1 ABEIZY 6:13 - Mara Bible RV (BSI)

¹³ Izarei sawzy hry liata pahrâ aw na ta, ei phopi Izarei he siesai aw va na,” tah ta.

1 ABEIZY 6:13 ပူးပေါင်းရင်းမြစ်များ

1 ABEIZY 8:27

“Châhrasala Khazohpa cha alei chô liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha nâ tlôh lei pachai aw dia!

1 THÂTIHZYRONA 28:20

Chatawhcha Dâvi ta a sawchapawpa Sawlawmaw hnohta, “Thatlôpa nata riahphapa ta y la, hria mah y. Chi leipa la, a ngiaroh khah y, Zehôvâh Khazohpa, ei Khazohpa tlai cha na hnohta a y mâh tâh. Abeipa o raihria zydua patlô khaipa a châ hlâlei, cha siesai leipa aw ta, cha pathlua aw vei.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

HLAZY 68:18

Hy Zehôvâh Khazohpa, Chô lâ na kia nota, Patupazy cha sei ta a chhi chi ta; Cha liata na pahrâ thei nawpa ta, Chyhsazy tawhta hmopiepazy daopa ta, Dyuhtuhpazy tawhta chhao na daopa kha.

PUASAINA 25:8

Supathaihpa na taopa mawh ei sy, chatanachata ama hry liata ei pahrâ aw.

PUASAINA 29:45

Izarei sawzy hry liata pahrâ aw na ta, ama Khazohpa ei châ aw.

ISAI 57:15

Moh chônôpa nata cheihchalopa ta hetana heta tah ta, Tlyzaw ta a ypa, a moh Pathaihpa bipa ta hetana heta a tah: “Areisipazy thlahpa pahra ta, Angiapachhipazy palôh pahra awpa ta, Kei he su sâhpa nata su pathaihpa liata pahrâ na ta, Angiapachhipa nata areisipazy hnohta ei pahrâ.

THEIHTHAINA 26:11

Nama hry liata ei byureih soh aw na ta, ei hro ta châ hao aw veih ei.

2 KAWRINI 6:16

Khazohpa Achhyna o nata nothlahpazy ta khâpa aryhna ama hnei? Keimo he Khazohpa hrohpa Achhyna o cha eima châ, Khazohpa ta, “Ama hry liata pahrâ aw na ta, Ama hnohta ei charei aw; Ama Khazohpa châ aw na ta, Ei phopi ama châ aw,” a tahpa hawhna khata.

RYHPACHANEINA 31:6

Thatlôpa nata riahphapa ta y u la, âmo cha chi leipa u la, thlazohpa ta y hra khuh vy. Nama hnohta a siepa cha Abeipa nama Khazohpa châ ta, cha my leipa aw ei ta, cha pathlua aw veih ei,” tah ta.

RYHPACHANEINA 31:8

Abeipa nama hmia lâta sie aw ta, nama hnohta y aw ta, cha siesai beih leipa aw ei ta, cha pathlua beih aw veih ei. Chi leipa u la, a ngiaroh hra khuh vy,” tah ta.

HEBRAI 13:5

Nama hro cha tâkâ sôh tlaichhaina a hlao leipa châ sala, nama hneipa rakha liata palôhtlâh a pao muh vy. Abeipa ta, “Cha pathlua beih leipa aw ei na ta, cha siesai beih aw veih ei na,” a tah.

ZAWSUA 1:5

Na hro chhôh zydua ahy ta hmah cha pahnie thei aw veih ei. Mawsi hnohta ei ypa hawhna khata, na hnohta ei y hra aw. Cha siesai leipa aw na ta, cha pathlua aw va na.

BIEPHUAH 21:3

Beidyuchhai tawhta ao paro ngaitapa ta, “Moh teh u, Khazohpa pahrâna cha chyhsa hry liata a vaw y haw. Ama hnohta pahrâ aw ta, a chyhsazy ama châ aw. Khazohpa tlai cha ama hnohta y aw ta, ama Khazohpa a châ aw.

1 SAMUELA 12:22

A moh rônah ngaitapa vâta Abeipa ta ano phopi cha a heihsai aw vei. Ano phopi châta a cha taopa liana ei heta Abeipa cha a palysa ngaita.