1 ABEIZY 7:14 - Mara Bible RV (BSI)

¹⁴ Hirâ cha Nâthalai chi nôhmei sawchapawpa châ ta, a paw cha Tyre khihpa, dawh a daih thaipa a châ. Sona nata novâhna ta a biepa chyhsa châ ta, dawh daina kyh liata kheihawhpa rai a tao thaipa, zôthai ngaitapa a châ. Hirâ cha Bei Sawlawmaw lâ a vy ta, a rai zydua a hriapa lymâ.

1 ABEIZY 7:14 ပူးပေါင်းရင်းမြစ်များ

2 THÂTIHZYRONA 2:14

A nô cha Dânâ zuah châ ta, a paw deikua cha Tyre khihpa a châ. Ngôh, tâkâ, dawh, thua, alô, poh saihdôhpa, nohpa, saihlawpa nata pala rih dipa zy a hria thaipa châ ta, hmo to a khie thaipa nata a tao thaipa a châ. Na chyhsa zôthaipazy nata ei zibeipa, na paw Dâvi zôthaipazy hry liata a hria hra aw.

2 THÂTIHZYRONA 2:6

Châhrasala Zehôvâh Khazohpa cha avâ liata â tlôh leipa ta, avâ a sâh chaipa liata chhao â tlôh leipa châ tlôh ta, ahy ma a y nawpa o a sapa thei aw? A hmiakô liata atheihna hlâna rao nawpa châta tah leipa ta cha, kei bao hra heta o cha ei sapa thei aw ma?

2 THÂTIHZYRONA 4:11

Hirâ ta beihzy, buchâh linazy nata biebuhzy tao hra ta. Chatanachata Hirâ ta Khazohpa o sana liata Bei Sawlawmaw châta a tao awpazy cha patlô ta.

2 THÂTIHZYRONA 4:16

Beihzy, buchâh linazy, sa thaonazy nata a hmobaoh zydua cha, Hurâmabi ta Abeipa o châta dawh patliepa ta Bei Sawlawmaw châta a tao.

PUASAINA 28:3

Sona thlahpa ta ei pabiepa zôthaipa zydua hnohta Arawna chysia taopa awpa ta chho aw chi ta, chatanachata Arawna cha pathaisapa ta y aw ta, kei châta theihthaipa chakaona rai a hria thei aw.

PUASAINA 35:30

Mawsi ta Izarei sawzy hnohta, “Pachâ teh u, Abeipa ta Zudâh chi Hurâ sawchapawpa Uri sawchapawpa Bezale cha a moh tlai ta aw ta.

PUASAINA 35:31

Ano cha sona, novâhna, pahnona nata zôthaina tozy hnei awpa ta Khazohpa Thlahpa ta pabie ta.

PUASAINA 35:35

Âmo cha rai zydua hria thai awpa ta palôh sona ta pabie ta, tho nata lô khie thaina, phorâ thaina, pala nohpa, saihdôhpa, saihlawpa nata pala rih dipa pabaohpazy ta kiky zei thaina nata poh sa thaina zy ama hnohta pie ta, rai to hria thaina nata zôthaina ta a tobi ei.”

PUASAINA 36:1

Chatawhcha Mawsi ta, “Supathaihpa liata rai to hria thai nawpa ta Abeipa ta sona nata novâhna a piepa Bezale, Ôhôliaba nata chyhsa zôthaipa zydua ta Abeipa biepiepa zydua ama hria awpa a châ,” tah ta.

PUASAINA 36:8

Raihriatuhpazy hry liata zôthaipa zydua ta achhyna byureih cha pohraipa miahrawh a hneipa ta tao ei ta. Cha pohraipazy cha pala rih dipa pabaohpa nata pala nohpa, saihdôhpa nata saihlawpa zy hmâpa ta taopa châ ta, zôthaipazy ta zôpha kawpa ta ama taopa cherubi nothlahpazy pachohsapa a châ.

ISAI 28:26

Leipalietuhpa cha a Khazohpa ta a phapa ta pachu ta, A taozie dopa a chho khai hapa a châ.