1 Kei ta Krista hâ ei lapa hawhna heta, nâmo chhao ei hâ nâ la hra teh u.
Kei chhao ta, chyhsa hluhpi pachha ama châ thei nawpa ta, keima athôhna tlua leipa na ta, chyhsazy athôhna tluapa ta, hmo ei taopa to liata chyhsa to palysa tlao ei chhuah tyh.
Chavâta ei hâ nâ latuhpazy châ awpa ta ei châ haw ei.
Unawh saih u, ei hâ nâ latuhpazy châ teh u. A mopâ awpa keimo miah hnei ei chi ta, keimo hawhta a ypazy cha a mopâ teh u.
Rietheina hluhpi taona chôta, Thlahpa Pathaihpa liata a lypa ta bie a pyh ei chi ta, keimo nata Abeipa hâ a latuhpazy nama vaw châ haw.
Miah chyh awpa ta nâmo châ hnaw theina eima hnei leipa vâta châ leipa ta, eima hâ miah a la awpa eima cha khokheipa vâta rai eima hriapa a châ.
Chatanachata diathlâ leipa aw ei chi ta, ngiapâna nata hâ hualuana vâta bietai ryu totuhpazy hâlatuhpa tlao nama châ aw.