1 KAWRINI 13:1 - Mara Bible RV (BSI)

¹ Chyhsapa nata vâlyuhchâpazy reih ta bie reih hraw sah la, kyhpachâna ei hnei tlôh leipa khiahta la, dawh paro thlâhthlipa tlyma, paotlâ paro thlâhthlipa tlyma ei châ.

1 KAWRINI 13:1 ပူးပေါင်းရင်းမြစ်များ

HLAZY 150:5

Paotlâ reih pakyhpa ta ano cha reithai u la, Paotlâ reih chhiehpa ta ano cha reithai teh u!

MATHAI 25:45

Ano ta a chhy aw ei ta, ama hnohta, ‘Hmeiseihta ta ei cha chho ei, he chyhsa chyh chaipazy hryta pakha chô liata nama tao leipa cha, ei chô liata a tao leipa nama châ,’ a tah aw ei.

MÂKA 16:17

He ngianazy heta ngiapâtuhpazy cha a zi lymâ aw: Ei moh ta ahripazy papua aw ei ta, reih thiehpa ta reih aw ei ta,

RAWMA 14:15

Na niepa ta na unawhpa palôh a patypamâ khiahta cha, kyhpachâna lâpi a chhih khao va chi. Ano thi vyuhpa ta Krista ta a thikâ hapa chyhsa cha, parao khah y.

1 KAWRINI 12:10

Thokha hnohta hmonoâhpa tao theina piepa châ ta, ahropa hnohta hrohsona bie phuah theina piepa a châ. Chyhsa hropa hnohta thlahpa nanopazy pahrua thaina piepa châ ta, mohropa hnohta reihtheileipa ta bie rei theina piepa châ ta, ahropa hnohta reihtheileipa chhopasia theina piepa a châ.

1 KAWRINI 12:16

Nakao ta, “Mo ei châ leipa vâta pôhpa liata a hlao va na,” tah sala, cha vâna chata pôhpa liata â hlao leipa châ hlei vei.

1 KAWRINI 12:8

Chyhsa pakha hnohta Thlahpa liata sona bie piepa châ ta, chyhsa hropa hnohta Thlahpa lia lilaw ta pahnona bie piepa a châ.

1 KAWRINI 13:8

Kyhpachâna cha chhâ beih aw vei. Hrohsona biezy chhâpa ta, reihtheileipazy dia aw ta, novâhnazy a lei aw.

1 KAWRINI 14:2

Reihtheileipa ta bie a reihpa cha, chyhsazy hnohta a reihpa châ leipa ta, Khazohpa hnohta a reihpa tlao a châ. Ahy hmahta a reipa cha pahno thei veih ei, Thlahpa ta bienyupa a reihpa a châpa vâta.

1 KAWRINI 14:4

Reihtheileipa ta bie a reihpa cha, ano deita taopathi ta, biechhotuhpa deikua cha Awnanopa a taopathi.

1 KAWRINI 14:5

Nama zydua ta reihtheileipa ta bie reih khai ha u la ei tah kaw, châhrasala biechho thei khai ha u la ei tah pachai. Reihtheileipa cha Awnanopa thapatlô nawpa ta chhopasiatuhpa ama y leipa khiahta cha, biechhotuhpa cha reihtheileipa ta bie a reihpa hlâta a rônah via.

1 KAWRINI 8:1

Nothlahpazy lâta hlâpa niepa kyh liata, eima zydua ta pahnona eima hnei chyu tahpa eima pahno. Pahnona ta chyhsa liata apalaina tao ta, kyhpachâna deikua ta chyhsa a tao pathi tyh.

2 KAWRINI 12:4

Pârâdi lâ a chhipa ta y ta, reipasia thai awpa a châ leipa bie, chyhsapa châta rei hraoh leipa biezy a thei tahpa ei pahno.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

KALATIA 5:6

Krista Zisu liata la, chopawtaipa tlyma, chopawtaileipa tlyma, phahnaina hnei veih ei. Kyhpachâna ta rai a hriapa ngiapâna dei he a phahnai.

1 TIMAWTHY 1:5

Kha hawhta bie eima cha piena chhâpa cha, palôh pathaihpa, chhie nata pha pahnona pathaihpa nata ngiapâna hmeiseihpa tawhta a vaw puapa kyhpachâna ama hnei thei nawpa ta a châ.

1 PITY 4:8

Kyhpachâna ta moleina hluhpi khu ta, chavâta ato zydua hlâta kyhpachâna pachâ peimawh viapa ta, palôh hmeiseihpa ta kyh khâ a pachâ teh u.

2 PITY 2:18

A patahtheisa kawpa ta bie hraoleipazy reih ei ta, moleipa chyhsazy tawhta a râ dyupazy cha, sapa aohraohna moleina liata ama pahluasa tyh.

BIEPHUAH 14:2

Avâ tawhta ao vaw pua ta, tisao lai ngaitapa pyu hawhta nata tôkalôhpa thata a thuapa pyu hawhta thei na ta. Ao ei theipa cha totâ tôthaipazy ta ama totâ ama tôpa pyu hawhta a châ.