1 ABEIZY 8:56 - Mara Bible RV (BSI)

⁵⁶ “A bietai zydua hawhta, a phopi Izarei sawzy apahâna a pietuhpa Abeipa cha reithaipa ta y mawh sy. A chakaotuhpa Mawsi hmâpa ta a bietai phapa zydua kha, a vaw tlô leipa bie miakha hmahta y vei.

1 ABEIZY 8:56 ပူးပေါင်းရင်းမြစ်များ

2 ABEIZY 10:10

Abeipa ta Ahabâ chhôhkhazy kyh a reipa Abeipa bie cha leilô liata lei cheita aw vei tahpa pahno teh u. Abeipa ta a chakaotuhpa Elaizâh hmâpa ta a reipa kha a vaw patlô ha hih,” tah ta.

1 THÂTIHZYRONA 16:36

Abeipa Izarei Khazohpa cha, Chhâzaw nata tlyzaw ta reithaipa ta y mawh sy!” Chyhsa zydua ta, “Amen!” tah ei ta, Abeipa cha ama reithai.

1 THÂTIHZYRONA 22:9

Pachâ teh, sawchapawpa sa aw chi ta, ano cha adyhna a khohpa a châ aw. A chheipâh râhzy liata a chariah zydua nata a dyryhpa ta paysa aw na ta, apahâna ei pie aw. A moh cha Sawlawmaw châ aw ta, ano daihti liata la, Izarei râh liata thlalôhna nata abohna ei paysa aw.

2 THÂTIHZYRONA 14:6

Râh cha thlalôhpa ta a ypa vâta, thokhy hneipa khihpizy Zudâh râh liata padua ta. Abeipa ta apahâna a piepa vâta, cha kôzy liata chariah a dyuhpa hnei vei.

PUASAINA 18:10

Zetharô ta, “Izi mo ku tawhta nata Phiraoh ku tawhta nâma châ pachhatuhpa nata Izarei sawzy Izi mo ku tawhta a pachhatuhpa Abeipa cha reithaipa ta y mawh sy!

LUKA 21:33

Lei nata vâ a lei aw, ei biezy deikua lei aw vei.

RYHPACHANEINA 12:10

Châhrasala Zawdâh chaka aw ei chi ta, Abeipa nama Khazohpa ta ryuto châta râh a cha piepa liata nama pahrâ tita, nama chheipâh liata nama chariahpa zydua tawhta cha pahâsa aw ei ta, â bohpa ta nama y aw.

RYHPACHANEINA 12:12

Chatanachata nâmo nata nama sawchapawzy, nama sawchanôzy, nama seichapawzy, nama seichanôzy nata nama hry liata tovyuh nata ryuto râh a hnei leipa Livai chi nama khih liata a ypazy chhao, Abeipa nama Khazohpa hmiakô liata thaphapa ta nama y aw.

RYHPACHANEINA 3:20

Abeipa nama Khazohpa ta nama unawhzy a piepa râh, Zawdâh haosâ lâ râh cha nama unawhzy ta pahrâpa ta, Abeipa ta nâmo hawhta apahâna a pie ti ei ta, nâmo cha hnei awpa ta râh ei cha piepa chyu lâ namâ kaw lie aw,’ tah na ta.

1 SAMUELA 3:19

Samuela cha laiseih lymâ ta, a hnohta Abeipa y ta, a bie reipazy leilô liata a pailyupa y vei.