1 ABEIZY 8:3 - Mara Bible RV (BSI)

³ Izarei machâ zydua a vy ei ta, theihthaipazy ta Byh cha a sy ei ta.

1 ABEIZY 8:3 ပူးပေါင်းရင်းမြစ်များ

2 SAMUELA 6:12

“Kha­zohpa Byh vâta Ôbededô chhôhkha nata a hneipa zydua Abeipa ta byhnâ a pie,” tahpa ta Bei Dâvi cha chho ei ta. Chavâta Dâvi cha sie ta, Khazohpa Byh cha Ôbededô o tawhta Dâvi khihpi lâ a ly ngaitapa ta za phaoh ta.

1 ABEIZY 8:6

Chatanachata theihthaipazy ta Abeipa Bieh­rai Byh cha, Achhyna o chhôh supathaihpa liata a y nawpa su liata a ngiakhei ei ta, Cherubi mathlawzy ry liata Su Pathaih Chaipa liata soh ei ta.

1 THÂTIHZYRONA 15:2

Dâvi ta, “Khazohpa Byh he Livai pathla dei leipa ta cha, ahy ta hmah amâ sy awpa châ vei. Âmo cha Khazohpa Byh chhâzaw ta a sytuhpa nata ano chakaotuhpa châta Abeipa ta a rao ei,” tah ta.

MALUHREINA 4:15

“Arawna nata a sawchapawzy ta supathaihpa nata supathaihpa hmobaoh zydua ama khu khai tawhta, riehmo a pasie awpa a châ tita, Kôhâ pathlazy ta supathaihpa nata a hmobaohzy cha amâ sy tyh aw. Hmo pathaihpazy deikua ama hria awpa châ vei. Chataleipatala ama thi pathlei aw. Chazy cha Kôhâ sawchapawzy ta ahmaohna poh o liata ama chakaona rai hria awpazy a châ.

MALUHREINA 7:9

Kôhâ pathlazy deikua cha, hmo pathaihpazy mohôhna chakaona raihria ama tovyuh châ ta, hmo pathaihpazy a sy awpa ama châpa vâta, talailih nata viahchao tôhpazy pie vei.

RYHPACHANEINA 31:9

Mawsi ta ryhpa cha roh ta, Abeipa Biehrai Byh a sytuhpa Livai sawchapaw theihthaipazy nata Izarei machâzy hnohta pie ta.

ZAWSUA 3:3

Zawpizy cha biepie ei ta, ama hnohta, “Theihthaipa Livai chizy ta Abeipa nama Khazohpa Biehrai Byh amâ sypa nama hmôpa nahta, nama yna su tawhta a pasie aw ei chi ta, Byh cha nama pazi aw.

ZAWSUA 3:6

Zawsua ta theihthaipazy hnohta, “Biehrai Byh a sypa ta, zawpi hmia lâta sie u la, Zawdâh chaka teh u,” tah ta. Chatanachata theihthaipazy ta Biehrai Byh cha a sy ei ta, zawpi hmia lâta sie ei ta.

ZAWSUA 4:9

Alô miahrawh hleino cha, Zawsua ta Biehrai Byh asytuhpa theihthaipazy aduana su, Zawdâh chavah liah khophie liata bô ta, chazy cha tanoh taihta a y thlâh haw.

ZAWSUA 6:6

Nunâ sawchapawpa Zawsua ta theihthaipazy aw ta, ama hnohta, “Biehrai Byh he a sy u la, theihthaipa pasari ta Abeipa Byh hmia lâta mietaku tôhpa ki chiahmie miasari chabapa ta ama sie aw,” tah ta.