1 KAWRINI 1:28 - Mara Bible RV (BSI)

²⁸ Hmo a ypazy hraoleipa a pachâsa thei nawpa ta, Khazohpa ta khizaw ta nawraihpa nata mohnao chhihpa ta a pachâpazy a tlyh ta, hmo a y leipazy chhao â tlyh.

1 KAWRINI 1:28 ပူးပေါင်းရင်းမြစ်များ

ZAWBÂ 34:24

Chyhsa thatlôpazy cha ama thâtih pasia byuh leipa ta parao ta, Ama su liata mohropazy a padua ei.

HLAZY 32:10

Hmoparaopa châta pachârôh nawpa hluhpi y ta, Abeipa a ngâtuhpa deikua cha zawngiahna ta a chadô aw.

ISAI 2:11

Chyhsa mo apasâhsana cha pahnaipa châ aw ta, Chyhsa apalaina chhao panawhpa châ aw ta, Cha noh liata cha Abeipa deita cheihchalopa a châ aw.

ISAI 2:17

Chyhsa apalaina cha panawhpa châ aw ta, Chyhsa apasâhsana chhao pahnaipa a châ aw; Cha noh liata cha Abeipa deita cheihchalopa châ aw ta,

ISAI 37:36

Abeipa vâlyuhchâpa cha pua ta, Asuria mo riehmo liata pheisaih 185,000 thie ta. Asuria pheisaihzy cha mydi kari ta ama thyu nahta, moh teh u, riehmo cha athihpa ri ta bie thlâh ha ta.

ISAI 41:12

Châ teituhpazy tlua aw chi ta, Hmô aw va chi; Châ dyuhtuhpazy chhao, Khâpa hmah châ aw veih ei.

RAWMA 4:17

“Phopi hluhpi paw ta ei cha tao haw,” tahpa ta ropa hawhta, Abarahâ cha athihpa a pahrotuhpa nata hmo a y leipazy a paysatuhpa châ ta, â ngiapâpa Khazohpa mohmô liata eima zydua paw a châ.

1 KAWRINI 1:20

Chyhsa sopa cha khataih liata a y? Châthaipa cha khataih liata a y? He khizaw liata bie ei thaipa cha khataih liata a y? Khazohpa ta khizaw sona cha hruna ta tao ha vei ma?

1 KAWRINI 2:6

Pitlohpazy hry liata deikua cha, biesozy eima pachu tyh. Châhrasala he khizaw biesozy châ leipa ta, he khizaw ryureituhpa a leidia awpazy bieso châ hra vei.

2 KAWRINI 12:11

Ei hru ha hih! Nâmo ta einâ duakhei awpa ei chi châ taraw ta, châhrasala hru lei thei lei awpa ta eina tao ha ei chi. Khâpa hmah châ vei hraw sah la, lyuhchâpa laipa nama tahpazy hlâta nawh via tiarâh va na.

RYHPACHANEINA 28:63

Abeipa ta nama chô liata hmo phapa tao ta, nama maluh cha papôh awpa â lynazie a châpa hawhta, nama leina tao awpa nata cha pahleipadia awpa chhao cha Abeipa alynazie châ aw ta, hnei awpa ta namâ kei ngiapa râh tawhta phia pathlahpa nama châ aw.

2 THYSALAWNIKA 2:8

Cha khai tawhta, ryhpa paraotuhpa cha a vaw luah aw ta, Abeipa Zisu ta ano cha a pakah hu ta thie aw ta, â vyna khaihna ta a pahleipadia aw.

HEBRAI 2:14

Sawzy cha sapa nata thisaih azaona a hneipa ama châpa hawhta, ano chhao sapa nata thisaih hnei hra ta, a thina ta thina hmotaotheina a hneipa ahripa cha a pahleipadia haw.

BIEPHUAH 18:17

Dawh kha chhôh ta, A hneirôna zydua a lei khai ha he zaw!” Balyh hyutuhpa zydua nata balyh ta khitlyhpa zydua, balyh puhpazy nata tilaipi chô liata sôhpalietuhpa zydua cha Lâhlapi ta a duah ei ta,