1 KAWRINI 14:35 - Mara Bible RV (BSI)

³⁵ A chu khohpa ama hnei khiahta cha, o lâta ama vahpazy ama hiahri awpa a châ. Chanô châta Awnanopa pakhyna liata bie reipa cha nozachhihpa châ tlôh ta.

1 KAWRINI 14:35 ပူးပေါင်းရင်းမြစ်များ

1 PITY 3:7

Cha hawhna chata, nâmo, vahpa saih u, chanô cha hmobaoh rao nao viapa a châ hleikhô ta, nama lapinôzy cha ngiachhiena hro liata ryu nama to lâhpazy ama châpa vâta, nama thlahchhânazy pakhâpa ta a y lei nawpa ta, nama lapinôzy palyupalih u la, pahnothai kawpa ta pahrâ khoh teh u.

EPHESI 5:12

Arulâta ama tao tyhpazy cha, reipa chhao ta nozachhihpa hmo a châ.

1 KAWRINI 11:14

Chapaw cha a sâ â paseih khiahta cha, ano châta nozachhihpa a châ tahpa nama pikheipa palôh chhao ta cha pahnosa veih ei ma?

1 KAWRINI 11:6

Chanô cha a luh â khu khoh leipa khiahta cha, a sâ ngyu lâlao mawh sy. Châhrasala chanô châta sâ ngyupa nata luh pôlôpa cha nozachhihpa a châpa vâta, a luh a khu mawh sy.

1 KAWRINI 14:34

chanôzy cha Awnanopa pakhynazy liata a chalihpa ta y mawh ei sy. Bie rei pasaipa châ veih ei. Ryhpa ta a reipa hawhta, a ngiarihpa ta ama y awpa a châ.

1 KAWRINI 14:36

Khazohpa bie cha nâmo tawhta a puapa ma a châ? A châ vei khiah, nâmo hnohta dei ma Khazohpa bie cha a vaw tlô?