1 KAWRINI 11:2 - Mara Bible RV (BSI)

² Ato liata nâ thei ei chi ta, pachuna ei cha piepazy nama zyh lymâpa vâta ei cha reithai ei.

1 KAWRINI 11:2 ပူးပေါင်းရင်းမြစ်များ

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

1 KAWRINI 11:17

He hmozy liata deikua cha, cha reithai thei veih ei na. Nama pha via nawpa lâ châ leipa ta, nama rao via nawpa lâta namâ pakhy tyh.

1 KAWRINI 11:22

Khazia! Niedo nawpa o hnei veih ei chi ma? Khazia Khazohpa Awnanopa mohnaopa ta, khâpa hmah hnei leipazy maoh nama paphyuhsa? Nama hnohta khâpa ei reih aw? Ei cha reithai aw ei mâ? Cha reithai tiarâh veih ei na.

1 KAWRINI 15:2

Bie ei cha chhopa ei kha, namâ ngiapâ thlâhthlipa châ leipa ta, khâchâ nama patu khiahta cha, cha liana chata pachha haipa ta nama y.

1 KAWRINI 4:17

Cha vâna chata Abeipa liata ei saw kho ngaitapa nata ngâchhihpa Timothy nâmo lâ ei vaw tuah. Ano ta Krista liata ei yzie nata su to nata Awnanopa to liata ei pachu tyhzie zy a cha chho aw ei.

1 KAWRINI 7:17

Abeipa ta a raozie hawhta nata Khazohpa ta a awzie hawhta, chyhsa to y mawh ei sy. Cha cha Awnanopa zydua châta ei raopa a châ.

1 THYSALAWNIKA 1:6

Rietheina hluhpi taona chôta, Thlahpa Pathaihpa liata a lypa ta bie a pyh ei chi ta, keimo nata Abeipa hâ a latuhpazy nama vaw châ haw.

1 THYSALAWNIKA 3:6

Chatanachata tahmâ Timawthy cha vaw tlô ta, namâ ngiapâna nata kyhpachâna thâtih lychhihpa miah a vaw tlôkhei. Khâ miah a thei ei chi ta, cha hmô awpa eima byuh kawpa hawhta, nâmo chhao miah hmô awpa nama byuh kawna thâtihzy miah a chho.

2 THYSALAWNIKA 2:15

Chavâta unawh saih u, â ipa ta a duah u la, biereipa ta tlyma, châpaphaopa ta tlyma, hrozie awpa eima cha pachupa zydua kha khâchâ patu ha muh vy.

2 THYSALAWNIKA 3:6

Unawh saih u, keimo tawhta pachuna bie nama daopa hawhta y leipa ta, thathipa ta a ypa unawh tawhta a panano awpa ta eima Beipa Zisu Krista moh ta bie eima cha pie.