1 KAWRINI 10:10 - Mara Bible RV (BSI)

¹⁰ Ama hry liata thokha ta paphôh ei ta, pahleipadiatuhpa ta a pahleipadia hapa hawhna ei khata, keimo la paphôh khah ei suh u.

1 KAWRINI 10:10 ပူးပေါင်းရင်းမြစ်များ

2 SAMUELA 24:16

Vâlyuhchâpa ta parao awpa ta Zerusale lâ a ku a hy nahta, Abeipa cha hmo pha leipa tao a chhuahpa tawhta a palôh vaw nai ta, chyhsazy a pahleipadiatuhpa vâlyuhchâpa hnohta, “Â daih, na ku hy khao kha,” tah ta. Abeipa vâlyuhchâpa cha Zebu chyhsa Araunâ sawhri kiapâh liata y ta.

1 THÂTIHZYRONA 21:15

Zerusale pahleipadia awpa ta Khazohpa ta vâlyuhchâpa tuah ta, châhrasala pahleipadia awpa â chhuah hai nota, Abeipa ta hmô ta, chhiena patlôsa â chhuahpa cha a pathleih haw. Abeipa ta pahleipadiana rai a hria haipa vâlyuhchâpa hnohta, “Â daih haw, na ku hy khao khah y,” tah ta. Abeipa vâlyuhchâpa cha Zebu chyhsa Ôranâ sawhri kiapâh liata a duah ta.

2 THÂTIHZYRONA 32:21

Abeipa ta vâlyuhchâpa za tuah ta, ano chata Asuria bei riehmo liata pasaiphazy, pheisaih hyutuhpazy nata chhituhpa zydua a thie khai ha ei. Chatanachata Senâkeri cha noza hmiachhiepa ta a râh lâ â lie haw. Noh kha cha a khazoh o lâ a vaw nota, ano sawchapawzy ta zaozi ta ama chhawhsao haw.

HLAZY 106:25

Ama poh ozy liata paphôh ei ta, Abeipa ao nathlie khoh veih ei.

PUASAINA 12:23

Abeipa ta Izi mo thie awpa ta vaw chahryh aw ta, ochhi tlâh nata ochhi tôh miano liata thisaih hniapa a hmô tita, Abeipa ta ochhi cha a zaw pakhô aw ta, pahleipadiatuhpa cha nâmo thie awpa ta nama o liata pangiasa aw vei.

PUASAINA 15:24

Zawpi ta, “Khâpa ma eima doh aw?” tahpa ta, Mawsi chô liata paphôh ei ta.

MALUHREINA 14:2

Izarei saw zydua ta Mawsi nata Arawna chô liata paphôh ei ta, ama hnohta, “Izi râh liana kha vaw thi ha sih la a pha via awpa tlai, cha leipa chhao ta, he râhchawhpa liana heta thi sih la tlao a pha via aw!

MALUHREINA 14:37

râh thâtih a chhiena lâta a vaw tlôkheituhpazy chô liata potlana tlô ta, Abeipa hmiakô liata thi khai ha ei ta.

MALUHREINA 16:11

Nâ nata na sahlao zydua Abeipa a dyuh awpa ta namâ hmaohpakhypa a châ hih. Arawna cha khâpa hmo ma tao ta, a chô liata nama paphôh?” tah ta.

MALUHREINA 16:41

A mylâ ta, Izarei zawpi zydua ta Mawsi nata Arawna chô liata, “Abeipa phopi chyhsazy nama thie” tahpa ta paphôh ei ta.

MALUHREINA 17:10

Abeipa ta Mawsi hnohta, “Arawna chôchahrei kha Biehrai Byh hmiakô liata soh pathi teh. Chyhsa chakhia hmâhpa sawzy ama châ tahpa ngiana châta châ aw ta, chatanachata eina chakhiana ei cha padia aw chi ta, thi aw veih ei,” tah ta.

MALUHREINA 17:5

Ei tlyhpa chyhsa chôchahrei cha a chhyh kaw thao aw ta, chatanachata Izarei sawzy paphôhna, na chô liata ama paphôhna cha ei padia aw,” tah ta.

HMOTAOPAZY 12:23

Herawda cha Khazohpa hnohta palyupalihna a pie leipa vâta, eikhapi ta Abeipa vâlyuhchâpa ta vaw tu ta, alôpa ta nie ta, thi ha ta.

PHILIPI 2:14

Paphôna nata aeichhiana y leipa ta ato tao teh u.

HEBRAI 11:28

Sawchapaw uhtheipa pahleipadiatuhpa ta Izarei sawchapaw uhtheipazy a hria lei nawpa ta, ngiapâna ta Zawpakhô chay ta, thisaih a thia.

ZUDÂH 1:16

Cha hawhpa chyhsazy cha, ama moleina hmo khopazy chadaipa ta, paphôhpalyuh thaipa nata reipasipasua a hmâhpazy châ ei ta, athôhna hmô khoh vâta khokhei viapa hneipa ta, pakah kawhpa ta a palaipazy ama châ.

BIEPHUAH 16:1

Chatawhcha Achhyna o tawhta ao paro ngaitapa thei na ta, ao chata vâlyuhchâpa pasarizy hnohta, “Sie u la, Khazohpa hiehâhna biebuh miasari alei liata patlai teh u,” tah ta.