1 KAWRINI 11:32 - Mara Bible RV (BSI)

³² Abeipa ta thailei miah a pachâsa nahta deikua cha, chhoreipa ta eima y tyh. Chatanachata khizaw thailei a pachâsa tita, thailei pachâsapa ta y aw ma pi.

1 KAWRINI 11:32 ပူးပေါင်းရင်းမြစ်များ

2 SAMUELA 7:14

A paw châ aw na ta, ei sawchapawpa a châ aw. Hmo a parao khiahta cha, chyhsapa sôsi ta chhorei aw na ta, Âdâh sawzy chheina ta ei chhorei aw.

HLAZY 118:18

Abeipa ta thata na chhorei ta, Thina lâ deikua na hlâ vei.

ISAI 1:5

Khazia hmo parao lymâpa ta, Tupa ta khâ nama y aw? Na luh zydua pasa ta, Na palôh tlokhuh a panao haw.

ZEREMIAH 7:28

Chatanachata ama hnohta, ‘He phopi he Abeipa ama Khazohpa ao a nathlie leipa nata a chhoreina a ngiah leipa phopi ama châ hih. Ngâchhihna lei ha ta, ama pakah tawhta chhawh pathlah hapa a châ,’ na tah aw ei.

ZEPHANIA 3:2

Rei a ngiah leipa ta, Chhoreina chhao a pyh khoh vei. Abeipa ngâ leipa ta, A Khazohpa a hnia hra vei.

RAWMA 3:19

Ryhpa ta a reipa maih cha, ryhpa ry liata a ypazy hnohta reipa a châ tahpa eima pahno. Chatanachata pakah to hmao mopa ta y aw ei ta, khizaw zydua he Khazohpa ryureina ry liata a y thei aw.

RAWMA 5:16

Hmosaipiepa cha chyhsa pakha moleina vâta hmo a vaw ypa nata a lyu vei. Thailei pachâsana pachiana cha chyhsa pakha vâta vaw y ta, thai pachâsana hmosaipiepa deikua cha, moleina hluhpi vâta tlao a vaw ypa a châ.

1 KAWRINI 1:20

Chyhsa sopa cha khataih liata a y? Châthaipa cha khataih liata a y? He khizaw liata bie ei thaipa cha khataih liata a y? Khazohpa ta khizaw sona cha hruna ta tao ha vei ma?

1 KAWRINI 1:21

Khazohpa sona liata cha, khizaw ta sona hmâpa ta Khazohpa a pahno thei vei tawhta cha, biechhona hrupa hmâpa ta a ngiapâpazy pachhapa cha Khazohpa ta pha a tah ngaita.

1 KAWRINI 11:30

Chavâta nama hry liata chyhsa hluhpi chiehleipa nata tlâhleipa ta y ei chi ta, thokha chhochhi cha ama thi haw.

1 KAWRINI 11:31

Keimosasyh ta eimâ mohpasia ha khiahta cha, thaileichâpa ta y aw ma pi.

1 KAWRINI 11:33

Chavâta unawh saih u, nie awpa ta namâ pakhy tita, a hâ pakhy tyh muh vy.

RYHPACHANEINA 8:5

Chyhsa ta a sawchapawpa a chhoreipa hawhta, Abeipa nama Khazohpa ta a cha chhorei ei tahpa nama palôh ta pahno thlâh ha mawh sy.

1 TIMAWTHY 1:20

Chazy hry liata Humenia nata Alezandâ a hlao ei ta, Khazohpa reipachhiepa a peizie amâ chu thei nawpa ta, Sâtâ hnohta ei hlâ ha ei.

1 ZAWHÂNA 5:19

Keimo cha Khazohpa tawhtapa châ pi ta, khizaw pôhpalôhpa he Sâtâ rei sai ta a y tahpa eima pahno.

BIEPHUAH 3:19

Kyh ei pachâpa cha pasipaao na ta, ei chhorei tyh. Chavâta phahnai a ngiah la, ro mah y.