1 KAWRINI 1:13 - Mara Bible RV (BSI)

¹³ Krista cha pachhaihpa ta a y ma? Pawla cha nama châta khaipâpa ta a y ma? Cha vei khiah, Pawla moh ta bâti nama châ ma?

1 KAWRINI 1:13 ပူးပေါင်းရင်းမြစ်များ

MATHAI 28:19

Chavâta sie u la, phopi zydua pachupazy ta tao u la, Paw nata Sawchapawpa nata Thlahpa Pathaihpa moh ta bâti pachâsa u la,

MATHAI 3:6

ama moleinazy palâhâhpa ta Zawdâh chavah liata ano ta bâti pachâsa ei ta.

HMOTAOPAZY 10:48

Chatanachata Zisu Krista moh ta bâti châ awpa ta biepie ta. Cha khai tawhta, noh khazie tlyma châh chy awpa ta a haw ei ta.

HMOTAOPAZY 19:5

Cha bie cha ama thei nahta, Abeipa Zisu moh ta bâti châ ha ei ta.

HMOTAOPAZY 2:38

Pity ta ama hnohta, “Ro u la, nama moleinazy a ngiahthaipa ta a y thei nawpa ta, Zisu Krista moh ta bâti châ chyu teh u. Chatanachata hmosaipiepa, Thlahpa Pathaihpa cha nama hmô aw.

HMOTAOPAZY 8:16

Thlahpa Pathaihpa cha ahy chô liata hmah tlô mâh leipa ta, Abeipa Zisu moh ta bâti a châpa deita châ chy ei ta.

RAWMA 14:9

Krista cha athihpa nata ahrohpa Beipa châ awpa ta, thi ta a hroh heihpa a châ.

1 KAWRINI 1:15

Chavâta ei moh ta bâti nama châ tahpa ahy hmah reih thei veih ei.

1 KAWRINI 10:2

Ama zydua ta meihdo nata tilaipi liata Mawsi hnohta a ngiarihpa ta bâti ama châ.

2 KAWRINI 11:4

Ahy tlyma a vy sala, keimo eima cha chhopa Zisu a châ leipa, Zisu hropa kyh vaw reih sala tlyma; Thlahpa nama topa a châ leipa, thlahpa hropa kyh vaw reih sala tlyma; thâtihpha nama daopa a châ leipa, thâtihpha hropa kyh vaw reih sala tlyma, namâ pyh thlâh ha khiahta cha, a naopa ta dôvei theipa nama châ tahna a châ.

KALATIA 1:7

Thâtihpha hropa y vei. Krista thâtihpha panano ta, cha patypamâ a chhuahpazy ama châ.

EPHESI 4:5

Abeipa pakha, ngiapâna miakha, bâtina miakha nata

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.