1 KAWRINI 10:32 - Mara Bible RV (BSI)

³² Zuzy chhao, Krikâhzy chhao, Khazohpa Awnanopa chhao, amâ hlua nawpa hmo khâpa hmah tao khuh vy.

1 KAWRINI 10:32 ပူးပေါင်းရင်းမြစ်များ

HMOTAOPAZY 20:28

Khazohpa Awnanopa sahlao, ano thisaih ta a chaleipazy pasa awpa ta, nâmo nata nama sahlao zydua chô liata a chado teh u. Thlahpa Pathaihpa ta ama chô liata hyutuhpa ta a cha tao ei hih.

HMOTAOPAZY 24:16

Chavâta Khazohpa nata chyhsapa lâta chhie nata pha pahnona pathaihpa hnei awpa khâ ei chhuah tyh.

RAWMA 14:13

Chavâta a sei raihrie khao leipa ta, unawhpa lâpi liata achapiana lô tlyma, pakhâna tlyma, sokhâh lei awpa a chhuah ei suh u.

1 KAWRINI 1:2

Kawrini khih liata a ypa, mopathaihpazy châ awpa ta Krista Zisu liata pananopa Khazohpa awnanopa nata su to liata eima Beipa Zisu Krista, âmo Beipa nata keimo Beipa moh a padopa zydua eima châ naoh.

1 KAWRINI 10:33

Kei chhao ta, chyhsa hluhpi pachha ama châ thei nawpa ta, keima athôhna tlua leipa na ta, chyhsazy athôhna tluapa ta, hmo ei taopa to liata chyhsa to palysa tlao ei chhuah tyh.

1 KAWRINI 11:22

Khazia! Niedo nawpa o hnei veih ei chi ma? Khazia Khazohpa Awnanopa mohnaopa ta, khâpa hmah hnei leipazy maoh nama paphyuhsa? Nama hnohta khâpa ei reih aw? Ei cha reithai aw ei mâ? Cha reithai tiarâh veih ei na.

1 KAWRINI 12:28

Khazohpa ta Awnanopa liata chakaotuhpazy rao ta, miakhana liata lyuhchâpazy, mianona liata hrohsopazy, miathôhna liata pachutuhpazy a rao. Cha khai tawhta hmonoâhpa taotuhpazy, patlâhna hmopiepa a hneipazy, chyhsa bao khohna hmopiepa a hneipazy, ryurei thaina hmopiepa a hneipazy nata reihtheileipa hmopiepa a hneipazy a rao ei.

1 KAWRINI 15:9

Kei la lyuhchâpazy hry liata chyh chaipa châ na ta, Khazohpa Awnanopa ei taolapa vâta, lyuhchâpa ta bi tlâh chhao châ va na.

1 KAWRINI 7:17

Abeipa ta a raozie hawhta nata Khazohpa ta a awzie hawhta, chyhsa to y mawh ei sy. Cha cha Awnanopa zydua châta ei raopa a châ.

1 KAWRINI 8:13

Chavâta niepa vâta ei unawhpa ei pahluasa khiahta cha, ei unawhpa ei pahluasa pathlei lei nawpa ta, atheihna sa cha nie khao aw va na.

2 KAWRINI 1:1

Pawla, Khazohpa khozie ta Krista Zisu lyuhchâpa nata eima unawhpa Timawthy ta Kawrini khih liata Khazohpa Awnanopa nata Akai râh liata mopathaihpazy eima châ naoh.

2 KAWRINI 6:3

Eima chakaona raihria he seipa ta a y lei nawpa ta, ahy lâpi lia hmahta achapiana lô soh ma pi.

KALATIA 1:13

Zuzy zyhna liata ei y nota ei hrozie nama pahno. Thachahra ta Khazohpa Awnanopa taola na ta, parao ei chhuah.

PHILIPI 1:10

Chatanachata hmo pha chaipa pahnopa ta, Krista noh châta pathaihpa nata seina hnei leipa ta y aw ei chi ta,

PHILIPI 3:6

phahnai ngiahna kyh liata Awnanopa a taolatuhpa ei châ. Ryhpa biezy zyhpa vâta siana kyh liata chhao seina hnei leipa ei châ.

1 THYSALAWNIKA 2:14

Unawh saih u, nâmo chhao, Zudia râh liata a ypa Krista Zisu liata Khazohpa Awnanopazy hawhta nama châ ha hih. Zuzy ku liata âmo pasa ama taopa hawhta, nâmo chhao nama râh chyhsazy ku liata pasa nama tao hra.

1 TIMAWTHY 3:15

vaw hawh pathlei mawh sah la, Khazohpa chhôhkha liata kheihta y awpa ma a châ tahpa na pahno thei nawpa ta ei vaw ropa a châ. Khazohpa chhôhkha cha Khazohpa hrohpa Awnanopa châ ta, cha cha bie hmeiseihpa tôh nata abôna a châ.

1 TIMAWTHY 3:5

Ano chhôhkha khihsatôhtuna hmahta a phapa ta a mohôh thei vei khiahta cha, kheihta ma Khazohpa Awnanopa cha a mohôh thei aw?

RUTHI 3:14

Chatanachata khihdei hlâlei cha a phei thaby liata a zia ta, chyhsa hmiasiah thei hlâta thyu ha ta. Bôaza ta, “Chanô sawhri lâ â vy tahpa chyhsa ta pahno khah ei se,” tah ta.