1 KAWRINI 12:10 - Mara Bible RV (BSI)

¹⁰ Thokha hnohta hmonoâhpa tao theina piepa châ ta, ahropa hnohta hrohsona bie phuah theina piepa a châ. Chyhsa hropa hnohta thlahpa nanopazy pahrua thaina piepa châ ta, mohropa hnohta reihtheileipa ta bie rei theina piepa châ ta, ahropa hnohta reihtheileipa chhopasia theina piepa a châ.

1 KAWRINI 12:10 ပူးပေါင်းရင်းမြစ်များ

ZÔELA 2:28

“Cha hnôhlâ liata cha, Hetana heta a vaw y aw: Chyhsa zydua chô liata ei Thlahpa hry aw na ta, Nama sawchapawzy nata nama sawchanôzy ta hrohsona bie ama phuah aw; Nama pawpipazy ta mâ sa aw ei ta, Nama thyutliazy ta aluahnazy ama hmô aw.

MÂKA 16:17

He ngianazy heta ngiapâtuhpazy cha a zi lymâ aw: Ei moh ta ahripazy papua aw ei ta, reih thiehpa ta reih aw ei ta,

MÂKA 16:20

Pachupazy cha sie ei ta, su to liata bie chho ei ta. Abeipa ta âmo cha hriakhei ta, ama bie chhopazy pa-i nawpa ta, ngiana hmonoâhpazy ta a pazi lymâ ei.

LUKA 24:49

Pachâ teh u, ei Paw bietaipa cha nama chô liata vaw tuah aw na ta, chô lâ tawhta hmotaotheina ta tobipa nama châ hlâta deikua cha, khihpi liana heta y thlâh ha muh vy,” tah ta.

ZAWHÂNA 14:12

“Hmeiseihta ta, hmeiseihta ta ei cha chho ei, ahy rai nâ ngiapâpa cha hmo ei taopazy he ano chhao ta a tao aw. Paw lâ ei sie awpa vâta, hezy hlâta hmo rônah viapa chhao a tao aw.

ZAWHÂNA 16:13

Biehmeiseihpa Thlahpa a vaw tlô tita, biehmeiseihpa zydua liata a châ chhi aw ei. Ano biehneina ta bie reih leipa aw ta, bie a theipa maih a cha chho aw ei. Hmo a vaw tlô awpazy chhao a cha pahnosa aw ei.

HMOTAOPAZY 1:8

Châhrasala Thlahpa Pathaihpa nama chô liata a vaw tlô tita, hmotaotheina nama hnei aw. Chatanachata Zerusale liata zy, Zudia râh nata Samâri râh khi to liata zy, kaokih taih chhao ta ei bie pahnotuhpazy nama châ aw,” tah ta.

HMOTAOPAZY 11:27

Cha nohzy liata, hrohsopa thokha Zerusale tawhta Antiôkâ lâ zu ei ta.

HMOTAOPAZY 11:28

Ama hry liata pakha a moh Akabâ ama tahpa a duah ta, Thlahpa pahnosapa ta khizaw zydua liata chakâh mozoh a tlô awpa kyh chhochhielie ta. Cha chakâhna cha Klaudia â bei nota a vaw tlôpa a châ.

HMOTAOPAZY 19:6

Pawla ta ama chô liata a ku a pahnieh nahta, Thlahpa Pathaihpa ama chô liata vaw tlô ta, reih hropazy ta bie reih ei ta, hrohsona biezy phuah ei ta.

HMOTAOPAZY 5:3

Pity ta, “Anania, Thlahpa Pathaihpa dô awpa nata râh zuana ty phih bâ awpa ta, khazia Sâtâ ta na palôh a pabie?

RAWMA 12:6

Ngiachhiena piepa eima châpa lymâ hawhta, hmopiepa nanopa eima hnei chyu. Hrohsona bie rei awpa a châ khiahta cha, eimâ ngiapâna rakha lymâ hawhta reih sih la,

RAWMA 15:19

Krista thâtihpha chakaona rai cha, ngiana nata hmonoâhpa hmotaotheina nata Khazohpa Thlahpa hmotaotheina zy hmâpa ta, Zerusale nata a chheipâhzy tawhta Eliriku râh taihta ei chho khai haw.

1 KAWRINI 11:4

Chapaw ta a luh a khupa ta thlah a chhâ khiahta tlyma, bie a chho khiahta tlyma cha, a luh maoh a paphyuhpa a châ.

1 KAWRINI 13:8

Kyhpachâna cha chhâ beih aw vei. Hrohsona biezy chhâpa ta, reihtheileipazy dia aw ta, novâhnazy a lei aw.

1 KAWRINI 14:13

Chavâta reihtheileipa ta bie a reihpa ta a chhopasia thei nawpa ta thlahchhâ mawh sy.

1 KAWRINI 14:39

Chavâta unawh saih u, bie chho awpa tlaichhai kaw u la, reihtheileipazy ta bie reipa chhao pakhâ khuh vy.

KALATIA 3:5

Nama hnohta Thlahpa châ pietuhpa nata nama hry liata hmonoâhpa taotuhpa ta, ryhpa hmotaopazy vâta ma chazy cha a tao? Thei ei chi ta namâ ngiapâ vâta maw?

1 THYSALAWNIKA 5:20

Hrohsona biezy mohnao leipa u la,

HEBRAI 2:4

Khazohpa chhao ta ngianazy, hmonoâhpazy nata hmotaotheina to ta nata a khozie hawhta Thlahpa Pathaihpa hmopiepazy piepa ta a pahnokhei.

1 ZAWHÂNA 4:1

Kho ngaitapa saih u, thlahpa momaih zo khuh vy. Hrohso pakheipa hluhpi khizaw liata ama vaw pua hapa vâta, thlahpazy cha Khazohpa tawhta a châ ma, châ vei ma tahpa pasia tyh muh vy.

BIEPHUAH 2:2

“‘Na hmotaopa, na hriapasazie, na tao hualuazie nata chyhsa moleipa na chhyh thai leizie zy ei pahno. Lyuhchâpa châ tlôh leipa ta lyuhchâpa â tahpazy pasia chi ta, a haihpa ama châ tahpa na pahno.