1 KAWRINI 13:2 - Mara Bible RV (BSI)

² Hrohsona hmopiepa hneipa ta, bienyupa zydua nata pahnona zydua hnei khai hraw sah la, tlâhzy pasie theina taihta ngiapâna pakipa hnei hraw sah la, kyhpachâna ei hnei tlôh leipa khiahta la, khâpa hmah châ va na.

1 KAWRINI 13:2 ပူးပေါင်းရင်းမြစ်များ

MATHAI 13:11

Zisu ta âmo cha a chhy ta, ama hnohta, “Nâmo cha vârâh khinarâh bieparuzy pahno awpa ta piepa châ ei chi ta, âmo deikua cha piepa châ veih ei.

MATHAI 17:20

Zisu ta ama hnohta, “Namâ ngiapâna a chyhpa vâta a châ. Hmeiseihta ta ei cha chho ei, âhrâ chi hmô kha tie chhâ ta ngiapâna nama hnei khiahta la, he tlâh hnohna heta, ‘He tawhta hao lâ a pasie teh,’ tah u la, â pasie thlâh ha aw. Nama châta tao thei leipa khâpa hmah y aw vei.

MATHAI 21:19

Lâpi kiah liata theiku kô hmô ta, kei pangai ta, a hna dei leipa ta cha khâpa hmah hmô leipa ta. Theiku kô hnohta, “Chhâzaw ta pathei khao khah y,” tah ta. Theiku kô cha thlai uah pâ ha ta.

MATHAI 21:21

Zisu ta a chhy ta, “Hmeiseihta ta ei cha chho ei, a lôh leina hnei leipa ta namâ ngiapâ khiahta la, theiku kô chô liata taopa he nama tao thei hrapa dei châ leipa ta, he tlâh hnohna chhao heta, ‘A pasie la, tilaipi liata a thy teh,’ nama tah khiahta cha, nama reipa hawhta a y aw.

HMOTAOPAZY 13:1

Antiôkâ Awnanopa sahlaozy hry liata hrohsopazy nata pachutuhpazy y ei ta. Chazy cha Bânabâ zy, Nikâ ama tahpa Simeôna zy, Kurini khihpa Lukia zy, Bei Herawda unawh heihpa Manaina nata Sawla zy ama châ.

RAWMA 11:25

Unawh saih u, he bienyupa he nama pahno lei awpa khoh va na. Chataleipatala namâ palai pathlei aw na. Zenitaizy pakina a vaw tlô hlâta, Izarei chô liata kuhchhana a rakhapa ta a vaw tlô chypa a châ.

RAWMA 15:14

Unawh saih u, phana ta bie ei chi ta, sona to hnei ei chi ta, namâ pachu raihrie thei, tahpa keima tlai ta a siapa ta ei pahno.

RAWMA 16:25

Kô hluhpi nyupa ta a ypa bienyupa liata aluahna zipa ta, ei thâtihpha reipa nata Zisu Krista bie ei chhopa hawhta tha châ patlô theituhpa Khazohpa hnohta rônahna y mawh sy.

1 KAWRINI 11:4

Chapaw ta a luh a khupa ta thlah a chhâ khiahta tlyma, bie a chho khiahta tlyma cha, a luh maoh a paphyuhpa a châ.

1 KAWRINI 12:28

Khazohpa ta Awnanopa liata chakaotuhpazy rao ta, miakhana liata lyuhchâpazy, mianona liata hrohsopazy, miathôhna liata pachutuhpazy a rao. Cha khai tawhta hmonoâhpa taotuhpazy, patlâhna hmopiepa a hneipazy, chyhsa bao khohna hmopiepa a hneipazy, ryurei thaina hmopiepa a hneipazy nata reihtheileipa hmopiepa a hneipazy a rao ei.

1 KAWRINI 13:1

Chyhsapa nata vâlyuhchâpazy reih ta bie reih hraw sah la, kyhpachâna ei hnei tlôh leipa khiahta la, dawh paro thlâhthlipa tlyma, paotlâ paro thlâhthlipa tlyma ei châ.

1 KAWRINI 13:3

Ei hneipa zydua dyhchhiepazy pie khai ha hraw sah la, ei pôhpa mei liata rao awpa ta a pie hraw sah la, kyhpachâna ei hnei tlôh leipa khiahta la, ei châta khâpa hmah phahnai vei.

1 KAWRINI 13:8

Kyhpachâna cha chhâ beih aw vei. Hrohsona biezy chhâpa ta, reihtheileipazy dia aw ta, novâhnazy a lei aw.

1 KAWRINI 14:29

Hrohsopa pano tlyma, pathôh tlyma ta bie reih ei sala, ama biereipa cha mohropazy ta pakhâta ta pachâ mawh ei sy.

1 KAWRINI 14:39

Chavâta unawh saih u, bie chho awpa tlaichhai kaw u la, reihtheileipazy ta bie reipa chhao pakhâ khuh vy.

1 KAWRINI 14:4

Reihtheileipa ta bie a reihpa cha, ano deita taopathi ta, biechhotuhpa deikua cha Awnanopa a taopathi.

1 KAWRINI 15:51

Nathlie teh u, bienyupa ei cha chho ei. Eima zydua ta a mô khai leipa aw pi ta, châhrasala pananopa ta eima y khai aw.

1 KAWRINI 16:22

Ahy rai Abeipa kyh a pachâ leipa cha chhiesapa ta y mawh sy. Mârânâthâ! Eima Beipa, a vy mah y!

1 KAWRINI 4:1

Keimo he Krista chakaotuhpa nata Khazohpa bienyupa mokhâhtuhpa ta chyhsa ta miah pachâ mawh ei sy.

1 KAWRINI 7:19

Chopawtaipa cha khâpa hmah châ leipa ta, chopawtaileipa chhao khâpa hmah châ hra vei. A peimawhpa cha Khazohpa biepiepazy zyhpa he a châ.

1 KAWRINI 8:4

Chavâta nothlahpa lâta hmohlâpa niepa kyh liata, khizaw liata nothlahpa cha khâpa hmah a châ leizie nata Khazohpa pakha dei leipa ta cha, Khazoh hropa rai a y leizie eima pahno.

2 KAWRINI 12:11

Ei hru ha hih! Nâmo ta einâ duakhei awpa ei chi châ taraw ta, châhrasala hru lei thei lei awpa ta eina tao ha ei chi. Khâpa hmah châ vei hraw sah la, lyuhchâpa laipa nama tahpazy hlâta nawh via tiarâh va na.

KALATIA 5:16

Chavâta he bie he rei awpa ei khoh, Thlahpa liata y teh u. Chatanachata sapa aohraohna cha pipatlohsa aw veih ei chi.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

KALATIA 6:3

Khâpa hmah châ tlôh leipa ta, chyhsa peimawhpa hawhta â pachâpa cha, anosasyh a dôveipa a châ.

EPHESI 3:4

Kha châpaphaopa kha nama reih khiahta cha, Krista bienyupa ei pahnozie nama pahno thei aw.

EPHESI 6:19

Pakah âpa ta thâtihpha bienyupa riahpha ngaitapa ta phuah awpa ta, bie rei awpazy piepa ei châ thei nawpa ta, kei châta na hiapa hra teh u.

KAOLAOSÂ 1:26

Cha Khazohpa bie cha, kô hluhpi nata chhâ hluhpi nyu hapa bienyupa châ ta, tahmâ deikua cha a mopathaihpazy hnohta phualuahpa ta a y.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

1 ZAWHÂNA 4:8

Khazohpa cha kyhpachâna châ tlôh ta, kyhpachâna a hnei leipa cha Khazohpa pahno vei.