1 KAWRINI 1:30 - Mara Bible RV (BSI)

³⁰ Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

1 KAWRINI 1:30 ပူးပေါင်းရင်းမြစ်များ

BIESOZY 1:20

Sona cha khiliah liata a paropa ta awh ta, Sôhdaoh suzy liata a aony a pasâh.

BIESOZY 2:6

Sona cha Abeipa piepa châ ta, A pakah tawhta pahnona nata novâhna a pua.

BIESOZY 8:5

Hy nâmo, sona a phahlapazy saih u, Sona a chu u la; Nâmo, ahrupazy saih u, Pahnona a chu teh u.

ISAI 11:2

Abeipa Thlahpa cha a chô liata a choh aw ta, Cha Thlahpa cha sona nata novâhna Thlahpa châ ta, Ryhraona nata thatlôna Thlahpa chhao châ ta, Abeipa pahnona nata china Thlahpa a châ.

ISAI 45:17

Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

ISAI 54:17

Nâma a dyuh nawpa ta taopa chaihraizy cha, Kheihawhpa ta hmah cha tiah aw vei; Pachiana liata châ thyuhnaopa palei to chhao, Thailei na pachâsa aw ei. Cha cha Abeipa chakaotuhpazy ryuto châ ta, Kei tawhta ama thaichâna a châ,” Abeipa ta a tah.

ZEREMIAH 33:16

Cha nohzy liata, Zudâh cha pachhapa châ aw ta, Zerusale chhao â bohpa ta a y aw. A moh cha ‘Zehôvâh Sidkenu,’ a châ aw.

DÂNIAH 2:20

Dâniah ta, “Sona nata thatlôna cha, Khazohpa eih châ ta; Khazohpa moh cha, Chhâzaw nata tlyzaw ta reithaipa ta y mawh sy!

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

HÔSIA 13:14

Athikhih ku tawhta pachha aw ei na ta, Thina tawhta ei chatlai aw ei. Hy thina, na potlana hri cha khataih liata a y? Hy Athihkhih, na châmaih cha khataih liata ma a y? Ngiachhiena cha, Ei mokhaoh tawhta nyupa a châ.

MATHAI 1:21

Sawchapaw sa aw ta, a chyhsazy ama moleinazy tawhta a pachha awpa vâta, a moh Zisu na bi aw,” tah ta.

LUKA 11:49

Chavâta Khazohpa sona chhao ta, ‘Ama hnohta hrohsopazy nata lyuhchâpazy tuah aw na ta, thokha thie aw ei ta, thokha ama taola aw,’ a tahpa kha a châ.

LUKA 21:15

Bie nama rei awpa cha pie aw ei na ta, sona cha pie aw ei. Nama khakhaipazy ta nama bie cha ei thei leipa aw ei ta, cha pachhaipadai thei aw veih ei.

ZAWHÂNA 1:18

Ahy hmahta Khazohpa hmô beih veih ei. Sawchapaw matlupa, Paw kalachhôh liata a ypa ta ano cha a palâhâh.

ZAWHÂNA 14:6

Zisu ta a hnohta, “Kei he lâpi nata biehmeiseihpa nata hrona ei châ. Kei liata a sie leipa cha ahy hmah Paw kô tlô thei aw vei.

ZAWHÂNA 17:26

Ama hnohta na moh pahnosa na ta, ei pahnosa lymâ aw. Chatanachata kyh eina pachâna chi kha âmo liata y aw ta, kei chhao âmo liata ei y lymâ aw,” tah ta.

ZAWHÂNA 17:8

Bie eina piepazy chi kha ama hnohta pie na ta, a pyh ei ta, nâ tawhta a puapa ei châ tahpa â dopa ta pahno ei ta, nâ ta eina tuah chi tahpa amâ ngiapâ haw.

ZAWHÂNA 8:12

Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

RAWMA 1:17

“Mosiapa cha ngiapâna ta a hroh aw,” tahpa ropa hawhta, thâtihpha liana chata Khazohpa siana a vaw luah ta, cha siana cha âthaona tawhta achhâna taihta ngiapâna vâta a ypa a châ.

RAWMA 11:36

Ano tawhta, Ano vâta, Ano châta, Hmo to a ypa a châ. A hnohta chhâzaw ta rônahna y mawh sy! Amen.

RAWMA 12:5

Cha hawhna chata keimo chhao, a hluhpi châ hra sih la, Krista liata pôhpa miakha châ pi ta, eima zydua ta a zao khaipa eima châ.

RAWMA 16:11

Ei chiheih Herôdiônâ kha nâ naohpa muh vy. Nâkisâ chhôhkha Abeipa liata a ypazy kha nâ naohpa muh vy.

RAWMA 16:7

Ei chiheih Andrônikâ nata Zunia, patâhna o liata ei tâlâhpazy kha nâ naohpa muh vy. Âmo cha lyuhchâpazy ta ama pahno kawpazy châ ei ta, kei Krista liata ei y hlâta a y hapazy ama châ.

RAWMA 4:25

Cha Zisu cha keimo moleina vâta thie awpa ta patusapa châ ta, thai eima châ nawpa ta pathyupa a châ.

RAWMA 4:6

Hmotaopa vâta châ leipa ta, Khazohpa ta mosiapa ta a raopa nohlaona kyh cha, Dâvi chhao ta,

RAWMA 5:19

Chyhsa pakha reingiah leina vâta chyhsa hluhpi moleipa ama châ hapa hawhta, chyhsa pakha reingiahna vâta chyhsa hluhpi mosiapa ama châ aw.

RAWMA 5:21

Moleina chata thina ta ryureih ta, ngiachhiena deikua cha, eima Beipa Zisu Krista zawhzi ta chhâzaw hrona a tlôkheipa siana ryureina a châ.

RAWMA 8:1

Chavâta tahmâ la Krista Zisu liata a ypa, sapa ta hroh leipa ta, Thlahpa ta a hrohpazy châta cha thailei pachâsana rai y khao vei.

RAWMA 8:23

Hmotaopazy dei châ vei, keimo, Thlahpa thei hmiatuapa a hneituhpazy tlai chhao heta, saw châ awpa ta eima pôhpa chatlaina cha ngiatiah leipa ta hâpa ta, palôh ta eimâ rôh ngâ kaw hra.

RAWMA 8:9

Châhrasala Khazohpa Thlahpa nâmo liata a y khiahta cha, sapa ta a ypa châ leipa ei chi ta, Thlahpa ta a ypa tlao nama châ. Ahy rai Krista Thlahpa a hnei leipa cha ano chyhsa châ vei.

1 KAWRINI 1:2

Kawrini khih liata a ypa, mopathaihpazy châ awpa ta Krista Zisu liata pananopa Khazohpa awnanopa nata su to liata eima Beipa Zisu Krista, âmo Beipa nata keimo Beipa moh a padopa zydua eima châ naoh.

1 KAWRINI 1:24

Zuzy ama châpa chhao ta, Krikâhzy ama châpa chhao ta, awpazy châta cha, Krista cha Khazohpa hmotaotheina nata Khazohpa sona a châ.

1 KAWRINI 12:18

Khazohpa ta pachiahpa to he, pôhpa liata a khona lia maihta a paysa chyupa a châ.

1 KAWRINI 12:27

Nâmo sahlao he Krista pôhpa châ ei chi ta, a pachiahpa nama châ chyu hra.

1 KAWRINI 12:8

Chyhsa pakha hnohta Thlahpa liata sona bie piepa châ ta, chyhsa hropa hnohta Thlahpa lia lilaw ta pahnona bie piepa a châ.

1 KAWRINI 4:15

Krista liata chhituhpa thy kha hnei hra u la, Paw deikua a hluhpi hnei veih ei chi. Kei he thâtihpha vâta Krista Zisu liata nama paw ei châ.

1 KAWRINI 6:11

Nama hry liata thokha chhao, cha hawhpa chyhsa nama châ tyhpa kha. Châhrasala pasipa nata pathaisapa châ ha ei chi ta, Abeipa Zisu Krista moh ta nata eima Khazohpa Thlahpa ta thai pachâsapa nama châ haw.

2 KAWRINI 12:2

Kô hrawh hleipalih a sie hapa liata, vârâh chhâh thôhna lâta a chhipa ta a ypa, Krista liata chyhsa pakha ei pahno. Pôhpa ta a chhipa ma a châ, pôhpa leipa ta ma, tahpa deikua pahno va na. Khazohpa ta a pahno.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

KALATIA 1:4

Ano cha eima Khazohpa nata eima Paw khozie hawhta, tahmâhlâ khizaw moleina tawhta miah pachha awpa ta, eima moleinazy vyuhpa ta anosasyh â hlâpa a châ.

KALATIA 3:13

“Tho liata bangiehpa maih cha chhiesapa ama châ,” tahpa ropa hawhta, Krista cha keimo châta chhiesapa ta y ta, ryhpa chhiesana tawhta miah a pachha haw.

EPHESI 1:10

Chatanachata daihti â ki tita, hmo to, avâ liata a ypa nata alei liata a ypa zydua, Krista liata syhpahmaoh khaipa a châ aw.

EPHESI 1:14

Ano cha Khazohpa rônahna reithai nawpa ta, Khazohpa ta a ryutozy a chatlai hlâ chhao ta, cha ryuto cha eima hmô tlai aw tahpa pa-ina sôhkâ a châ.

EPHESI 1:7

A thisaih vâta ano liata chatlaina hnei pi ta, cha cha a ngiachhiena hneirôhzie lymâ hawhta, eima paraonazy angiahthaina a châ.

EPHESI 2:10

Hmo pha tao awpa ta, Khazohpa ta Krista Zisu liata miah a tao. Cha hmo pha tao awpa cha, eima chânazie awpa ta Khazohpa ta â vaw chhuanoh chhieliepa a châ.

EPHESI 4:30

Khazohpa Thlahpa Pathaihpa pachâ parôh khuh vy, chatlaina noh châta ano ta ngiapa nama châ.

EPHESI 5:26

Awnanopa cha bie nata ti ta pasipa ta, a pathaisa thei nawpa ta, Krista cha Awnanopa châta â pie.

PHILIPI 3:9

Ryhpa bie zyhpa vâta siana keima liata hnei leipa na ta, Krista ngiapâna vâta siana a hneipa ei châ. Cha siana cha Khazohpa tawhta a puapa châ ta, ngiapâna vâta hnei theipa deita a châ. Chavâta Krista liata ei y thei nawpa ta, hmo to kyna ta ei rao khai haw.

KAOLAOSÂ 1:14

Ano liana chata chatlaina, moleinazy ngiahthaina eima hnei.

KAOLAOSÂ 3:16

Krista bie cha nâmo liata biepakhôpa ta y mawh sy. Sona to ta a pachupa ta a chhorei raihrie u la, palôh alyna chôta, reithaina hlazy nata thlahpa hlazy Khazohpa lâ sa teh u.

1 THYSALAWNIKA 5:23

Thlalôhna Khazohpa ta tlokhuh cha pathaisa ei sala, nama thlahpa, nama pathipalôh nata nama pôhpa cha, eima Beipa Zisu Krista â vy tita, seina hnei leipa ta cha paysa mawh ei sy.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 9:12

Su Pathaih Chaipa lâ cha chhâzaw châta ei kha a ngia ta, miezy nata viahchaotawzy thisaih ta châ leipa ta, ano thisaih ta chhâzaw chatlaina a tao haw.

ZÂMIE 1:5

Nama hry liata ahy rai sona â phahla khiahta cha, Khazohpa lâ hiah mawh sy. Khazohpa cha chyhsa zydua hnohta riaphapa nata maochhie leipa ta sona a pietuhpa châ ta, sona a phahlapa hnohta sona piepa a châ aw.

1 PITY 1:2

Paw Khazohpa pahno chhieliepa hawhta atlyhpazy, Zisu Krista rei a ngiah awpa nata a thisaih ta thia awpa ta Thlahpa ta pathaisapazy ei cha naoh ei. Nama chô liata ngiachhiena nata thlalôhna papôhsapa ta y mawh sy.

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.

1 ZAWHÂNA 5:6

Zisu Krista cha ti nata thisaih ta a vypa châ ta, ti dei ta châ leipa ta, ti nata thisaih ta â vy. Thlahpa cha biehmeiseihpa a châpa vâta, Thlahpa ta ano cha a pahnokhei.

BIEPHUAH 14:4

Cha chyhsazy cha chanô liata a papua leipa, chapaw kôpazy ama châ. Mietakutaw siena lâ maih a zituhpazy châ ei ta, Khazohpa châta nata Mietakutaw châta a pathei tua chaipazy châ awpa ta, chyhsa hry tawhta chatlaipazy ama châ.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.