1 KAWRINI 10:18 - Mara Bible RV (BSI)

¹⁸ Izarei phopi kha pachâ tua u. Atheihna sa a niepazy kha maisâh a hlykheipazy châ veih ei ma?

1 KAWRINI 10:18 ပူးပေါင်းရင်းမြစ်များ

THEIHTHAINA 3:11

Chazy cha theihthaipa ta maisâh liata a rao aw. Cha cha Abeipa lâta mei ta hmohlâpa niepa hlâna a châ.

THEIHTHAINA 7:6

Theihthaipa chhôhkha liata chapaw zydua ta nie aw ei ta, su pathaihpa liata nie awpa a châ. Cha cha hmo pathaih ngaitapa a châ.

THEIHTHAINA 7:7

Thaileichâna hlâna cha moleina hlâna nata a lyu ta, taozie miakha a châ. A sazy cha chatlaina a taotuhpa theihthaipa tovyuh a châ aw.

RAWMA 1:3

Cha thâtihpha cha a Sawchapawpa, eima Beipa Zisu Krista thâtih châ ta, sapa kyh liata cha Dâvi pathla ta a pihpa a châ.

RAWMA 4:1

Cha khiahta la, sapa ryhpa ta miah pathlatuhpa Abarahâ kha, khâpa hmo a hmôpa hawhta ma eima reih aw?

RAWMA 4:12

Chopawtaipazy chhao chopawtai thlâhthlipazy châ leipa ta, miah pathlatuhpa Abarahâ chopawtaipa a châ hlâta â ngiapâna pheihnie a pazituhpa ama châ thei nawpa ta, ano cha chopawtaipazy paw ta taopa a châ hra.

1 KAWRINI 9:13

Achhyna o rai hriatuhpazy cha, Achhyna o tawhta niepa hmô ei ta, maisâh liata chakaotuhpazy chhao, atheihna hlâpazy liata tovyuh ama hnei hra tahpa pahno veih ei chi mâ?

KALATIA 6:16

Cha ryhpa a zyhpa zydua nata Khazohpa Izarei chô liata thlalôhna nata ngiachhiena y mawh sy.

RYHPACHANEINA 12:17

Nama sâh, nama kresawhti, nama sathaw nata nama viahchao hri nata mietaku zaw hry liata a pataw tua chaipazy tawhta su hrawh su kha, nama bietai hmopiepazy, nama lôhthai hmopiepazy nata hmohlâ eihpazy chhao nama khih liata nama nie awpa châ vei.

HEBRAI 13:10

Keimo cha maisâh hnei pi ta, keimo maisâh liata deikua cha, achhyna byureih chakaotuhpazy nie thei veih ei.