1 ABEIZY 6:7 - Mara Bible RV (BSI)

⁷ Alô chaona su liata khai chiehpa alôzy ta Achhyna o cha sapa a châ. Chatanachata o sa chhôh zydua ta, syulô pyu, ahrei pyu nata thua chhaichhi pyu kheihawhpa hmahta Achhyna o liata thei awpa y vei.

1 ABEIZY 6:7 ပူးပေါင်းရင်းမြစ်များ

1 ABEIZY 6:6

A ry chai chhâh cha dy pangawh kawh ta, a liah chhâh dy charu kawh ta, a chhâh thôhna cha dy sari a kawh. Pâhchhô liata pâhchhô tlâhzy chahraoh byuh lei awpa ta, pâhchhô patusanazy khôtho liata a tao.

1 ABEIZY 6:8

A ry chai chhâh chhikao cha Achhyna o chho lâchhâh ta y ta, cha tawhta a liah chhâh lâ kiana nata a liah chhâh tawhta chhâh thôhna lâ kiana kahmizy a y.

PUASAINA 20:25

Alô maisâh eina taopa khiah chi ta cha, alô khaipa ta na tao awpa châ vei. Alô khaipa ta na tao khiahta cha, na chhaichhi na hmâpa ta maisâh cha a papuapalei aw.

BIESOZY 24:27

Khôtho lâta na rai a chhuanoh la, Lyu liata na raizy a ngoh tawhta, Na o cha sa mah y.

ISAI 42:2

Ao paropa ta awh leipa aw ta, A ao ki pasâh hra leipa aw ta, Khiliah awhsâh châ aw vei.

HMOTAOPAZY 9:31

Chatanachata Awnanopa sahlaozy cha Zudia râh, Kâlili râh nata Samâri râh zydua liata a i via rilipa ta, thlalôhpa ta y ei ta. Abeipa china liata nata Thlahpa Pathaihpa thlapalôhna liata hroh ei ta, ama pôh via lymâ.

RAWMA 9:23

Ngiachhiena beihzy chô liata a rônahna palâsa nawpa ta, cha hmo cha Khazohpa ta a rônahna châta â chhuanoh chhielie hapa châ sala, khâpa a pei aw?

2 KAWRINI 5:5

Cha châta miah pachhuapanohtuhpa cha Khazohpa châ ta, a bietai pa-i nawpa ta a Thlahpa miah a pie.

KAOLAOSÂ 1:12

Chatanachata khaihna khinarâh liata mopathaihpazy ryutolâhpa châ awpa ta châ patlohsatuhpa Paw hnohta alyna bie nama reih thei aw.

ZÂMIE 1:20

Chyhsapa hiehâhna ta Khazohpa siana palâsa vei.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.