1 KAWRINI 10:31 - Mara Bible RV (BSI)

³¹ Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

1 KAWRINI 10:31 ပူးပေါင်းရင်းမြစ်များ

ZEKARIA 14:21

Zerusale nata Zudâh liata thua beih zydua cha Pheisaihzy Abeipa châta a pathaihpa ama châ khai aw. Atheihna hlâ awpa ta â vypa zydua ta beihzy cha la aw ei ta, chho nawpa châta ama hmâh aw. Cha noh liata cha Pheisaihzy Abeipa o liata sôhpalietuhpazy y khao aw veih ei.

LUKA 11:41

A chhôh liata hmo a ypa cha dyhchhiepazy pie awpa ta hmâh teh u, chatanachata nama châta ato a pathaih aw.

1 KAWRINI 7:34

a tao khohpazy â chakhia ha tyh. Vahpa a hnei leipa cha a pôhpa nata a thlahpa liata pathaihpa ta a y thei nawpa ta, Abeipa lâ hmo a pachâ tyh. Vahpa a hneipa deikua cha, a vahpa palysa a chhuahpa ta, khizaw hmo a pachâ tyh.

RYHPACHANEINA 12:12

Chatanachata nâmo nata nama sawchapawzy, nama sawchanôzy, nama seichapawzy, nama seichanôzy nata nama hry liata tovyuh nata ryuto râh a hnei leipa Livai chi nama khih liata a ypazy chhao, Abeipa nama Khazohpa hmiakô liata thaphapa ta nama y aw.

RYHPACHANEINA 12:18

Nâmo nata nama sawchapawzy, nama sawchanôzy, nama seichapawzy, nama seichanôzy nata Livai chi nama khih liata a ypazy ta, Abeipa nama Khazohpa ta su a rao awpa liata nie aw ei chi ta, nama ku raihria theilâpa cha, Abeipa nama Khazohpa hmiakô liata thaphapa ta nama nie aw.

RYHPACHANEINA 12:7

Cha liata Abeipa nama Khazohpa hmiakô liata nie aw ei chi ta, Abeipa nama Khazohpa ta nama ku raihria maih liata byhnâ a cha piepa vâ ei ta, nâmo nata nama chhôhkhazy thaphapa ta nama y aw.

KAOLAOSÂ 3:17

Nama taopa maih, biereipa rai châ sala, hmotaopa rai châ sala, Abeipa Zisu moh ta ato tao u la, ano zawhzi ta Paw Khazohpa hnohta alyna bie reih tyh muh vy.

KAOLAOSÂ 3:23

Nama taopa maih, chyhsapa châta taopa hawhta pachâ leipa ta, Abeipa châta taopa hawhta tlao pachâpa ta, palôh pha ngaitapa ta hria lymâ teh u.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.