1 ABEIZY 8:47 - Mara Bible RV (BSI)

⁴⁷ sei ta amâ chhina râh liata ama palôh zy ananopa ta, ro ei sala, âmo a patutuhpazy râh liana chata, ‘Hmo vaw parao ha pi ta, â do lei ngaitapa nata molei ngaitapa ta eima vaw tao haw,’ tahpa ta cha hiah ei sala,

1 ABEIZY 8:47 ပူးပေါင်းရင်းမြစ်များ

1 ABEIZY 8:33

“Na phopi Izarei sawzy ta na chô liata ama moleipa vâta, chariah hmia liata nawh ha ei sala, nâ lâ a vaw heih heihpa ta, na moh a châhkheipa ta, he o liata thlahchhâpa ta ama cha hiah tita,

2 THÂTIHZYRONA 6:37

sei ta amâ chhina râh liata ama palôh zy ananopa ta, ro ei sala, sei ama châna râh liana chata, ‘Hmo vaw parao ha pi ta, â do lei ngaitapa nata molei ngaitapa ta eima vaw tao haw,’ tahpa ta cha hiah ei sala,

NEHEMIAH 9:2

Izarei chipathlazy cha chihropazy tawhta a panano ei ta, a duah ei ta, âmo moleinazy nata ama pathlatuhpazy paraonazy palâhâhpa ta reihpha cheih ei ta.

HLAZY 106:6

Keimo nata miah pathlatuhpazy ta molei ha pi ta, Hmo pha leipa taopa ta hmo eima vaw parao haw.

EZEKIA 16:61

Chatanachata na narôzy, na uhta nata na nawhta zy na hmô ti ei ta, na hrozie parohpazy a kaw thei heih aw chi ta, nâmasasyh ta nâ zakhei kaw aw. Âmo cha na sawchanôzy châ awpa ta cha pie na ta, na hnohta biehrai ei taopa chhôh liata deikua a hlao aw veih ei.

EZEKIA 16:63

Na hmotaopa zydua vâta chatlaina ei cha taopa tita, na moleinazy a thei heihpa ta nozaohpa ta y aw chi ta, na nozapa vâta na pakah â khao aw va chi,” Abeipa Zehôvâh ta a tah.

EZEKIA 18:28

A pachâ pasia ta, moleina a vaw tao hapa zydua â heihsai hapa vâta, a hroh tlai awpa a châ; a thi awpa châ vei.

HÂKAI 1:7

“Pheisaihzy Abeipa ta hetana heta a tah: Nama lâpizy pakhâta ta moh teh u.

ZEKARIA 10:9

Phopizy hry liata papai ha hra ei sah la, Lâhla râhzy tawhta nâ thei aw ei ta, Ama sawzy chhaota hroh aw ei ta, Ama vaw kua heih aw.

ZEKARIA 12:10

“Chatawhcha Dâvi pathlazy chô liata nata Zerusale liata a pahrâpazy chô liata ngiachhiena nata zawngiahna thlahpa ei hry aw. Chatanachata ama hriechheih hapa kei he na moh aw ei ta, sawchapaw matlupa mâchhie sapa hawhta keima châta mâchhiesa aw ei ta, sawchapaw uhtheipa pahleipa hawhta thata ama vâ â sâh aw.

1 SAMUELA 7:6

Izarei sawzy cha Mizpâ liata a hmaohpakhy ei ta. Ti thaih ei ta, Abeipa hmiakô liata patlai ei ta, cha noh cha kâhvileipa ta y ei ta. Cha su liana tlai chata, “Abeipa chô liata eima vaw molei haw,” tah ei ta. Samuela cha Mizpâ liana chata Izarei sawzy chô liata ryureih ta.