1 ABEIZY 7:29 - Mara Bible RV (BSI)

²⁹ A tlâhzy ta patusapa dawhphiazy liana cha chakeibarôhneipazy, viahchao tôhpazy nata cherubi nothlahpazy a choh ta, chakeibarôhneipazy nata viahchao tôhpazy chô lâ nata ry lâ ta a tlâhzy liata pawpi nothlahpazy taopa a châ.

1 ABEIZY 7:29 ပူးပေါင်းရင်းမြစ်များ

ÂTHAONA 3:24

Chyhsapa a papua khai tawhta, hrona tho lâpi vaih awpa ta, cherubizy nata meipaleih zaozi a pahieh ngâpa cha, Idâh sadô nochhi lâta soh ha ta.

1 ABEIZY 6:27

Cherubizy cha Achhyna o chhôh chaipa liata soh ta. Cherubizy cha ama mathlaw pakai ei ta, miakhapa mathlaw ta pâhchhô hiakha lâ hria ta, ahropa mathlaw ta pâhchhô hiakha lâ hria hra ta, ama mathlawzy cha Achhyna o liah khophie liata amâ tyh.

1 ABEIZY 7:25

Tipâh cha viahchao tôhpa pô hrawh hleino chô liata patyupa châ ta, pô thôh maw lâ a heih ta, pô thôh notla lâ a heih ta, pô thôh chho lâ a heih ta, pô thôh nochhi lâ â heih. Viahchao tôhpazy chô liana chata tipâh cha patyupa châ ta, a chhôh lâ ama chao ama chhy khai.

1 ABEIZY 7:28

He he patyuna taonazie a châ: dawhphiazy y ta, dawhphiazy cha a tlâhzy ta patusapa a châ.

1 ABEIZY 7:30

Patyuna to ta dawh tiaki miapalih nata dawh lâhreizy hnei ta, a ki palihzy liata biebuh ahniehnazy y ta, ahniehnazy cha a kâ to liata pawpi nothlahpazy taopa ta leihpa a châ.

PUASAINA 25:18

Ngôh ta cherubi miano daih aw chi ta, zawngiahna dyuchhai nata pazaopa ta, a kâ chavei chachâh ta a y awpa a châ.

PUASAINA 37:7

Cherubi miano ngôh ta tao ta, zawngiahna dyuchhai a kâ chavei chachâh liata a daih ta daihpa ta a tao.

EZEKIA 1:10

Ama papalih ta ama hmia lâ cha chyhsapa hmia phaoh ei ta, ama chachâh lâta chakeibarôhneipa hmia phaoh ei ta, ama chavei lâta viahchao tôhpa hmia phaoh ei ta, ama hnôhky lâta pahmôhpi hmia ama phaoh.

EZEKIA 10:14

Cherubizy cha hmia miapalih chyu hnei ei ta, hmia khana cha cherubi hmia châ ta, hmia nona cha chyhsapa hmia châ ta, hmia thôhna cha chakeibarôhneipa hmia châ ta, hmia palihna cha pahmôhpi hmia a châ.

HÔSIA 5:14

Epharai châta chakeibarôhneipa hawhta châ aw na ta, Zudâh châta chakeibarôhneipa lochopa hawhta ei châ aw. Kei, keima tlai ta hriechheih aw ei na ta, Ei sie ha aw; Siekhei aw ei na ta, A pachha awpa y aw veih ei.

HEBRAI 9:5

A chô lâta cherubi rônahpazy y ei ta, chazy chata zawngiahna dyuchhai ama khu. Cha kyhzy cha tahmâ â kipa ta reih thei mâh ma pi.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.

BIEPHUAH 5:5

Chatawhcha machâ pakha ta ei hnohta, “Cha khao khah y, moh teh, Zudâh chi chakeibarôhneipa, Dâvi Thari ta, châbu chatypa pahy awpa nata a chahnaona miasari pathlâ awpa ta a pahnie haw,” tah ta.