1 KAWRINI 1:17 - Mara Bible RV (BSI)

¹⁷ Krista ta bâti pachâsa awpa ta na tuah leipa ta, thâtihpha chho awpa ta tlao eina tuah. Chyhsapa sona bie ta chho va na, chataleipatala Krista kraws hmotaotheina cha hraoleipa ama pachâsa pathlei aw na.

1 KAWRINI 1:17 ပူးပေါင်းရင်းမြစ်များ

ZAWHÂNA 4:1

Zisu ta Zawhâna hlâta pachupa hluh via tao ta, bâti chhao a pachâsa hluh viapa kyh Phârisaihzy ta ama thei tahpa Zisu ta pahno ta.

ZAWHÂNA 4:2

Zisu ano tlai ta bâti a pachâsapa châ leipa ta, a pachupazy ta bâti ama pachâsapa tlao a châ.

HMOTAOPAZY 10:48

Chatanachata Zisu Krista moh ta bâti châ awpa ta biepie ta. Cha khai tawhta, noh khazie tlyma châh chy awpa ta a haw ei ta.

1 KAWRINI 2:1

Unawh saih u, Khazohpa bienyupa cha chho awpa ei ta nâmo lâ ei vy no kha, bierei thai kawpa ta tlyma, so kawpa ta tlyma, a vypa châ va na.

1 KAWRINI 2:13

Chyhsapa sona ta pachu tyhpa hawhta biezy pachu leipa pi ta, Thlahpa ta miah a pachupa hawhta pachu pi ta, thlahpa biehmeiseihpazy cha thlahpa chyhsazy châta eima chhopasia tyh.

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

2 KAWRINI 10:10

Thokha ta, “A châpaphaopazy a hri ta, a tha chhao tlô ta, a pôhpa deikua chiehleipa châ ta, a biereipa chhao khâpa hmah châ vei,” eina tah ei.

2 KAWRINI 11:6

Bie reih thai vei hraw sah la, pahnona liata nawh hlei va na. Cha kyh cha hmo to nata kao to tawhta nama hnohta eima palâsa haw.

2 KAWRINI 4:2

Noza chhihpa hmo arulâta tao tyhpazy pahlei pi ta, dôvei hmâh leipa pi ta, Khazohpa bie panano ma pi. Biehmeiseihpa lâhâh ta reih pi ta, Khazohpa mohmô ta chyhsa to chhie nata pha pahnona liata modypa ta eima y tyh.

2 PITY 1:16

Eima Beipa Zisu Krista hmotaotheina nata â vy heih awpa kyh eima cha pahnosa nona kha, phôhpa phichhyhpazy cha chho ma pi. Keimo cha a rônahna a hmôtuhpazy eima châ.