1 ABEIZY 8:1 - Mara Bible RV (BSI)

¹ Sawlawmaw ta Abeipa Biehrai Byh cha, Dâvi khihpi Zaio tawhta la papua awpa ta, Izarei pathla chhituhpa zydua, Izarei machâzy nata Izarei chi hyutuhpa zydua cha, Bei Sawlawmaw hmiakô liata a luah awpa ta Zerusale liata awpakhy ta.

1 ABEIZY 8:1 ပူးပေါင်းရင်းမြစ်များ

2 SAMUELA 6:6

Nakô sawhri ama tlô nahta, viahchao tôhpazy amâ chapiapa vâta, Uza ta Khazohpa Byh cha pazapa ta patu ta.

1 ABEIZY 2:10

Dâvi cha a pathlatuhpazy hnohta a mô ta, Dâvi khihpi liata pabu ha ei ta.

1 ABEIZY 3:15

Sawlawmaw cha a vaw hra ta, a mâ vaw châ ta. Chatawhcha Zerusale lâ vawh ta, Abeipa Biehrai Byh hmiakô liata a duah ta, raopa hlânazy nata aryhna hlânazy hlâ ta, a chakaotuhpa zydua châta kyhchhi a taopa ei.

1 THÂTIHZYRONA 11:7

Dâvi cha thokhy chhôh liata pahrâ ta, chavâta cha khihpi cha Dâvi khihpi tahpa a châ.

1 THÂTIHZYRONA 15:25

Chatanachata Dâvi nata Izarei machâzy nata pheisaih sâh kha hyutuhpazy ta Ôbededô o liata a ypa Abeipa Biehrai Byh cha la awpa ta, thapha ngaitapa ta zu ei ta.

1 THÂTIHZYRONA 15:29

Abeipa Biehrai Byh cha Dâvi khihpi a kaw ngia ta. Sawla sawchanô Mikâli cha opy tawhta vaw sai ta, Bei Dâvi cha thapha ngaitapa ta a lâpa kei hmô ta, a palôh ta zakhei kaw ta.

1 THÂTIHZYRONA 15:3

Dâvi ta Abeipa Byh cha kei la ta, a so nawpa su â chhuanohpa liata so awpa ta, Zerusale liata Izarei saw zydua cha awpakhy ta.

1 THÂTIHZYRONA 28:1

Dâvi ta Izarei hyutuhpa zydua, chi hyutuhpazy, bei chakaotuhpa py hyutuhpazy, pheisaih sâh kha hyutuhpazy, pheisaih za kha hyutuhpazy, bei nata a sawchapawzy hmohneipa nata sahroh mohôhtuhpa zydua, pasaiphazy nata a dyuh thaipa pheisaih zydua Zerusale liata awpakhy ta.

2 THÂTIHZYRONA 30:1

Hezekia ta Izarei nata Zudâh râh zydua liata chyhsa tuah ta, Epharai nata Manase chizy lâ chhao châ paphao ta, Abeipa, Izarei Khazohpa lâta Zawpakhô kyhchhi chay awpa ta, Zerusale liata Abeipa o lâ a vy khai awpa ta bie papua ta.

EZRÂ 3:1

Thla sarina vaw tlô ta, Izarei sawzy ama khih chyu liata ama pahrâ khai nahta, zawpizy reihkha tlapa ta Zerusale liata a hmaohpakhy ei ta.

HLAZY 102:21

Chatanachata Zaio liata Abeipa moh phuah aw ei ta, Zerusale liata ano reithaina ama phuah aw.

HLAZY 9:11

Zaio beidyuchhai liata a tyuhpa, Abeipa lâ reithaina hla sa u la; Phopizy hnohta a hmotaopazy chho teh u!

ISAI 28:16

Abeipa Zehôvâh ta hetana heta a tah: “Moh teh u, Zaio liata alô bô na ta, Alô pasia chiehpa a châ; A ki liata alô sôhpa châ ta, Abôna a ipa a châ: ‘A ngiapâpa maih a chalyu aw veih ei.’

ISAI 46:13

Ei siana vaw pahniasa hai na ta, A hla khao vei; Ei pachhana chhao, Bohpi châ khao aw vei. Zaio liata pachhana patlôsa aw na ta, Izarei liata ei rônahna ei paysa aw.”

MALUHREINA 1:4

Chi kha tawhta pakha lymâ ta, chi hyutuhpazy ta ama cha bao aw.

ZAWSUA 23:2

Zawsua ta Izarei machâ, chhituhpa, ryureituhpa nata hyutuhpa zydua awpakhy ta, ama hnohta, “Kei cha machâ ha na ta, kô uhthei ngaitapa ei châ ha hih.

ZAWSUA 24:1

Zawsua ta Izarei chi zydua cha Sekhe liata pahmaoh ta, Izarei machâzy, chhituhpazy, ryureituhpazy nata hyutuhpazy awpakhy ta. Khazohpa hmiakô liata a luah chyu ei ta.

1 PITY 2:6

Chavâta Biehrai liata, “Moh teh u, Zaio liata alô paryh na ta, Ano cha a ki liata alô sôhpa nata atlyhpa châ ta; Ahy rai ano a ngiapâpa cha, Maophyuh aw vei,” tahpa ta ropa a châ.