1 ABEIZY 8:21 - Mara Bible RV (BSI)

²¹ Cha liata Abeipa ta miah pathlatuhpazy Izi râh tawhta â chhi papua nota ama hnohta bie a hraipa, Abeipa biehrai yna Byh y nawpa su ei tao haw,” tah ta.

1 ABEIZY 8:21 ပူးပေါင်းရင်းမြစ်များ

1 ABEIZY 8:9

Lôphia miano tah leipa ta cha, Byh chhôh liata hmo hropa khâpa hmah y vei. Cha lôphiazy cha Izi râh tawhta ama kaw pua nota, Abeipa ta Izarei sawzy hnohta bie a hraina su Hôribâ Tlâh liata Mawsi ta a khôpazy a châ.

1 THÂTIHZYRONA 22:19

Tahmâ nama pachâna nata nama palôh cha Abeipa nama Khazohpa padona lâta pahei u la, thyu u la, Zehôvâh Khazohpa supathaihpa cha sa muh vy. Chatanachata Abeipa Biehrai Byh nata Khazohpa hmobaoh pathaihpazy cha Abeipa moh châta sapa o liata a ngiakheipa a châ aw,” tah ta.

PUASAINA 24:8

Mawsi ta thisaih la ta, zawpizy chô liata thia ta, ama hnohta, “Moh teh u, he he biehrai thisaih a châ. Abeipa ta he bie zydua hmâpa ta nama hnohta bie a hraih haw,” tah ta.

PUASAINA 34:28

Mawsi cha, cha liata Abeipa hnohta noh sypalih nata zâ sypalih y ta, pati rai nie leipa ta, ti chhao doh vei. Chatanachata Abeipa ta Biepiepa Miahrawh biehrai biezy cha lôphiazy liata roh ta.

RYHPACHANEINA 31:26

“Ryhpa châbu he la u la, nama paraona pahnokheituhpa châta Abeipa nama Khazohpa Biehrai Byh kâ lâta soh teh u.

RYHPACHANEINA 9:11

Noh sypalih nata zâ sypalih a tloh nahta, Abeipa ta bie rona lôphia miano, biehrai lôphiazy cha na pie ta.

RYHPACHANEINA 9:9

Bie rona lôphiazy, Abeipa ta nama hnohta bie a hraina biehrai lôphiazy la awpa ta tlâh lâ ei khy nota, noh sypalih nata zâ sypalih tlâh liata y na ta, viahchhâ rai nie leipa na ta, ti chhao doh va na.