1 KAWRINI 10:13 - Mara Bible RV (BSI)

¹³ Chyhsa chô liata a tlô tyhpa reipasaonazy dei leipa ta cha, reipasaona hropa nama chô liata tlô beih vei. Khazohpa cha ngâchhihpa châ ta, nama pahnie lei awpa reipasaona namâ tyh awpa pasaih aw vei. Reipasaona nama pahnie thei nawpa ta, reipasaona raohpa ta a râ nawpa lâpi a cha taopa aw ei.

1 KAWRINI 10:13 ပူးပေါင်းရင်းမြစ်များ

HLAZY 124:7

Khoheih chôhtuhpa khoheih tawhta pavaw a puapa hawhta, Keimo chhao pua pi ta; Khoheih rao ta, Eima pua haw.

HLAZY 125:3

Hmoparaopa ryureina chôchahrei cha, Mosiapazy ryuto râh liata a duah aw vei; Chataleipatala mosiapazy ta ama ku pazawh aw ei ta, Moleina hmo ama tao pathlei aw na.

HLAZY 36:5

Hy Abeipa, na zawngiahna cha avâ kaw daih ta, Na ngâchhihna ta meihdo taih a kaw tlô.

HLAZY 89:33

Châhrasala ei kyhpachâna tleih beih leipa cha, Ano tawhta la leipa aw na ta; Ei ngâchhihna ama chô liata tleih beih aw vei.

PUASAINA 3:17

Chavâta Izi râh pasataona tawhta châ chhi papuapa ta, Kâna mo, Hiti mo, Amawri mo, Perizi mo, Hivi mo nata Zebu mozy râh, sâhpiti nata kheihti lona râh lâ châ chhi awpa ei ta, bie ei châ taih ei,’ tahpa ta.

ISAI 11:5

Siana ta a chai a saih aw ta, Ngâchhihna ta a chai â saih aw.

ISAI 25:1

Hy Abeipa, nâ cha ei Khazohpa na châ; Cha cheihchalo aw na ta, Na moh ei reithai aw. Hmonoâhpazy a tao chi ta, Hlâno tawhta na pachhuapanohpazy cha, Ngâ a chhih ei ta amâ do.

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

ZEREMIAH 12:5

“Phei ta a siepa chyhsazy ta châ râpasua ei ta, Na tha ama cha pachhâ khiahta cha, Kheihta ma arâzy nâ râpasua thei aw? Abohna râh lia hmahta na pao khiahta cha, Zawdâh sipopa liata khâpa ma na tao aw?

ZEREMIAH 29:11

Nâmo châta achhuahna ei hneipa ei pahno thlâh haw. Nama chhie nawpa châ leipa ta, nama pha nawpa châta achhuahna hnei na ta, hmialâ daihti phapa nata hnabeiseihna cha pie awpa ei ta achhuahna ei hnei, Abeipa ta a tah.

CHAPHÔHTUNA 3:23

Na kyhpachâna nata zawngiahna cha my chareih thieh lymâ ei ta, Na ngâchhihna a rônah ngaita.

DÂNIAH 3:17

Patina meihô liata thypa eima châpa chhao ta, eima chakaopa eima Khazohpa ta patina meihô ru ngaitapa tawhta miah pachha thei ta, Hy abei y, nâma ku tawhta chhao miah a pachha thei.

HÔSIA 2:20

Ngâchhihna ta châ pahawh aw na ta, Abeipa cha na pahno aw.

MATHAI 6:13

Reipasaona lâta miah a chhi khah y, Moleipa tawhta miah pachha mah y. Khinarâh zy, hmotaotheina zy, rônahna zy, Chhâzaw nata tlyzaw ta na eih châ tlôh ta. Amen.’

LUKA 11:4

Eima chô liata hmo a paraopazy eimâ ngiahthaipa hawhta, Eima paraonazy miah a ngiahthai mah y. Reipasaona lâta miah a chhi khah y,’” tah ta.

LUKA 16:26

Cha leipa chhao ta, he su tawhta nâmo lâ sie a chhuahpazy ta ama sie thei lei nawpa nata kha su tawhta keimo lâ ahy hmah amâ vy thei lei nawpa ta, keimo nata nâmo likawh liata leichiepa kawh ngaitapa taopa a châ haw,’ tah ta.

LUKA 22:46

Ama hnohta, “Khazia namâ mô thlâh haw? Reipasaona liata namâ ngia lei nawpa ta, thyu u la, thlahchhâ teh u,” tah ta.

HMOTAOPAZY 27:44

Ahropazy cha thophia hmâpa ta tlyma, balyh hmobaohzy hmâpa ta tlyma, raphyu lâ pua awpa ta biepie hra ta. Cha hawhna chata ama zydua ta raphyu lâ â bohpa ta pua khai ha ei ta.

1 KAWRINI 1:9

A Sawchapawpa eima Beipa Zisu Krista akaona liata nâmo châ awtuhpa Khazohpa cha ngâchhihpa a châ.

2 KAWRINI 1:10

Khazohpa ta thina chichhihpa tawhta miah pachha ha ta, miah pachha heih aw ta, miah a pachha lymâ aw tahpa eima hnabeiseihna ano liata eima pahnieh.

RYHPACHANEINA 7:9

Chavâta Abeipa nama Khazohpa cha Khazohpa a châ tahpa pahno teh u. Ano cha Khazohpa ngâchhihpa châ ta, ano kyhpachâ ta a biepiepa a zyhtuhpazy chô liata a biehrai nata a zawngiahna chhâ sâh kha taihta a paysapa a châ.

1 THYSALAWNIKA 5:24

Châ awtuhpa ei cha ngâ a chhih ta, cha cha a tao tlai aw.

2 THYSALAWNIKA 3:3

Châhrasala Abeipa cha ngâ a chhih ta, tha cha patlô aw ei ta, moleipa tawhta a cha pabohsa aw ei.

2 TIMAWTHY 4:18

Abeipa ta moleipa zydua tawhta na pachha aw ta, a vâ khinarâh lâ â bohpa ta eina tlôkhei aw. A hnohta chhâzaw nata tlyzaw ta rônahna y mawh sy. Amen.

HEBRAI 10:23

Eima hnabeiseihna palâhâhna cha, a zawvaw leipa ta khâchâ patu ei suh u, bie â taihtuhpa cha ngâchhihpa châ tlôh ta.

HEBRAI 11:11

Ngiapâna ta Sârâ cha saw phaoh thei ta, ano bie a taihtuhpa cha ngâchhihpa ta a raopa vâta, a nôpi tawhta saw a phaoh theipa a châ.

HEBRAI 12:4

Moleina namâ dyuhna liata, thisaih lona taihta a dyuh mâh veih ei chi.

HEBRAI 6:18

Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.

1 PITY 4:19

Chavâta Khazohpa khozie hawhta pasa a taopazy cha, hmo pha taona chôta, Taotuhpa ngâchhihpa liata ama thlahpa pavaosa mawh ei sy.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.

1 ZAWHÂNA 1:9

Eima moleinazy palâhâh sih la, reihpha eima chei khiahta cha, eima moleinazy a ngiahthai awpa nata eima sialeina zydua pasia awpa ta, ano cha ngâchhihpa nata a siapa a châ.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

BIEPHUAH 2:10

Pasa na tao awpazy chi khah y. Pachâ tua, ahripa ta nama hry liata chyhsa thokha patâhna o liata a cha khô aw ei. Pasiapa ta y aw ei chi ta, noh hrawh chhôh rietheipasa nama tao aw. Thina taihta ngâchhihpa ta y mah y, hrona lakho ei cha pie aw.

BIEPHUAH 3:10

Tao hualuana kyh liata ei bie nâ pyhpa vâta, alei liata a pahrâpazy pasia awpa ta khizaw zydua liata pasiana daihti a vaw tlô awpa tawhta ei cha pabohsa aw.

1 SAMUELA 29:10

Chavâta na hnohta a vaw sie hrapa na zibeipa chakaotuhpazy chhao heta mydi kari ta thyu u la, mydi kari ta pua u la, khih pavâpa nahta sie ha muh vy,” tah ta.