1 KAWRINI 14:1 - Mara Bible RV (BSI)

¹ Kyhpachâna a chadai u la, thlahpa hmopiepazy khoh u la, biechho chakaona hmopiepa khoh pachai teh u.

1 KAWRINI 14:1 ပူးပေါင်းရင်းမြစ်များ

BIESOZY 15:9

Moleipa lâpi cha Abeipa châta pasichhihpa châ ta, Siana lâpi a chhituhpa deikua cha Abeipa ta kyh a pachâ.

BIESOZY 21:21

Siana nata ngâchhihna a chadaipa cha, Hrona, siana nata zana a hmô aw.

ISAI 51:1

“Nâmo, siana a chadaituhpazy saih u, Na nathlie u la; Nâmo, Abeipa a tluatuhpazy saih u, Na nathlie teh u. Ama cha khyna lôpanô lâ moh u la, Ama cha chaona alô thih lâ moh teh u.

RAWMA 12:6

Ngiachhiena piepa eima châpa lymâ hawhta, hmopiepa nanopa eima hnei chyu. Hrohsona bie rei awpa a châ khiahta cha, eimâ ngiapâna rakha lymâ hawhta reih sih la,

RAWMA 14:19

Chavâta thlalôhna a tlôkhei awpa nata tha a patlô raihriena a châ awpa hmozy a chadai lymâ suh u.

RAWMA 9:30

Khâpa eima reih khao aw? Siana a chadai leipa Zenitaizy ta ngiapâna ta siana tlao to ei ta,

1 KAWRINI 12:1

Chavâta unawh saih u, thlahpa hmopiepazy kyh liata, nama pahno lei awpa khoh va na.

1 KAWRINI 12:31

Khâpa rai châ sala, hmopiepa rônah viapazy cha tlaichhai pachai teh u. Chatanachata lâpi pha viapa ei cha pahmô aw ei.

1 KAWRINI 13:13

Ngiapâna zy, hnabeiseihna zy, kyhpachâna zy he khâ ama y thlâh ha aw. Cha miathôhzy hry liata a rônah chaipa cha kyhpachâna he a châ.

1 KAWRINI 13:2

Hrohsona hmopiepa hneipa ta, bienyupa zydua nata pahnona zydua hnei khai hraw sah la, tlâhzy pasie theina taihta ngiapâna pakipa hnei hraw sah la, kyhpachâna ei hnei tlôh leipa khiahta la, khâpa hmah châ va na.

1 KAWRINI 14:22

Chavâta reihtheileipazy cha ngiapâtuhpazy châta ngiana châ leipa ta, ngiapâleipazy châta ngiana a châ. Biechhopa deikua cha, ngiapâleipazy châta ngiana châ leipa ta, ngiapâtuhpazy châta ngiana a châ.

1 KAWRINI 14:37

Chyhsa ta hrohsopa hawhta tlyma, thlahpa chyhsa hawhta tlyma, â pachâ khiahta cha, nama hnohta bie ei ropazy he Abeipa biepiepa a châ tahpa pahno mawh sy.

1 KAWRINI 14:39

Chavâta unawh saih u, bie chho awpa tlaichhai kaw u la, reihtheileipazy ta bie reipa chhao pakhâ khuh vy.

1 KAWRINI 16:14

Nama taopa maih kyhpachâna ta taopa châ mawh sy.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

1 THYSALAWNIKA 5:20

Hrohsona biezy mohnao leipa u la,

1 TIMAWTHY 4:14

Hmopiepa na hneipa kha uasa leipa ta y khah y. Kha hmopiepa kha, hrohsona bie hawhta, machâzy ta na chô liata ama ku ama pahnieh nota piepa na châ.

1 TIMAWTHY 5:10

a sawzy a mohôhpa, khichhai a pasôpa, mopathaihpazy phei a pasipa, chyhsa nôpopazy a deichhypa nata hmo pha to taona liata a hmâhpa, hmo pha taona kyh liata reithai a hlaopa a châ khiahta cha, nôhmeizy hry liata pahlaopa châ mawh sy.

1 TIMAWTHY 6:11

Nâ, Khazohpa chyhsa y, cha hmozy cha a râsai la, siana, Khazohpa pachâna, ngiapâna, kyhpachâna, daotheina nata nônaina zy a chadai lymâ mah y.

2 TIMAWTHY 2:22

Thyutlia aohraohnazy a râsai la, palôh pathaihpa ta Abeipa padotuhpazy hry liata a hlaopa ta, siana, ngiapâna, kyhpachâna nata thlalôhna zy a chadai lymâ mah y.

HEBRAI 12:14

Chyhsa zydua nata adyhna chadai u la, pathaihna chadai hra teh u. Pathaihna leipa ta ahy hmahta Abeipa hmô aw veih ei.

2 PITY 1:7

Khazohpa pachâna liata unawhzy atlaichhaina a hlao sala, unawhzy atlaichhaina liata kyhpachâna a hlao mawh sy.

3 ZAWHÂNA 1:11

Kho ngaitapa y, moleina hâ a la leipa la, hmo phapa hâ a la mah y. Hmo pha a taotuhpa cha Khazohpa tawhtapa châ ta, moleina hmo a taotuhpa cha Khazohpa a hmô leipa a châ.

1 SAMUELA 10:5

Cha khai tawhta Philistinâ pheisaih yna Kibia Elôhim tlô aw chi ta. Chatawhcha hetana heta a vaw châ aw. Khihpi na tlôpa nahta, su sâhpa tawhta â zupa hrohsopa py a tyh aw chi ta, totâ, khoh, ramo nata tlaipih tôtuhpazy ta hmia a sah aw ei ta, hrohsopazy ta hrohsona bie ama phuahpa na hmô aw.