1 ABEIZY 9:4 - Mara Bible RV (BSI)

⁴ Nâ chhao, na paw Dâvi hawhta palôh dopa nata siapa phaopa ta ei mohmô liata y la, bie ei cha piepa zydua tao la, ei bieraopazy nata ei pachianazy na zyh khiahta cha,

1 ABEIZY 9:4 ပူးပေါင်းရင်းမြစ်များ

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

ÂTHAONA 20:5

Ano tlai ta, ‘Ei sietanô na a châ’ tah vei ma? Chanô chhao ta, ‘Ei rilâhpa na a châ’ tah hra vei ma? Palôh dopa nata ku pathaihpa ta he hmo he ei taopa a châ,” tah ta.

2 SAMUELA 22:22

Abeipa lâpizy a chhih na ta, Ei Khazohpa a heihsaipa ta moleina hmo tao beih va na.

1 ABEIZY 11:38

Bie ei cha piepa zydua nathliepa ta, ei lâpizy a chhihpa ta, nâ chakaotuhpa Dâvi taopa hawhta, ei bieraopazy nata ei biepiepazy zyhpa ta, ei mohmô liata hmo dopa na tao khiahta cha, na hnohta y aw na ta, Dâvi pathla ei paduapa hawhta, na pathla chhao padua aw na ta, Izarei he ei cha pie aw.

1 ABEIZY 11:4

Sawlawmaw cha a vaw machâ nahta, a lapinôzy ta khazoh hropazy lâta a palôh patleisa ei ta, a paw Dâvi palôh hawhta Abeipa a Khazohpa lâta a palôh tlokhuh hlâ thei khao vei.

1 ABEIZY 11:6

Chavâta Sawlawmaw cha Abeipa mohmô liata hmo pha leipa tao ta, a paw Dâvi taozie hawhta, Abeipa cha tlokhuh ta pazi vei.

1 ABEIZY 14:8

Dâvi pathlazy tawhta khinarâh chhu na ta, nâ ei cha pie. Châhrasala nâ chakaotuhpa Dâvi hawhta y va chi. Ano cha ei biepiepazy a pyh ta, a pathipalôh tlokhuh ta na pazi ta, hmo dopa deita ei mohmô liata a tao tyh.

1 ABEIZY 15:5

Hiti chyhsa Uria kyh tah leipa khata cha, Dâvi kha Abeipa mohmô liata hmo dopa a tao tyhpa châ ta, Abeipa ta bie a piepa kheihawhpa hmah a hro chhôh zydua ta a tleisai beih leipa a châ.

1 ABEIZY 3:14

Na paw Dâvi ta ei lâpizy â chhihpa hawhta, nâ chhao ta ei lâpizy a chhihpa ta, ei bieraopazy nata ei biepiepazy na zyh khiahta cha, na hro ei pasisa aw,” tah ta.

1 ABEIZY 3:3

Sawlawmaw cha Abeipa kyhpachâpa ta, a paw Dâvi bieraopazy zyh ta. Atheihna nata hmohlâpazy deikua cha su sâhpazy liata a tao tyh.

1 ABEIZY 3:6

Sawlawmaw ta, “Châ chakaotuhpa ei paw Dâvi kha na hmiakô liata ngâchhihna, siana nata palôh dopa phaopa ta a y tyhpa vâta, a chô liata ngiachhiena thata na palâsa. Cha ngiachhiena rônah ngaitapa cha a chô liata palâsa pazao chi ta, a beidyuchhai liata a tyuh awpa sawchapawpa chhao tanoh na pie haw.

1 ABEIZY 6:12

“He Achhyna o na sa haipa kyh liata, ei bieraopazy a pyhpa ta, ei ryureinazy a ngiahpa ta, ei biepiepa zydua zyhpa ta nâ chhih khiahta cha, na paw Dâvi hnohta bie ei vaw taih hapazy kha nâma liata ei patlô aw.

1 ABEIZY 8:25

Chavâta Hy Abeipa, Izarei Khazohpa y, châ chakaotuhpa ei paw Dâvi hnohta, ‘Na pathlazy ta ama lâpizy pakhâta ta pachâ ei sala, nâ ta ei lâpi nâ chhihpa hawhna heta, âmo chhao ta ei lâpi amâ chhih lymâ khiahta cha, Izarei beidyuchhai liata ei hmiakô lia a tyuh awpa chyhsa na pathlazy tawhta chie aw veih ei’, tahpa ta bie nâ vaw taihpa kha patlô mah y.

2 ABEIZY 20:3

“Hy Abeipa, na hmiakô liata ngâchhihpa nata palôh phao phapakipa ei hnei tyhzie nata na mohmô liata hmo phapa ei tao tyhzie zy kha, ngiachhiepa ta a thei thlâh ha mah y,” tah ta. Hezekia cha thata cha ta.

2 THÂTIHZYRONA 17:4

a pathlatuhpa Khazohpa tluapa ta, a biepiepazy zyh ta, Izarei maw lâ râh taozie hawhta tao hra vei.

HLAZY 101:2

Phapakipa ta hro ei chhuah aw, Khati ta kei lâ nâ vy aw? Palôh dopa phaopa ta, Ei o liata ei vaw y aw.

HLAZY 128:1

Abeipa chi ta, A lâpi a chhihpazy cha, Ama nohlao na!

HLAZY 15:2

Seina hnei leipa ta hmo dopa a taopa, A palôh liata biedopa a reihpa;

HLAZY 26:1

Hy Abeipa, ei dona hrokhei na ta, Tleisai leipa ta Abeipa ei ngâ hapa vâta, Thai na pachâsa mah y.

HLAZY 26:11

Kei deikua cha, ei dona ta hroh aw na ta, Na chatlai la, na ngiachhie mah y.

HLAZY 78:72

Chatanachata Dâvi cha palôh dopa ta Izarei sawzy vaih ta, Ku zôthaina ta âmo a chhihtha ei.

BIESOZY 10:9

 dopa ta a siepa cha â bohpa ta sie ta, A lâpi a pakosapa deikua cha â lâ thlyu tyh.

BIESOZY 20:7

Mosiapa cha â dona hrokhei lymâ ta, A vaw pazi awpa a pathlazy thlaochhipa ta ama y aw.

BIESOZY 28:18

Adona ta a hrohpa cha pachhapa châ aw ta, A hroziezy adoleipa deikua cha eikhapi ta a pao aw.

EZEKIA 18:9

ei bieraopazy a chhihpa ta, ei ryhpazy ngâchhihpa ta a zyh lymâ khiahta cha, chyhsa siapa châ ta, a hroh tlai aw, Abeipa Zehôvâh ta a tah.

ZEKARIA 3:7

“Pheisaihzy Abeipa ta hetana heta a tah: Ei lâpizy a chhihpa ta, ei biepiepazy na zyh khiahta cha, ei o liata ryurei aw chi ta, ei dôhpachhôh tlyhmia liata chhao biehnei aw chi ta, he liata chakaotuhpazy hry liata su ei cha pie aw.

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

RYHPACHANEINA 28:1

“Abeipa nama Khazohpa ao cha pakhâta ta nathliepa ta, tanoh ta bie ei cha piepa zydua ei he zyhpa ta nama tao khiahta cha, Abeipa nama Khazohpa ta khizaw phopi zydua hlâta chônô viapa ta a cha tao aw ei.