Ama nodi nota avâ tawhta viahchhâ pie chi ta, ama dâhphi nota lôpanô tawhta ti papua chi ta, âmo pie awpa ta na bâh avâ lâ pazawhpa ta bie nâ taihpa râh a ngia ta, hnei awpa ta na chho ei.
Cha cha Izarei sawzy ta ama hmô nahta, khâpa ma a châ tahpa ama pahno leipa vâta, “He he khâpa ma a châ tly?” tahpa ta âmo nata âmo a hiahri ei ta. Mawsi ta ama hnohta, “He he viahchhâ a châ, Abeipa ta nama nie awpa a cha piepa ei a châ hih.
Izarei sawzy ta ama pahrâ nawpa râh ama tlô hlâlei cha, kô sypalih chhôh râhchawhpa liata mânâ nie ei ta, Kâna râhri ama tlô hlâlei cha mânâ ama nie lymâ.
Abeipa ta Mawsi hnohta, “Pachâ teh, nama châta avâ tawhta viahchhâ pasuasa aw na ta, zawpizy pua aw ei ta, noh kha châta ama tovyuh a daihpa ta noh chareih amâ huah lymâ aw. Cha liana chata ei ryhpa ama zyh ma, zyh vei ma tahpa ei pasia aw ei.
Chyhsapa he viahchhâ dei ta hroh leipa ta, Abeipa pakah tawhta a puapa bie to ta tlao a hroh tahpa nama pahno thei nawpa ta, cha panawh ei ta, nodipa ta a cha paysa ei. Chatanachata nama pahno beih leipa, châ pathlatuhpazy chhao ta ama pahno beih leipa mânâ ta a cha pasa ei.
