1 KAWRINI 14:31 - Mara Bible RV (BSI)

³¹ Chyhsa zydua ta a chu ei sala, thlahpalôhpa ta ama y thei nawpa ta, nama zydua ta bie reih thei khai ei chi ta, pakha pakha ta rei awpa a châ.

1 KAWRINI 14:31 ပူးပေါင်းရင်းမြစ်များ

BIESOZY 1:5

Asopazy ta theipa ta ama pahnona a pôh via nawpa ta, Novâhpazy ta pasopakâna bie ama dao thei nawpa ta,

BIESOZY 9:9

Chyhsa sopa cha pachu la, So via rili aw ta; Chyhsa siapa chhao na pachu khiahta cha, A thaina a pôh rili aw.

RAWMA 1:12

Chatanachata namâ ngiapâna nata ei ngiapâna hmâpa ta, eimâ ngiapâna tha eimâ patlô raihrie thei aw.

1 KAWRINI 14:19

Chtahrasala Awnanopa pakhyna liata la, reihtheileipa ta biesâ thy kha reipa hlâta, mohropazy ei pachu thei nawpa ei ta, reih theipa ta biesâ miapangawh reipa pha ei tah via.

1 KAWRINI 14:3

Biechhotuhpa deikua cha, chyhsazy hnohta taopathina bie, pasyuna bie nata thlapalôhna biezy a reih tyh.

1 KAWRINI 14:30

Cha liata a tyuhpa pakha hnohta aluahna a vaw tlô khiahta cha, bie a reih tuapa cha a chalih mawh sy.

1 KAWRINI 14:32

Hrohsopazy thlahpa cha hrohsopazy biehneina ry liata a y.

1 KAWRINI 14:35

A chu khohpa ama hnei khiahta cha, o lâta ama vahpazy ama hiahri awpa a châ. Chanô châta Awnanopa pakhyna liata bie reipa cha nozachhihpa châ tlôh ta.

2 KAWRINI 1:4

Ano cha eima riethei taona zydua liata thlah miah palôhtuhpa a châ. Chatanachata keimo chhao, Khazohpa ta thlah miah a palôhna cha hmâpa ta, rietheina kheihawhpa rai a taopazy thlah eima palôh thei hra aw.

EPHESI 6:22

Eima duahmo vaw pahnopa ta, nama palôh tha a cha patlô thei nawpa ei ta, Tykiku cha nâmo lâ ei vaw tuah.

KAOLAOSÂ 2:2

Chatanachata ama palôhzy thapatlôpa ta y aw ta, kyhpachâna liata a chahry pabaoh aw ei ta, pahnopasiana liata hneirôna zydua topa ta, Khazohpa bienyupa, Krista cha ama pahno thei aw.

1 THYSALAWNIKA 4:18

Chavâta cha biezy chata thlah a palôh raihrie teh u.

1 THYSALAWNIKA 5:11

Chavâta nama tao tyhpa hawhta, a pasyu raihrie u la, tha a patlô raihrie tyh muh vy.

1 THYSALAWNIKA 5:14

Unawh saih u, thathipazy chhorei u la, palôh chhâpazy thapatlôpa ta, chiehleipazy bao u la, chyhsa zydua chô liata nôpha awpa ta eima châ haw.

1 THYSALAWNIKA 5:20

Hrohsona biezy mohnao leipa u la,