1 KAWRINI 12:26 - Mara Bible RV (BSI)

²⁶ Pachiahpa miakha pasa a tao tita, pachiahpa zydua ta taokhei ei ta, pachiahpa miakha palyupalihpa ta a y tita, pachiahpa zydua ta amâ lykhei tyh.

1 KAWRINI 12:26 ပူးပေါင်းရင်းမြစ်များ

MATHAI 3:15

Zisu ta a chhy ta, “Â ryh tah thlâh ha teh. Siana zydua pakipa cha eima châta a ngiahpa a châ,” tah ta. Chatanachata paryhsa ha ta.

MATHAI 5:29

Na mo chachâh lâta a cha pahluasa khiahta la, khie la thy syulyu ha mah y. Na pôhpa duata hrienasu liata thypa hlâta cha, na sa pachiahpa miakha pahleipa cha a pha via.

RAWMA 12:15

Alypazy a lykhei u la, achapazy chakhei teh u.

1 KAWRINI 12:25

Chatanachata pôhpa liata achhaihna y leipa aw ta, pachiahpazy ta â khopa ta amâ baokhâ raihrie thei aw.

1 KAWRINI 12:27

Nâmo sahlao he Krista pôhpa châ ei chi ta, a pachiahpa nama châ chyu hra.

KALATIA 6:2

Nama phaohrizy a phaokhei raihriepa ta, Krista ryhpa paki teh u.

HEBRAI 13:3

Patâhna o liata atâhpazy cha, ama hnohta patâhna o liata y hrapa hawhta a pachâ u la, a thei thlâh ha muh vy. Riethei pataosapazy chhao, sapa ta a ypa nama châ hrapa vâta, a thei thlâh ha teh u.

1 PITY 3:8

A chhâ chaina ta cha, nama zydua ta palôh miakha phaohpa ta y u la, tha a pasa raihrie teh u. Unawh hawhta kyh a pachâ u la, a ngiachhie raihriepa ta, areisipa ta y teh u.