1 KAWRINI 10:4 - Mara Bible RV (BSI)

⁴ ama zydua ta thlahpa ti miakha ama doh. Âmo a zituhpa thlahpa Lôpanô tawhta ti doh ei ta, cha Lôpanô cha Krista a châ.

1 KAWRINI 10:4 ပူးပေါင်းရင်းမြစ်များ

ÂTHAONA 40:12

Zawsi ta a hnohta, “He he a chhopasiana a châ: a chiah miathôh kha noh thôh a châ.

ÂTHAONA 41:26

Viahchao panô phapa pô sarizy kha kô sari châ ei ta, sâh suh phapa suh sarizy kha kô sari ama châ hra. Mâzy cha miakhapa ama châ.

HLAZY 105:41

Lôpanô pahy ta, Ti a vaw chathôh ta; Chavah hawhta râh raohpa liata a loh laih.

HLAZY 78:15

Râhchawhpa liata lôpanôzy patlaw ta, Tilih athupa ti hawhta, Doh awpa hluhpi a pie ei.

HLAZY 78:20

Lôpanô tu ta tizy vaw puapa ta, Vahtiepazy kao a khô pathlah. Viahchhâ chhao miah piepa ta, A phopi nie awpa sa miah a pie thei tlai aw ma?” ama tah.

PUASAINA 17:6

Hôribâ liata lôpanô chô liata na hmiakô liata a vaw duah aw na ta, lôpanô cha tu aw chi ta, cha tawhta zawpi do awpa ti a vaw pua aw,” tah ta. Mawsi ta Izarei machâzy mohmô liata cha hawhna chata tao ta.

ISAI 43:20

Ei phopi atlyhpa hnohta ti do awpa pie awpa ta, Râhchawhpa liata ti paysa na ta, Râh raohpa liata chavahzy ei paysa; Chavâta râhsazy ta na palyupalih aw ei ta, Savai nata pavawpizy ta eina palyupalih aw ei.

ISAI 48:21

Râh raohpa su liata â chhi no ei khata, Ama dâhphi leipa ta; Âmo châta lôpanô tawhta ti palosa ta, Lôpanô pakei ta ti a kaw pali.

DÂNIAH 2:38

avâ Khazohpa ta beinarâh, biehneina, thatlôna nata rônahna zy cha pie ta; chyhsa sawzy, râhsazy nata avâ liata pavawzy pahrâna su zydua cha pie ta, âmo chô liata ryureituhpa ta a cha tao. Ngôh luh kha nâma na châ.

DÂNIAH 7:17

‘Sahrâhpa rarôh ypa pô palihpazy kha, alei tawhta bei papalih a vaw pua awpazy ama châ.

MALUHREINA 20:11

Mawsi cha a ku hy ta, a chôchahrei ta lôpanô cha ei no tu ta. Ti thata vaw pua ta, zawpi nata ama sahrohzy ta ti cha doh ei ta.

ZAWHÂNA 4:10

Zisu ta a chhy ta, “Khazohpa hmopiepa nata, ‘Ti do awpa na pie teh,’ châ tahtuhpa he pahno ha la cha, nâma ta a hnohta tlao hiah aw chi ta, ano ta ti hrohpa a cha pie ha awpa tlai,” tah ta.

ZAWHÂNA 4:14

kei ta ei pie awpa ti a dohpa deikua cha, a dâh phi heih khao aw vei. Kei ta ei pie awpa ti cha, a chhôh liata tihnawh lâta a lie aw ta, chhâzaw hrona taihta a pali aw,” tah ta.

ZAWHÂNA 7:37

Kyhchhi chhâna noh, noh rônahpa liata, Zisu cha a duah ta, ao paro ngaitapa ta awh ta, “Ahy rai a dâh a phi khiahta cha, kei lâ a vy sala doh mawh sy.

KALATIA 4:25

Hâkarâ cha Arabia râh liata Sinai Tlâh châ ta, a sawzy chhaota sei ta a ypa ama châpa vâta, tahmâno ta Zerusale vyuhpa ta a duahpa a châ.

RYHPACHANEINA 9:21

Nama moleina hmo, viahchao taw nothlahpa nama taopa kha la na ta, mei liata rao na ta, pakeichheih khaipa ta, dohlei hawhta dina taihta charo na ta, tlâh tawhta chavah zâ lohpa liata a paoh ei thy haw.

KAOLAOSÂ 2:17

Chazy cha hmo vaw tlô awpazy nohpahlipa châ ta, a hmeiseihpa deikua cha Krista a châ.

HEBRAI 10:1

Ryhpa cha hmo phapa a vaw y awpazy nohpahlipa dei châ ta, a hmeiseihpa a châ leipa vâta, kô chareih ta atheihna hlâ tyhpa a châpa chhao ta, a hlâtuhpazy châta pakina tlôkhei thei beih vei.

BIEPHUAH 22:17

Thlahpa nata Myuhthieh ta, “A vy mah y,” tah ei ta. A theipa maihta, “A vy mah y,” tah mawh ei sy. Dâhphipa maih a vy sala, a khohpa maihta hrona ti he a saipa ta doh mawh sy.