1 KAWRINI 1:19 - Mara Bible RV (BSI)

¹⁹ “Asopazy sona pahleipadia aw na ta, Athaipazy novâhna ei thy aw,” tahpa ropa a châ.

1 KAWRINI 1:19 ပူးပေါင်းရင်းမြစ်များ

ISAI 19:11

Zônâ beimachâzy cha ahrupazy châ ei ta, Phiraoh ryhraokheituhpa so chaipazy ta ryhraona hrupa ama pie. Kheihta ma Phiraoh hnohta, “Asopa saw châ na ta, Bei hlôpa sawchapawpa ei châ,” Nama tah thei tly?

ISAI 19:3

Izi mo cha ama palôh pachhâsapa châ aw ta, Ama ryhraona ei patypamâ aw. Khazoh nothlahpazy nata dyuthaipazy a saohiah aw ei ta, Peihthaipazy nata pachaothaipazy amâ saohiah aw.

ISAI 29:14

Chavâta moh teh u, He phopi hry liata hmonoâhpa tao heih aw na ta, Hmonoâhpazy ei tao patho aw. Ama chyhsa sopazy sona lei aw ta, Hmo pahno thaipazy pahno thaina chhao, Nyupa a châ aw.”

ZEREMIAH 10:7

Hy phopizy Beipa, Ahy ma cha chi leipa ta a y aw? Mo to ta ama cha chi awpa cha, Nâ phuhpa rai mah a châ tâh. Phopizy chyhsa sopa zydua hry liata, Nâ hawhpa he y leipa ei ta, Amâ beinarâh zydua liata chhao, Nâ hawhpa he y veih ei.

ZEREMIAH 8:9

Chyhsa sopazy maophyuh aw ei ta, Chihuhpa ta ypa ta patupa ama châ aw. Pachâ teh u, Abeipa bie ama thy ha tawhta cha, Âmo liata khâpa sona cha ma a y khao aw?

1 KAWRINI 3:19

He khizaw sona he, Khazohpa pachâ ta hruna châ tlôh ta. “Khazohpa ta chyhsa sopazy cha, âmo so piehpiena ta a paao tyh,” tahpa ta ropa a châ.

1 KAWRINI 4:10

Keimo la Krista châta ahrupa châ pi ta, nâmo deikua Krista liata asopa nama châ. Keimo la chiehleipa châ pi ta, nâmo deikua thatlôpa nama châ. Nâmo cha chyhsa palyupalihpa ta y ei chi ta, keimo deikua chyhsa mohnaopa ta eima y.

1 KAWRINI 4:6

Unawh saih u, nama pha nawpa ta, cha hmozy cha kei nata Apawlôsâ liata ei vaw hmâ hapa a châ. Chatanachata Biehrai bie khô lei awpa ta, keimo tawhta a chu thei aw ei chi ta, pakha a dyuh nawpa ta mohropa a palaikhei khao aw veih ei chi.