1 ABEIZY 8:20 - Mara Bible RV (BSI)

²⁰ Abeipa ta a bietai cha tahmâ a patlô haw. Abeipa ta bie â vaw taipa hawh tlai ta, ei paw Dâvi su liata kei a duahpa ta, Izarei beidyuchhai liata a tyuh na ta, Abeipa, Izarei Khazohpa moh châta o cha ei sa haw.

1 ABEIZY 8:20 ပူးပေါင်းရင်းမြစ်များ

2 SAMUELA 7:12

Na hro chhôh kôzy a kipa ta, châ pathlatuhpazy hnohta nâ zia tita, nâma châ thla awpa na pathla, na chhôh tawhta a puapa cheingei, cha paduapa aw na ta, â beinarâh ei pa-i aw.

1 ABEIZY 1:48

Chatawhcha abei ta, ‘Abeipa, Izarei Khazohpa cha reithaipa ta y mawh sy! Ei beidyuchhai liata a tyuh awpa tanoh rao ha ta, ei mo tlai ta ei hmô haw,’ tahpa ta a rei pâ cheingei,” tah ta.

1 ABEIZY 8:15

Sawlawmaw ta, “Ei paw Dâvi hnohta a pakah ta bie a taih ta, a ku ta a bietai a patlôtuhpa Abeipa, Izarei Khazohpa cha reithaipa ta y mawh sy!

NEHEMIAH 9:8

Na hmiakô liata a palôh ngâchhihpa ta hmô chi ta, chatanachata Kâna mo, Hiti mo, Amawri mo, Perizi mo, Zebu mo nata Kikâsi mozy râh cha a pathlazy pie awpa ta, a hnohta biehrai na tao. Nâ cha asiapa châ chi ta, na bietai a patlôpa na châ.

HLAZY 138:2

Nâma Achhyna o pathaihpa lâ a heipa ta a bôh na ta, Na zawngiahna nata ngâchhihna vâta, Na moh reithai aw na ta; Hmo to zydua hlâta na moh nata na bie na cheihchalo viapa vâta, Na moh ei reithai aw.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

EZEKIA 12:25

Kei he Abeipa châ na ta, ei bie rei awpa cha reih aw na ta, taopa a châ aw. Hy saw chhorupazy saih u, hawh khao leipa aw na ta, nama hro chhôh tlai ta bie reih aw na ta, ei tao aw, Abeipa Zehôvâh ta a tah,” tah ta.

EZEKIA 37:14

Nama chhôh liata ei Thlahpa soh aw na ta, hroh aw ei chi ta, nama râh lia tlai ta ei cha pahrâsa aw ei. Chatanachata kei Abeipa heta reih ha na ta, ei tao tlai aw tahpa nama pahno aw,” Abeipa ta a tah.

MIKÂ 7:20

Miah pathlatuhpazy hnohta Hlâno tawhta bie nâ vaw taih hapa hawhta, Zakaw chô liata ngâchhihna palâsa aw chi ta, Abarahâ chô liata kyhpachâna tleih beih leipa na palâsa aw.

HMOTAOPAZY 7:47

Khazohpa o cha Sawlawmaw ta tlao sa ta.

RAWMA 4:21

Khazohpa cha a bietai hawhta a tao thei tahpa khâchâ a ngiapâ ta.

PHILIPI 1:6

Nâmo liata raihria phapa a pathaotuhpa khata, Zisu Krista noh liata a pangoh aw tahpa ei ngiapâ.

ZAWSUA 21:45

Izarei phopi hnohta Abeipa bietai phapa zydua miakha hmah a tlô leipa y vei. A zydua ta a tlô paki khai haw.