1 KAWRINI 13:3 - Mara Bible RV (BSI)

³ Ei hneipa zydua dyhchhiepazy pie khai ha hraw sah la, ei pôhpa mei liata rao awpa ta a pie hraw sah la, kyhpachâna ei hnei tlôh leipa khiahta la, ei châta khâpa hmah phahnai vei.

1 KAWRINI 13:3 ပူးပေါင်းရင်းမြစ်များ

ISAI 57:12

Na siana kyh phuahpa ta, Na hmotaopazy reih hraw sah la, Na châta phahnai hlei aw vei.

ZEREMIAH 7:8

“Pachâ teh u, phahnaina a hnei leipa haipa biezy tlao nama ngâ he zaw.

MATHAI 23:5

Ama hmotaopa zydua chyhsa hmô awpa ta ama tao tyh. Ama ku liata amâ kypa nata ama khiriena zy paphia ei ta, ama poh pai pasisa ei ta,

LUKA 18:22

Cha cha Zisu ta a thei nahta, a hnohta, “Hmo miakha a phahlapa na hnei. Na hneipa zydua zuah la, dyhchhiepazy rai mah y. Chatanachata vârâh liata ryu na hnei aw. Cha khai tawhta a vy la, na zi mah y,” tah ta.

LUKA 18:28

Pity ta, “Moh teh, eima olyuzy siesai khaipa ta eima cha zi hih,” tah ta.

LUKA 19:8

Zakia cha a duah ta, Abeipa hnohta, “Abeipa, moh tua, ei sôh khophie dyhchhiepazy hnohta pie aw na ta, chyhsa hmo kheihawhpa rai â doleipa ta ei lapa a y khiahta cha, a lie palih ta ei thô aw,” tah ta.

ZAWHÂNA 12:43

Khazohpa reithaina hlao awpa hlâta, chyhsa reithaina hlao awpa ama khoh viapa vâta a châ.

ZAWHÂNA 13:37

Pity ta a hnohta, “Abeipa, khazia tahmâ chhao ei cha zi thei aw vei? Na châta ei hro ei hlâ aw,” tah ta.

ZAWHÂNA 15:13

Chyhsa ta a viasazy châta a hrona a piepa hleikhô ta kyhpachâna rônah viapa ahy hmahta hnei veih ei.

ZAWHÂNA 6:63

Hrona pietuhpa cha Thlahpa a châ, sapa cha phahnaina hnei vei. Nama hnohta bie ei reipazy he Thlahpa châ ta, hrona chhao a châ.

HMOTAOPAZY 21:13

Châhrasala Pawla ta, “Khazia cha ei chi ta, ei ngia eina pachhie ei chi? Abeipa Zisu moh vâta Zerusale liata patâhpa ta ei y awpa a mâ chiehpa ta ei ypa dei châ leipa ta, thi chhao ei mâ thlâh haw,” tah ta.

KALATIA 5:26

Keimo nata keimo a pahao leipa ta, keimo nata keimo a uahva hra leipa ta, a pasâhsapa ta y khah suh u.

PHILIPI 2:3

Hlaotlohna hmô ta, moh a lâ awpa khona vâta tlyma, apalaina vâta tlyma, khâpa hmah tao khuh vy. Tlao a panawh u la, nâmo hlâta mohropazy pha viapa ta rao teh u.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.

HEBRAI 13:9

Pachuna nanopa nata noâhchhihpazy ta paviasapa ta y khuh vy. Palôh he niedo ta thapatlô awpa châ leipa ta, ngiachhiena ta thapatlô awpa tlao a châ. Niedo kyh sai ta a tymâkheipazy châta niedo ta athôhna tlôkhei hlei vei.