1 KAWRINI 1:18 - Mara Bible RV (BSI)

¹⁸ Kraws bie cha leidia haipazy châta hruna châ ta, keimo, pachha haipazy châta deikua cha, Khazohpa hmotaotheina a châ.

1 KAWRINI 1:18 ပူးပေါင်းရင်းမြစ်များ

HMOTAOPAZY 13:41

“‘Nâmo, mohnaotuhpazy saih u, moh teh u, Nama noâh sala, leidia teh u; Nama hro chhôh ta hmo miakha tao na ta, Cha chho hra ei sala, Zo aw veih ei chi,’ tahpa ta a reipa biezy nama chô liata a vaw tlô pathlei aw na,” tah ta.

HMOTAOPAZY 17:18

Epikuria nata Stôika chyhsa sopa thokhazy chhao Pawla cha a dyuh ei ta. Thokha ta, “He reih hluhpa heta khâpa ma rei â chhuah?” tah ei ta. Thokha ta Zisu kyh nata thyuheihna kyh a reipa vâta, “Chihropa khazohzy biechhotuhpa a châ ei aw,” tah ei ta.

HMOTAOPAZY 17:32

Athihpa thyuheihna kyh ama thei nahta, thokha ta pahneisao ei ta, ahropazy ta, “Cha kyh cha nâma tawhta eima nathlie heih aw,” tah ei ta.

HMOTAOPAZY 2:47

Khazohpa reithai ei ta, chyhsa zydua modypa ta ama y tyh. Chatanachata pachha a châpazy cha, noh chareih ta Abeipa ta ama hnohta a baichha lymâ ei.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

1 KAWRINI 1:21

Khazohpa sona liata cha, khizaw ta sona hmâpa ta Khazohpa a pahno thei vei tawhta cha, biechhona hrupa hmâpa ta a ngiapâpazy pachhapa cha Khazohpa ta pha a tah ngaita.

1 KAWRINI 15:2

Bie ei cha chhopa ei kha, namâ ngiapâ thlâhthlipa châ leipa ta, khâchâ nama patu khiahta cha, cha liana chata pachha haipa ta nama y.

1 KAWRINI 2:14

Khizaw chyhsa ta Khazohpa Thlahpa hmozy a pyh vei. Ano pachâ ta cha hruna châ ta, thlahpa ta pahnopa chi a châpa vâta pahno thei vei.

1 KAWRINI 2:2

Zisu Krista nata khaipâpa ta a ypa kyh dei leipa cha, nama hry liata khâpa hmah pahno a chhuah va na.

1 KAWRINI 3:19

He khizaw sona he, Khazohpa pachâ ta hruna châ tlôh ta. “Khazohpa ta chyhsa sopazy cha, âmo so piehpiena ta a paao tyh,” tahpa ta ropa a châ.

1 KAWRINI 4:10

Keimo la Krista châta ahrupa châ pi ta, nâmo deikua Krista liata asopa nama châ. Keimo la chiehleipa châ pi ta, nâmo deikua thatlôpa nama châ. Nâmo cha chyhsa palyupalihpa ta y ei chi ta, keimo deikua chyhsa mohnaopa ta eima y.

2 KAWRINI 10:4

Eima chariah chhaichhizy cha khizaw chariah chhaichhizy châ leipa ei ta, thokhy a i ngaitapazy parao nawpa ta Khazohpa hmotaotheina a châ.

2 KAWRINI 4:3

Eima thâtihpha he khupa a châ khiahta cha, leidia haipazy châ dei ta khupa ta a y.

1 THYSALAWNIKA 1:5

Thâtihpha nama hnohta eima vaw tlôkheipa kha, bie dei ta vaw tlôkhei leipa pi ta, hmotaotheina nata Thlahpa Pathaihpa nata ngiapâna a i ngaitapa chhaota eima vaw tlôkheipa a châ. Nama hry liata eima y nona kha, nâmo vâta kheihta ma eima y tahpa nama pahno.

2 THYSALAWNIKA 2:10

Leidia haipazy cha pachha châ nawpa biehmeiseihpa khoh leipa ta ama dythapa vâta, ryhpa paraotuhpa cha dôveina pha leipa to chhaota âmo lâ â vy aw.

HEBRAI 12:2

Eimâ ngiapâna apahniehna nata pakituhpa Zisu lâ moh lymâ ei suh u. Ano cha a hmiakô liata alyna sopa cha a to thei nawpa ta, maophyuhna chhao papeisa leipa ta, kraws liata pasa tao ta, Khazohpa beidyuchhai chachâh lâta a kaw tyuh ha ta.

HEBRAI 4:12

Khazohpa bie cha hroh ta, hmo tao thei ta, zaozi hâh nopa hlâta tiah via ta, hrona nata thlahpa, ru nata lathli pachhaih theina taihta chhôpahlie thei ta, palôh pachâna nata achhuahnazy a pahno thei.