1 KAWRINI 15:17 - Mara Bible RV (BSI)

¹⁷ Krista kha pathyupa a châ vei khiahta cha, namâ ngiapâna cha aruapa châ aw ta, nama moleinazy liata nama y thlâh ha chy tahna a châ.

1 KAWRINI 15:17 ပူးပေါင်းရင်းမြစ်များ

EZEKIA 33:10

“Chavâta chyhsa sawchapawpa y, Izarei pathlazy chho la, ama hnohta, ‘Eima paraona nata eima moleinazy ta miah vi ta, chazy vâna chata eima thuzao hai. Kheihta eima hro thei rai aw?’ a tahpazy nama châ, tah mah y.

HMOTAOPAZY 5:31

Izarei parosa ta, moleinazy a ngiahthai awpa ta, Khazohpa ta ano cha a chachâh lâta patyusa ta, Hyutuhpa nata Pachhatuhpa ta y awpa ta a cheihchalo haw.

RAWMA 4:25

Cha Zisu cha keimo moleina vâta thie awpa ta patusapa châ ta, thai eima châ nawpa ta pathyupa a châ.

RAWMA 5:10

Khakhaipa eima châ nota hmahta, a Sawchapawpa thina vâta Khazohpa nata a ryhpa ta eima y khiahta cha, tahmâ eimâ ryh ha tawh chhochhi cha, a hrona vâta pachhapa ta eima y via pachai aw.

1 KAWRINI 15:14

Krista kha pathyupa ta a y vei khiahta cha, eima bie chhopa he hraoleipa châ aw ta, namâ ngiapâna chhao hraoleipa a châ aw.

1 KAWRINI 15:16

Athihpazy pathyupa ama châ vei khiahta cha, Krista chhao kha pathyupa châ aw vei.

1 KAWRINI 15:2

Bie ei cha chhopa ei kha, namâ ngiapâ thlâhthlipa châ leipa ta, khâchâ nama patu khiahta cha, cha liana chata pachha haipa ta nama y.

1 PITY 1:21

Khazohpa ta Krista cha athihpa hry tawhta pathyupa ta rônahna patosa ta, Krista zawhzi ta Khazohpa ngiapâtuhpazy nama vaw châ haw. Chatanachata namâ ngiapâna nata hnabeiseihna cha Khazohpa liata a y thlâh ha aw.

1 PITY 1:3

Eima Beipa Zisu Krista Khazohpa nata Paw cha reithaipa ta y mawh sy! Ano cha zawngiahna rônah ngaitapa a hneipa a châpa hawhta, athihpa hry tawhta Zisu Krista thyuheihna zawhzi ta hnabeiseihna hrohpa hnei awpa ta miah papihpathisa ta,