1 ABEIZY 7:7 - Mara Bible RV (BSI)

⁷ Beidyuchhai Aikah tao ta, he he ryurei nawpa su a châpa vâta, Ryureina Aikah tahpa ta awpa a châ. Cha cha siphiah tawhta palaih taihta sidy tho ta khupa a châ.

1 ABEIZY 7:7 ပူးပေါင်းရင်းမြစ်များ

1 ABEIZY 3:28

Izarei saw zydua ta abei ta bietluna a taozie cha thei ei ta, ryureina dopa siekhei nawpa ta Khazohpa sona a chô liata a ypa ama hmôpa vâta, abei cha chi ngaita ei ta.

1 ABEIZY 3:9

Chavâta châ chakaotuhpa he, na phopi chô liata ryu ei rei thei nawpa ta sona na pie mah y. Chatanachata a chhiepa nata a phapa ei pahrua thei aw. He tlu ta a hluhpa na phopi chô liana he ahy ma ryu a reih thei aw?” tah ta.

1 ABEIZY 6:3

Achhyna o hmia lâta aikah cha, o hâ nata pakhopa ta, a hâ lâ dy kih châ ta, a doh lâ dy hrawh a châ.

HLAZY 122:5

Cha liata ryureina beidyuchhaizy patyupa châ ta, Dâvi pathla beidyuchhaizy patyupa a châ.

BIESOZY 20:8

Ryureina beidyuchhai liata a tyuhpa abei cha, A mo ta hmo pha leipa zydua a pahrua tyh.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.