1 KAWRINI 1:9 - Mara Bible RV (BSI)

⁹ A Sawchapawpa eima Beipa Zisu Krista akaona liata nâmo châ awtuhpa Khazohpa cha ngâchhihpa a châ.

1 KAWRINI 1:9 ပူးပေါင်းရင်းမြစ်များ

HLAZY 100:5

Abeipa cha pha ta, A kyhpachâna cha chhâzaw châta a daih ta, A ngâchhihna chhâ zydua taihta â daih.

ISAI 11:5

Siana ta a chai a saih aw ta, Ngâchhihna ta a chai â saih aw.

ISAI 25:1

Hy Abeipa, nâ cha ei Khazohpa na châ; Cha cheihchalo aw na ta, Na moh ei reithai aw. Hmonoâhpazy a tao chi ta, Hlâno tawhta na pachhuapanohpazy cha, Ngâ a chhih ei ta amâ do.

ISAI 49:7

Mohnao ngaitapa nata Babylaw râh ta a pasi kawpa, Ryureituhpazy chakaotuhpa Izarei phopi hnohta, Abeipa, Izarei Chatlaituhpa ta hetana heta tah ta, Izarei Mo Pathaihpa ta hetana heta a tah: “Abeipa ngâchhihpa vâta, Châ tlyhtuhpa Izarei Mo Pathaihpa vâta, Beizy ta a cha hmô ti ei ta a duah aw ei ta, Beimachâzy na hmiakô liata amâ bôh aw.”

MALUHREINA 23:19

Khazohpa cha chyhsapa a châ leipa vâta, Haih beih leipa ta; Chyhsa sawchapawpa a châ leipa vâta, A palôh panano beih vei. A rei hapa tao leipa ta a y aw ma? A chho hapa patlô leipa ta a y aw ma?

MATHAI 24:35

Lei nata vâ a lei aw, ei biezy deikua lei aw vei.

ZAWHÂNA 17:21

Chatanachata ei Paw y, nâ liata kei y na ta, kei liata nâ na ypa hawhna heta, âmo chhao keimo liata ypa ta, ama zydua ta pôhkha châ aw ei ta, nâ ta eina tuah chi tahpa khizaw ta ama zo aw.

RAWMA 11:17

Châhrasala a chiah thokhazy cha thliepa châ ta, nâ, râh liata ôli tho tlai chi cha, ôli tho phapazy liata pazaopa ta, ôli tho phapa thari nâ hly khiahta cha,

RAWMA 8:28

Khazohpa kyh a pachâtuhpa, ano achhuahna hawhta a awpazy châta, Khazohpa ta ato liata ama pha nawpa ta a hriapa tyh ei tahpa eima pahno.

RAWMA 8:30

A rao chhieliepazy cha aw ta, a awpazy thai pachâsa ta, thai a pachâsapazy cha a palyupalih ei.

RAWMA 9:24

Cha ngiachhiena beihzy cha, keimo, Zuzy hry tawhta a awpazy dei châ leipa pi ta, Zenitaizy hry tawhta a awpazy chhao eima châ hra.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

1 KAWRINI 10:13

Chyhsa chô liata a tlô tyhpa reipasaonazy dei leipa ta cha, reipasaona hropa nama chô liata tlô beih vei. Khazohpa cha ngâchhihpa châ ta, nama pahnie lei awpa reipasaona namâ tyh awpa pasaih aw vei. Reipasaona nama pahnie thei nawpa ta, reipasaona raohpa ta a râ nawpa lâpi a cha taopa aw ei.

1 KAWRINI 10:16

Byhnâ tona nyu châta byhnâ eima aw tyhpa he, Krista thisaih a hlykheina châ vei mâ? Viahchhâ eima pachhaih tyhpa he, Krista pôhpa a hlykheina châ vei mâ?

2 KAWRINI 1:18

Khazohpa ngâ â chhihpa hawhta, nâmo lâta eima bie chhao, a châh ta “A châ” tah ta, a châh ta “Châ vei” tahpa hawhpa châ vei.

KALATIA 1:15

Châhrasala Khazohpa ta ei nô chhi liata ei y no tawhta na vaw panano ha ta, a ngiachhiena vâta eina aw haw.

KALATIA 2:20

Krista hnohta khaipâpa ta ei y. Châhrasala ei hroh. A hrohpa deikua cha kei châ khao va na, Krista cha kei liata tlao a hroh. Tahmâ pôhpa ta ei hropa he, kyh na pachâ ta, ei châta anosasyh â hlâtuhpa Khazohpa Sawchapawpa ngiapâna liata a hrohpa ei châ.

EPHESI 3:6

Bienyupa cha he he a châ: Thâtihpha vâta Zenitaizy cha, Krista Zisu liata Izarei sawzy nata ryuto lâhpazy châ ei ta, pôhpa miakha pachiahpa a châ khohpazy nata bietai a hlypazy ama châ.

RYHPACHANEINA 32:4

“Lôpanô cha a hmotaopazy siapaki ta, A lâpi zydua â do. Ano cha Khazohpa ngâchhihpa châ ta, Paraona hnei leipa ta, Asiapa nata adopa a châ.

RYHPACHANEINA 7:9

Chavâta Abeipa nama Khazohpa cha Khazohpa a châ tahpa pahno teh u. Ano cha Khazohpa ngâchhihpa châ ta, ano kyhpachâ ta a biepiepa a zyhtuhpazy chô liata a biehrai nata a zawngiahna chhâ sâh kha taihta a paysapa a châ.

KAOLAOSÂ 1:24

Tahmâ cha nama châta pasa ei taonazy liata a ly na ta, a pôhpa, Awnanopa châta Krista pasa tao laibâhpa cha, ei sapa liata ei pazao lymâ.

1 THYSALAWNIKA 2:12

A khinarâh nata a rônahna lâta nâmo châ awtuhpa Khazohpa chyhsa tlâh nama châ thei nawpa ta, cha pasyu pi ta, nama tha cha patlô pi ta, bie eima cha pie.

2 THYSALAWNIKA 2:14

Eima Beipa Zisu Krista rônahna nama to thei nawpa ta, Khazohpa ta eima thâtihpha hmâpa ta a cha aw ei.

2 THYSALAWNIKA 3:3

Châhrasala Abeipa cha ngâ a chhih ta, tha cha patlô aw ei ta, moleipa tawhta a cha pabohsa aw ei.

2 TIMAWTHY 1:9

Ano cha eima hmotaopazy vâta châ leipa ta, a hmochhuahpa nata a ngiachhiena vâta miah pachha ta, awna pathaihpa ta miah awtuhpa a châ. Cha ngiachhiena cha khizaw y hlâta Krista Zisu liata miah a pie haw.

2 TIMAWTHY 2:13

Keimo ngâchhih vei hra sih la, Ano cha ngâ a chhih ta, Anosasyh a paphasai thei vei.

TITU 1:2

Haipa bie a reih beih leipa nata khizaw y hlâ tawhta chhâzaw hrona bie a vaw taih hapa Khazohpa a ngiapâtuhpa ei châ.

HEBRAI 10:23

Eima hnabeiseihna palâhâhna cha, a zawvaw leipa ta khâchâ patu ei suh u, bie â taihtuhpa cha ngâchhihpa châ tlôh ta.

HEBRAI 11:11

Ngiapâna ta Sârâ cha saw phaoh thei ta, ano bie a taihtuhpa cha ngâchhihpa ta a raopa vâta, a nôpi tawhta saw a phaoh theipa a châ.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

HEBRAI 3:1

Chavâta unawh pathaihpa, vârâh awna a to hrapazy saih u, eimâ ngiapâna palâhâhna lyuhchâpa nata Theihthai Beichaipa Zisu thâtih pachâ tyh muh vy.

HEBRAI 3:14

Âthaona liata eimâ ngiapâna alôhna kha achhâna taihta eima patu khiahta cha, Krista a hneituhpazy eima châ. Chavâta,

HEBRAI 6:18

Chatanachata hmo anano beih leipa miano vâta, haipa bie rei awpa cha Khazohpa châta hmo thei leipa châ ta, a boh awpa ta ano lâ a râpazy pi heta eima hmiakô liata hnabeiseihna sopa cha thlalôhpa ta eima hnei thei aw.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

1 ZAWHÂNA 1:3

Nâmo chhao ta miah namâ kao thei hra nawpa ta, eima hmôpa nata eima theipa cha nama hnohta eima phuah. Eimâ kaona cha Paw nata a Sawchapawpa Zisu Krista liata a châ.

1 ZAWHÂNA 1:7

Khaihna liata eima y khiahta deikua cha, ano cha khaihna liata a ypa hawhta, a kao raihrie thei pi ta, a Sawchapawpa Zisu thisaih ta eima moleina zydua tawhta miah a pathaisa tyh.

1 ZAWHÂNA 4:13

A Thlahpa miah a piepa liana heta, ano liata y pi ta, ano chhao keimo liata a y tahpa eima pahno.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.