiepa a châ.

KAOLAOSÂ 1:23

Ngiapâna liata y thlâh ha u la, â ipa ta a duah teh u. Thâtihpha hnabeiseihna nama pahnopa tawhna khata nama tleisai leipa khiahta cha, cha hawhta nama châ thei aw. Cha thâtihpha cha avâ ry liata hmotaopa zydua hnohta phuahpa châ ta, kei, Pawla he, cha thâtihpha chakaotuhpa cha ei châ.

2 THYSALAWNIKA 2:15

Chavâta unawh saih u, â ipa ta a duah u la, biereipa ta tlyma, châpaphaopa ta tlyma, hrozie awpa eima cha pachupa zydua kha khâchâ patu ha muh vy.

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.

HEBRAI 10:23

Eima hnabeiseihna palâhâhna cha, a zawvaw leipa ta khâchâ patu ei suh u, bie â taihtuhpa cha ngâchhihpa châ tlôh ta.

HEBRAI 2:1

Chavâta bie eima theipazy kha eima pachâ peimawh pachai awpa a châ. Chataleipatala biezy cha eimâ sysai pathlei aw na.

HEBRAI 3:14

Âthaona liata eimâ ngiapâna alôhna kha achhâna taihta eima patu khiahta cha, Krista a hneituhpazy eima châ. Chavâta,

HEBRAI 3:6

Krista deikua cha, Khazohpa o chô liata Sawchapawpa ngâchhihpa a châ. Eimâ lôhna nata eima hnabeiseihna liata eimâ palaikheipazy â ipa ta eima patu khiahta cha, keimo he Krista o cha eima châ.

HEBRAI 4:14

Chatanachata avâzy a siepahliepa theihthai beichaipa rônahpa, Khazohpa Sawchapawpa Zisu eima hneipa vâta, eimâ ngiapâna palâhâhna cha khâchâ patu ei suh u.

ZÂMIE 2:14

Unawh saih u, chyhsa ta, “Ngiapâna ei hnei,” tah sala, hmotaopa a hnei tlôh leipa khiahta cha, khâpa phahnaina a hnei? Cha hawhpa ngiapâna chata ano a pachha thei aw ma?

ZÂMIE 2:17

Cha hawhna chata, ngiapâna cha hmotaopa hnei leipa ta ano dei ta a y khiahta cha athipa a châ.

ZÂMIE 2:26

Thlahpa a hlao leipa pôhpa cha athipa a châ. Cha hawhna chata hmotaopa a hlao leipa ngiapâna chhao athipa a châ hra.