1 KAWRINI 10:1 - Mara Bible RV (BSI)

¹ Unawh saih u, he hmo he nama pahno lei awpa khoh va na. Miah pathlatuhpa zydua kha meihdo ry liata y khai ei ta, ama zydua ta tilaipi ama chaka khai.

1 KAWRINI 10:1 ပူးပေါင်းရင်းမြစ်များ

NEHEMIAH 9:19

na zawngiah­na rônah ngaitapa vâta, râhchawhpa liana kha âmo a heihsai va chi. Ama siena liata a chhihtha laihpa meihdo tôh ta âmo cha nohchhô ta siesai leipa ta, zâ ta ama lâpi a pakhaihpa mei tôh ta âmo cha siesai vei.

HLAZY 105:39

Abeipa ta Izarei sawzy khu awpa ta meihdo pazawhsa ta, Zâ ta khaih awpa ta mei a pie ei.

HLAZY 66:6

Tilaipi cha alei hipa pachâsa ta, Phei ta vahpi ti ama chaka. Cha liata ano liata thaphapa ta eima y;

HLAZY 78:53

 bohpa ta âmo cha chhihtha ta, Khâpa hmah chi veih ei; Ama chariahpazy deikua cha, Tilaipi ta a vao khai ha ei.

PUASAINA 14:29

Izarei sawzy deikua cha, tilaipi chhôh alei hipa liata sie ei ta, tizy cha ama chachâh lâ nata ama chavei lâta âmo châta pâhchhô châ ha ta.

PUASAINA 40:34

Chatawhcha ahmaohna poh o cha meihdo ta vaw pahly ta, achhyna byureih cha Abeipa rônahna ta bie ha ta.

MALUHREINA 14:14

Izi mo ta he râh liata a pahrâpazy he chho aw ei ta, pha aw vei. He râh liata a pahrâpazy heta nâ Abeipa cha Izarei sawzy hry liata na y tahpa pahno tlôh ei ta. Nâ, Abeipa cha hmiachhypa ta cha hmô ha ei ta, na meihdo cha Izarei sawzy chô liata a duah ta, nohchhô ta meihdo tôh ta, zâ ta mei tôh ta ama hmia lâta na sie tyhpa chhao ama pahno.

MALUHREINA 33:8

Pihahirô tawhta pua ei ta, tilaipi liah liata siepahliepa ta râhchawhpa lâ a ngia ei ta, Ethamâ râhchawhpa liata noh thôh sie ei ta, Marâh liata riehmo ama paryh.

ZAWHÂNA 4:20

Keimo miah pathlatuhpazy cha he tlâh liata Khazohpa amâ chhy tyh, nâmo deikua ta, Zerusale he chyhsazy ta Khazohpa amâ chhy nawpa su a châ nama tah,” tah ta.

RAWMA 1:13

Unawh saih u, nâmo nata Zenitai hropazy hry liata theilâpa hmô awpa ta, cha vaw tly awpa ei a chhuah tyh na ta, châhrasala pakhâna a y chhyh hapa kyh nama pahno lei awpa khoh va na.

RAWMA 11:21

Pikheipa chiahzy hmahta Khazohpa ta a pahlôh vei khiahta cha, nâ, pazaopa chiah chhochhi cha, cha pahlôh tiarâh aw vei.

RAWMA 4:11

Chopawtaileipa a châ nota, mosiapa a châna pa-i nawpa ta, chopawtaipa ngiana cha ngiapâna ta hmô ta. Cha chata â chhuahpa cha, chopawtaileipa zydua paw ta tao ta, âmo chhao mosiapa ta raopa ama châ thei nawpa ta a châ.

1 KAWRINI 12:1

Chavâta unawh saih u, thlahpa hmopiepazy kyh liata, nama pahno lei awpa khoh va na.

1 KAWRINI 14:38

Cha cha a pahno vei khiahta cha, ano chhao pahnopa châ aw vei.

KALATIA 3:29

Krista eih nama châ khiahta cha, Abarahâ pathla châ ei chi ta, bietai hawhta ryutotuhpazy nama châ.

RYHPACHANEINA 1:33

Nama poh o parai nawpa tluapa ta nama hmia lâta sie ta, zâ ta mei ta, nohchhô ta meihdo ta cha chhihthapa ta, nama siena lâpi châ pahmôtuhpa Abeipa nama Khazohpa cha ngâ veih ei chi.

HEBRAI 11:29

Ngiapâna ta alei hipa liata siepa hawhta Tilaipi Saihpa ama chaka. Izi mo deikua cha, cha hawhta tao a chhuah hra ei ta, ti ta a vaosao khai ha ei.

ZAWSUA 4:23

Zehôvâh Khazohpa ta eima chaka khai hlâlei Tilaipi Saihpa pakua ta, Tilaipi Saihpa chô liata a taopa hawhna khata, Zehôvâh Khazohpa ta nama chaka khai hlâlei Zawdâh tizy a cha pakuapa ei.