1 ABEIZY 7:16 - Mara Bible RV (BSI)

¹⁶ Dawh tôhzy pawhmao liata pataoh awpa ta, dawh leihpa lubyuhpa miano, dy pangawh raihrie a sâhpa ta a tao.

1 ABEIZY 7:16 ပူးပေါင်းရင်းမြစ်များ

1 ABEIZY 7:15

Hirâ ta Dawh tôh miano â khopa ta leih ta, he dawh tôhzy he â sâhna lâ dy hrawh hleicharie châ ta, dy hrawh hleino â hlôpa a châ. A karyhpa ta taopa châ ta, zô palih a chha.

1 ABEIZY 7:17

Dawh tôh pawhmao liata lubyuhpa cha dawh sao ta khupa châ ta, dawh sao miakha cha dawh bâlia miasari ta chapaipa a châ. Lubyuhpa miakha châta dawh sao miakha lymâ a tao.

PUASAINA 36:38

A baina chhaopa chhikao pohraipa tôh miapangawh tao ta, a tôh lubyuhpazy nata a patusanazy cha ngôh ta pahu ta, a patyuna miapangawh deikua cha dawh a châ.

PUASAINA 38:17

A tôh patyunazy dawh châ ta, a tôh liata a bainazy nata a patusanazy cha tâkâ châ ta, a lubyuhpazy tâkâ ta pahupa a châ. Achhyna byureih dôhpachhôh tlyhmia tôh zydua cha, tâkâ tlâhzy ta patusapa a châ.

PUASAINA 38:19

A tôh miapalih y ta, a tôhzy patyuna miapalih y ta, dawh ta taopa a châ. A tôhzy liata a bainazy cha tâkâ ta taopa châ ta, a lubyuhpazy nata a patusanazy chhao tâkâ ta pahupa a châ.

PUASAINA 38:28

Sekel 1,775 hmâpa ta, a tôh liata a bainazy tao ta, a lubyuhpa zy cha tâkâ ta pahu ta, a patusanazy a tao.

ZEREMIAH 52:22

A pawhmao liata dawh lubyuhpa y ta, lubyuhpa cha dy pangawh â sâh. Dawh lubyuhpa cha dawh sao nata pawmikarânâ nothlahpazy ta pahlypa a châ. Atôh mianona chhao, cha hawhta taopa châ ta, pawmikarânâ nothlahpazy a hnei hra.