1 ABEIZY 8:36 - Mara Bible RV (BSI)

³⁶ vârâh tawhta vaw nathlie la, châ chakaotuhpa na phopi Izarei sawzy moleina cha a ngiahthai mah y. Lâpi dopa a chhih awpa ta âmo cha pachu la, ryuto châta na phopi na piepa râh liana he avâ pasuasa heih tyh mah y.

1 ABEIZY 8:36 ပူးပေါင်းရင်းမြစ်များ

1 ABEIZY 18:1

Noh hluhpi a khô tawhta, a kô thôhna kô liata, Abeipa bie Elaizâh hnohta vaw tlô ta, “Sie la, Ahabâ hnohta a kei luah mah y. Alei chô liata avâ ei pasuasa bâ aw,” tah ta.

1 ABEIZY 18:41

Chatawhcha Elaizâh ta Ahabâ hnohta, “Khy la, niepa ta doh mah y, vâkatlâ suah awpa pyu a y ha na,” tah ta.

1 ABEIZY 18:45

Buakha chhôh ta avâ cha thlih nata meihdo ta vaw zoh ta, vâkatlâ vaw suah ta. Ahabâ cha talailih liata kiah ta, Zezari khih lâ sie ha ta.

HLAZY 119:133

Na bie hawhta ei keih chakânazy vaih la, Moleina ta ei chô liata bie a hnei awpa pasaih khah y.

HLAZY 119:33

Hy Abeipa, na bieraopazy lâpi na pachu la, Achhâna taihta ei chhih aw.

HLAZY 143:8

Nâ ei cha ngâpa vâta, Na kyhpachâna tleih beih leipa kyh cha, My ta na patheisa tyh mah y. Nâ lâta ei thlahpa a chaluahpa ei châpa vâta, Ei sie nawpa lâpi na pahnosa tyh mah y.

HLAZY 25:12

Abeipa a chipa chyhsa cha ahy ma a châ? Cha chyhsa cha lâpi â chhih awpa a pahmô aw.

HLAZY 25:8

Abeipa cha aphapa nata adopa châ ta, Chavâta moleipazy lâpi a pahmô tyh ei.

HLAZY 27:11

Hy Abeipa, ei chariahpazy vâna heta, Na lâpi na pachu la, Lâthlôh a raihpa liata nâ chhi mah y.

HLAZY 32:8

“Na sie nawpa lâpi chhopa ta cha pachu aw na ta, Ei mo ta cha tawpâpa ta ryh ei cha raopa aw.

HLAZY 5:8

Hy Abeipa, ei chariahpazy vâta na siana liata nâ chhi la, Ei hmiakô liata na lâpi patlâsa mah y.

HLAZY 68:10

Na sahlaozy cha liata pahrâ ei ta, Hy Khazohpa, na phana ta dyhchhiepazy na pasa ei.

HLAZY 68:9

Hy Khazohpa, khihti phapa vaw tuah chi ta, Na ryuto a panao hapa na paduapathi heih.

HLAZY 86:11

Hy Abeipa, na biehmeiseihpa liata ei y thei nawpa ta, Na lâpi na pachu la; Na moh ei chi thei nawpa ta, Palôh a ipa na pie mah y.

HLAZY 94:12

Hy Abeipa, na chhoreipa chyhsa cha nohlao ta, Na ryhpa na pachupa chyhsa chhao a nohlao na.

ISAI 30:21

Chachâh lâ tlyma, chavei lâ tlyma, namâ heih nahta, nama nahzy ta, “He he lâpi a châ hih, he lâpi he a chhih teh u,” tahpa ta, nama hnôh lâ tawhta bie a vaw puapa nama thei aw.

ISAI 35:8

Cha liata lâlai y aw ta, Pathaihna Lâpi tahpa a châ aw; Pathaihna lâpi a chhihtuhpazy châta châ aw ta, Pathaih leipazy ta a chhih aw veih ei; Moleipa ahrupazy chhao, Cha liata sie aw veih ei.

ZEREMIAH 14:22

Pho hropa khazohzy hry liata, Avâ a pasuasa theipa ama y ma? Avâzy khi ta avâ ama pasuasa thei ma? Hy Abeipa eima Khazohpa, Avâ a pasuasa theipa cha nâ deita châ va chi ma? He hmo zydua he nâma taopa a châpa vâta, Nâma lia deita ta eima hnabeiseihna a y.

ZEREMIAH 42:3

Chavâta Abeipa na Khazohpa ta eima si nawpa lâpi nata eima tao awpa hmozy miah a pahmô thei nawpa ta, thlah miah chhâpa mah y,” tah ei ta.

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

ZÔELA 2:23

“Hy Zaio sawzy saih u, Thaphapa ta y u la, Abeipa nama Khazohpa liata a ly teh u. Namâ dona palâsa nawpa ta, Abeipa ta khihti hmiatuapa cha pie ei ta, Nama châta khihti a paphasa ha hih; Hlâno daihti hawhna khata, Khihti hmiatuapa cha pie heih ei ta, Khihti hnôh chaipazy a cha pie heih ei hih.

MIKÂ 4:2

Zaio tawhta ryhpa bie pua aw ta, Zerusale tawhta Abeipa bie a pua aw; Chavâta phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; Chatanachata a lâthlôhzy miah pachu aw ta, A lâpizy eimâ chhih thei aw,” Ama tah aw.

MATHAI 22:16

Ama pachupazy nata Herawda py liata chyhsazy ano lâ tuah ei ta, âmo ta a hnohta, “Pachutuhpa, chyhsa dopa na châpa pahno pi ta, Khazohpa lâpi â dopa ta pachu chi ta, chyhsa pachâna la hlei leipa chi ta, chyhsa pôraoh nata hmisâ zy moh va chi tahpa eima pahno.

1 SAMUELA 12:23

Cha dei châ vei, nâmo châta thlah ei chhâ leipa vâta Abeipa chô liata ei molei awpa cha, kei ta la tao cheita aw va na. Lâpi phapa nata lâpi dopa tlao ei cha pahmô lymâ aw ei.