1 KAWRINI 13:13 - Mara Bible RV (BSI)

¹³ Ngiapâna zy, hnabeiseihna zy, kyhpachâna zy he khâ ama y thlâh ha aw. Cha miathôhzy hry liata a rônah chaipa cha kyhpachâna he a châ.

1 KAWRINI 13:13 ပူးပေါင်းရင်းမြစ်များ

HLAZY 146:5

Zakaw Khazohpa cha baotuhpa ta hnei ta, Abeipa a Khazohpa liata hnabeiseihna a hneipa cha, A hu â hieh na!

HLAZY 42:11

Hy ei thlahpa, khazia a khu chi ta, Khazia ei chhôh liata a tymâpa ta na y? Khazohpa hnabeiseih mah y. Ano cha reithai heih aw na ta, Ei pachhana nata ei Khazohpa cha ei reithai aw.

HLAZY 43:5

Hy ei thlahpa, khazia a khu chi ta, Khazia ei chhôh liata a tymâpa ta na y? Khazohpa hnabeiseih mah y. Ano cha reithai heih aw na ta, Ei pachhana nata ei Khazohpa cha ei reithai aw.

LUKA 10:27

Ano ta, “Abeipa na Khazohpa cha na pathipalôh tlokhuh ta, na thlahpa tlokhuh ta, na thatlôna tlokhuh ta nata na pachâna tlokhuh ta kyh nama pachâ awpa a châ. Nâma kyh nâ pachâpa hawhta na vaih kyh na pachâ awpa a châ, tahpa ta ropa a châ,” tah ta.

LUKA 22:32

Châhrasala nâ ngiapâna a lei lei nawpa ta thlah ei cha chhâpa. Na vaw kua heih tita, na unawhzy thapatlô mah y,” tah ta.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

1 KAWRINI 14:1

Kyhpachâna a chadai u la, thlahpa hmopiepazy khoh u la, biechho chakaona hmopiepa khoh pachai teh u.

1 KAWRINI 16:14

Nama taopa maih kyhpachâna ta taopa châ mawh sy.

1 KAWRINI 3:14

Ahy rai lôbô chô liata o a sapa â duah thlâh ha khiahta cha, cha chyhsa cha lymâ a hmô aw.

1 KAWRINI 8:1

Nothlahpazy lâta hlâpa niepa kyh liata, eima zydua ta pahnona eima hnei chyu tahpa eima pahno. Pahnona ta chyhsa liata apalaina tao ta, kyhpachâna deikua ta chyhsa a tao pathi tyh.

1 KAWRINI 8:3

Khazohpa kyh a pachâpa deikua cha, Khazohpa ta ano cha a pahno.

2 KAWRINI 5:10

Chyhsa to ta pôhpa liata hmotaopazy, a chhiepa tlyma, a phapa tlyma, eima taopa hawhta eima hmô chyu thei nawpa ta, Krista ryureina dyuchhai hmiakô liata paluahsapa eima châ khai aw.

2 KAWRINI 5:15

Chyhsa zydua châta a thipa vâta, ahrohpazy cha âmo châta hroh khao leipa ta, âmo châta thi ta a thyu heihpa châta ama hroh awpa a châ.

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

PHILIPI 1:9

Nama kyhpachâna pôh via rili sala, novâhna nata pahnona zydua liata nama laiseih thei nawpa ta thlah ei chhâ tyh.

KAOLAOSÂ 1:27

Cha bienyupa rônahpa hneirônazie cha Zenitaizy hry liata pahnosa awpa ta, Khazohpa ta mopathaihpazy a tlyh ta, cha bienyupa cha nâmo liata a ypa Krista cha châ ta, rônahna hnabeiseihpa cha a châ.

KAOLAOSÂ 1:5

vârâh liata nama châta hnabeiseihna sopa a châpa vâta, nâmo vâta Khazohpa lâta alyna bie khâ eima reih tyh. Cha hnabeiseihna cha thâtihpha biehmeiseihpa tawhta nama theipa kha a châ.

KAOLAOSÂ 3:14

Cha zydua hlâta a peimawh chaipa cha, kyhpachâna ta a tobi teh u. Kyhpachâna cha ato zydua a ryh ngaitapa ta a chahry pabaohtuhpa a châ.

1 THYSALAWNIKA 1:3

Ngiapâna vâta nama hmotaozie zy, kyhpachâna vâta nama hriapasazie zy, eima Beipa Zisu Krista liata hnabeiseihpa vâta nama tiamazie zy kha, eima Khazohpa nata Paw hmiakô liata khâ eimâ thei tyh.

1 THYSALAWNIKA 5:8

Keimo deikua cha, noh chyhsazy eima châpa vâta, ngiapâna nata kyhpachâna chachôhna vyhphao a kypa ta, pachhana hnabeiseihna lakhu a khu sih la, palôh pasohpa ta y suh u.

1 TIMAWTHY 1:5

Kha hawhta bie eima cha piena chhâpa cha, palôh pathaihpa, chhie nata pha pahnona pathaihpa nata ngiapâna hmeiseihpa tawhta a vaw puapa kyhpachâna ama hnei thei nawpa ta a châ.

2 TIMAWTHY 1:7

Khazohpa ta china thlahpa miah pie leipa ta, hmotaotheina nata kyhpachâna nata pachâna pasohpa hneina thlahpa tlao miah a pie.

HEBRAI 10:35

Chavâta namâ ngiapâna alôhna, lymâ rônahpa a hneipa cha thy khuh vy.

HEBRAI 10:39

Châhrasala keimo la, leidia awpa ta hnôh a sypa sahlao liatapa châ ma pi. Ngiapâna ta hro a pabohsa awpazy tlao eima châ.

HEBRAI 6:11

Hnabeiseihna ipa hnei awpa ta nama tiama tyhpa hawhna khata, achhâna taihta tiama papua lymâ awpa ta eima cha khokhei.

HEBRAI 6:19

Cha hnabeiseihna cha eima hro a-ina nata abohna châta eima balyh thuacha-ia ta hnei pi ta, pohraipa chhôhchaipa lâ a ngiatuhpa hnabeiseihna a châ.

1 PITY 1:21

Khazohpa ta Krista cha athihpa hry tawhta pathyupa ta rônahna patosa ta, Krista zawhzi ta Khazohpa ngiapâtuhpazy nama vaw châ haw. Chatanachata namâ ngiapâna nata hnabeiseihna cha Khazohpa liata a y thlâh ha aw.

1 ZAWHÂNA 2:10

A unawhpa kyh a pachâtuhpa cha khaihna liata a ypa châ ta, a hluah aw vei.

1 ZAWHÂNA 2:14

Pawzy saih u, âthaona tawhta a y thlâhpa ano cha nama pahnopa vâta, nâmo lâ ei vaw roh. Satliazy saih u, nama thatlô ta, Khazohpa bie nâmo liata y ta, moleipa nama tiah hapa vâta, nâmo lâ ei vaw roh.

1 ZAWHÂNA 2:24

Nâmo la, âthaona tawhta nama pahnopa kha, nama palôh liata y thlâh ha mawh sy. Âthaona tawhta nama pahnopa kha nama palôh liata a y thlâh ha khiahta cha, nâmo chhao Sawchapawpa nata Paw liata nama y thlâh ha aw.

1 ZAWHÂNA 3:3

Ahy rai ano liata hnabeiseihna a hneipa maih cha, ano a pathaihpa hawhta, anosasyh ta â pathaisa tyh.

1 ZAWHÂNA 3:9

Ahy rai Khazohpa tawhta a pihpa cha, Khazohpa chi ano liata a ypa vâta, molei ngâ thlâh aw vei. Khazohpa tawhta a pihpa a châpa vâta, molei ngâ thlâh thei vei.