1 KAWRINI 11:20 - Mara Bible RV (BSI)

²⁰ Namâ pakhy nahta, Abeipa Zâpati nie awpa ta a pakhypa châ veih ei chi.

1 KAWRINI 11:20 ပူးပေါင်းရင်းမြစ်များ

HÔSIA 8:13

Kei lâta atheihna ama hlâ tita, Atheihna sa hlâ ei ta, Cha cha ama nie tyh; Châhrasala Abeipa ta a pyh vei. Ama paraopazy Abeipa ta a thei thlah ha aw ta, Ama moleinazy vâta a hrie aw ei; Izi râh lâ amâ lie aw.

ZEKARIA 7:6

Nie ei chi ta nama do nona kha nâmo châta a niepa nata a dohpa tlâ châ veih ei chi ma?

HMOTAOPAZY 2:42

Ngiapâtuhpazy cha lyuhchâpazy pachuna dao awpa ta zy, akaona hnei awpa ta zy, viahchhâ pachhaih awpa ta zy, thlahchhâ awpa ta zy ta phahnai khoh ngaitapa ta y tyh ei ta.

HMOTAOPAZY 2:46

Noh chareih Achhyna o liata palôh raoh ngaitapa ta a pakhy tyh ei ta, ama o lâta chhao, viahchhâ pachhaihpa ta thaphapa nata pasai ngaitapa ta pati ama nie pahmaoh tyh.

1 KAWRINI 11:17

He hmozy liata deikua cha, cha reithai thei veih ei na. Nama pha via nawpa lâ châ leipa ta, nama rao via nawpa lâta namâ pakhy tyh.

1 KAWRINI 11:19

Nama hry liata a hmeiseihpazy amâ lâ thei nawpa ta, py achhaihna chhao cha a y awpa rai a châ.

1 KAWRINI 11:21

Nama nie nahta, chyhsa to nâmo pati chyu nama nie tyh. Chavâta pakha a nodi ta, pakha a pari.

HEBRAI 10:25

Thokha taozie hawhta, apakhynazy bâhsai leipa ta, tlao a pasyu raihrie ei suh u. Noh â hnia via rilipa nama hmôpa hawhta, thata a pasyu ei suh u.

2 PITY 2:13

Chyhsa ama pasasapa ty hmôpa ta âmo chhao pasasapa ama châ aw. Nohchhô sawhvaw pi ta haosai daihti a hmâh tyhpazy châ ei ta, nama kyhchhi ama châ hlao nota chhao, haosai sai pachâ ei ta, apuapa a kiapa nata seina a hneipazy ama châ.

ZUDÂH 1:12

Chazy chata china châh rai pahno leipa ta, nama kyhpachâna kyhchhi patizy niepa ta papuapalei ei ta, ti hnei leipa meihdo, thlih ta a phao pahaipa, châhvâ tho a pathei leipa, ei no a thi hapa nata a thari phia hapazy ama châ.