1 KAWRINI 13:9 - Mara Bible RV (BSI)

⁹ Â ki leipa ta pahno pi ta, â ki leipa ta eima chhochhielie tyh.

1 KAWRINI 13:9 ပူးပေါင်းရင်းမြစ်များ

ZAWBÂ 26:14

Moh teh u, hezy he a lâpi chyhta palâsapa dei châ ta, A bieparu chyhta eima theipa dei a châ. Chavâta a hmotaotheina tôkalôhpa chhochhi cha, Ahy ma a pahno thei aw?” tah ta.

HLAZY 139:6

Cha tlu ta pahnona cha, Kei châta noâhchhihpa châ ta; A sâh tu ha ta, Ei pahnona ta a pha khao vei.

HLAZY 40:5

Hy Abeipa, ei Khazohpa, Na hmotao noâhpazy he thata châ ta, Miah na pachânazy he thata a châ kaw dia! Nâma nata pakho tlâh y tlâ veih ei. Chazy cha phuahpa ta ei chhopa chhao ta, Chho khai tiah awpa châ vei.

BIESOZY 30:4

Avâ lâ kiah ta a zâ chô heihpa cha ahy ma a châ tly? A ku ta thlih a chahupa cha ahy ma a châ tly? A poh ta ti a chatypa cha ahy ma a châ tly? Khizaw kaokih zydua a paduapa cha ahy ma a châ tly? A moh ahy ma a châ tly? A sawchapawpa moh ahy ma a châ tly? Na pahno mah tâh!

MATHAI 11:27

Ei Paw ta ato zydua eina hlâ haw. Paw dei leipa ta cha, ahy hmahta Sawchapawpa he pahno leipa ei ta, Sawchapawpa nata ano ta a hnohta a palâhâhpa tah dei leipa ta cha, ahy hmahta Paw pahno veih ei.

RAWMA 11:34

Abeipa palôh ahy a pahno? Ahy ma ano ryhraotuhpa ta a y?

1 KAWRINI 13:10

 kipa a vaw tlô tita deikua cha, a ki leipa cha pahleipa a châ ha aw.

1 KAWRINI 13:12

Tahmâ cha thlalâ liata vivâh deita hmô pi ta, cha tita deikua cha hmiachhypa ta eima hmô ha aw. Tahmâ cha â ki leipa ta pahno na ta, cha tita deikua cha, Khazohpa ta eina pahno pakipa hawhna heta, â kipa ta ei pahno ha aw.

1 KAWRINI 2:9

“Ano kyh a pachâpazy châta Khazohpa ta â chhuahdypa cha, Mo ta hmô veih ei; Nah ta thei leipa ei ta, Palôh ta pachâ veih ei,” tahpa ropa hawhta ama châ.

1 KAWRINI 8:2

Chyhsa ta a pahno kawpa hawhta â pachâ khiahta cha, a pahno awpa hawhpa pahno mâh vei.

EPHESI 3:8

Mopathaihpa chyh chaipa hlâta chyh viapa châ hraw sah la, pahno khai thei leipa Krista hneirôna cha, Zenitaizy hnohta chho awpa ta, cha ngiachhiena cha piepa ei châ.

1 ZAWHÂNA 3:2

Kho ngaitapa saih u, Khazohpa sawzy eima châ haw. Kheihta ma eima y aw tahpa deikua a lâ mâh vei. Châhrasala ano â vaw luah tita, ano hawhta eima y aw tahpa eima pahno. Ano cha a châna ualua ta eima hmô aw.