1 KAWRINI 14:21 - Mara Bible RV (BSI)

²¹ Ryhpa châbu liata, “Reih hro a cheihpa phopi hmâh aw na ta, Chihropa hmaokah hmâpa ta, He phopi hnohta bie ei reih aw; Chatanachôta na nathlie hlei aw veih ei, Abeipa ta a tah,” tahpa ta ropa a châ.

1 KAWRINI 14:21 ပူးပေါင်းရင်းမြစ်များ

ZEREMIAH 5:15

Hy Izarei pathlazy saih u, Moh teh u, nâmo châ dyuh awpa phopi Lâhlapi tawhta ei vaw chhi aw. Cha phopi cha phopi thatlôpa châ ta, Phopi hlôpa a châ. Ama reih na thei leipa phopi châ ta, Ama bie reipa na pahno leipa phopi a châ,” Abeipa ta a tah.

ZAWHÂNA 10:34

Zisu ta âmo cha a chhy ta, “Nama ryhpa châbu liata, ‘Khazohzy nama châ ei cha tah ei,’ tahpa ropa châ vei mâ?

HMOTAOPAZY 2:4

Ama zydua ta Thlahpa Pathaihpa ta bie khai ha ei ta, Thlahpa ta a pareisapa lymâ hawhta reih hropa ta bie reih chyu ei ta.

RAWMA 3:19

Ryhpa ta a reipa maih cha, ryhpa ry liata a ypazy hnohta reipa a châ tahpa eima pahno. Chatanachata pakah to hmao mopa ta y aw ei ta, khizaw zydua he Khazohpa ryureina ry liata a y thei aw.

1 KAWRINI 14:34

chanôzy cha Awnanopa pakhynazy liata a chalihpa ta y mawh ei sy. Bie rei pasaipa châ veih ei. Ryhpa ta a reipa hawhta, a ngiarihpa ta ama y awpa a châ.

RYHPACHANEINA 28:49

“Abeipa ta nâmo châ dyuh awpa ta, khizaw chhâna lâhlapi tawhta phopi miakha pahmôhpi a pathlôpa hawhta vaw tuah aw ta, cha phopi cha a reih nama thei leipa,