1 KAWRINI 10:6 - Mara Bible RV (BSI)

⁶ Hmo moleipa ama khohpa hawhta eima khoh hra lei nawpa ta, cha hmozy cha keimo châta pamosana a châ.

1 KAWRINI 10:6 ပူးပေါင်းရင်းမြစ်များ

MALUHREINA 11:4

Ama hnohta a sie hrapa chihropazy ta sa nie khona thata vaw hnei ei ta. Izarei mo chhao cha sa vâpa ta cha ei ta, “Sa eima nie byuh rimâ cha!

RAWMA 5:14

Châhrasala Âdâh daihti tawhta Mawsi daihti taihta, Âdâh paraona hawhta hmo a parao leipazy chô liata chhao, thina chata ryu a reih lymâ. Âdâh cha a vy awpa pakhona a châ.

1 KAWRINI 10:11

Khazy kha pamosana châta ama chô liata a vaw tlôpa châ ta, keimo, daihti chhâna liata a ypazy pachuna châta ropa a châ.

HEBRAI 4:11

Chavâta reingiah leina vâta ama paopa hawhna khata ahy hmah ama pao lei nawpa ta, cha apahâna liata a ngia awpa ta tei ei suh u.

HEBRAI 9:24

Krista cha a hmeiseihpa a lyupa ta taopa, ku ta sapa Su Pathaih Chaipa liata a ngia leipa ta, eima vyuhpa ta Khazohpa hmiakô liata a luah awpa ta, tahmâ vârâh liata â ngia hapa a châ.

1 PITY 3:21

Cha taozie nata a lyupa bâtina ta nâmo chhao tahmâ pachhapa nama châ. Pôhpa tawhta apuapa pathaipa hawhta châ leipa ta, chhie nata pha pahnona pathaihpa hmâpa ta Khazohpa nama padopa vâta, Zisu Krista thyuheihna zawhzi ta pachhapazy nama châ.

2 PITY 2:6

Sawdawmâ nata Kawmawrâ khihpizy kha ano a uasa leipazy pakhona châta hmâh ta, Khazohpa ta khihpizy cha buchâh lâta pachâsa ta a pamua ha ei.

ZUDÂH 1:7

Sawdawmâ nata Kawmawrâ nata ama chheipâh khihpizy chhao kha, apatlana moleinazy thata tao ei ta, chanô chapaw châna hmâzie tyhpa a châ leipa, chapaw nata chapaw apatlanazy taihta ama taopa vâta, chhâzaw mei ta hriepa châ ei ta, pakhona châta hmâpa ama vaw châ haw.