1 KAWRINI 14:12 - Mara Bible RV (BSI)

¹² Cha hawha chara nâmo chhao Thlahpa hmopiepa to awpa nama tlaichhai kawpazy cha, Awnanopa thapatlô nawpa ta tlaichhai u la, tlua muh vy.

1 KAWRINI 14:12 ပူးပေါင်းရင်းမြစ်များ

RAWMA 14:19

Chavâta thlalôhna a tlôkhei awpa nata tha a patlô raihriena a châ awpa hmozy a chadai lymâ suh u.

1 KAWRINI 12:31

Khâpa rai châ sala, hmopiepa rônah viapazy cha tlaichhai pachai teh u. Chatanachata lâpi pha viapa ei cha pahmô aw ei.

1 KAWRINI 12:7

Thlahpa hmopiepazy cha zawpi pha nawpa ta chyhsa to hnohta piepa a châ.

1 KAWRINI 14:1

Kyhpachâna a chadai u la, thlahpa hmopiepazy khoh u la, biechho chakaona hmopiepa khoh pachai teh u.

1 KAWRINI 14:13

Chavâta reihtheileipa ta bie a reihpa ta a chhopasia thei nawpa ta thlahchhâ mawh sy.

1 KAWRINI 14:26

Cha khiahta la unawh saih u, kheihta a châ aw? Namâ pakhy nahta, chyhsa to ta hla, pachuna bie, aluahna, reihtheileipa nata a chhopasiana zy nama hnei chyu. Hmo to zydua he taopathina châta châ khai mawh sy.

1 KAWRINI 14:5

Nama zydua ta reihtheileipa ta bie reih khai ha u la ei tah kaw, châhrasala biechho thei khai ha u la ei tah pachai. Reihtheileipa cha Awnanopa thapatlô nawpa ta chhopasiatuhpa ama y leipa khiahta cha, biechhotuhpa cha reihtheileipa ta bie a reihpa hlâta a rônah via.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.